Gujarati News

નવી દિલ્હી: હોકી ઓલિમ્પિયન વરિન્દર સિંહનું મંગળવારે વહેલી સવારે જાલંધરમાં નિધન થયું હતું. વરિન્દર સિંહનો જન્મ 16 મે 1947ના રોજ થયો હતો. તેણે મ્યુનિકમાં 1972 સમર ઓલિમ્પિકમાં બ્રોન્ઝ મેડલ જીત્યો હતો. આ ઉપરાંત, તેણે 1976 સમર ઓલિમ્પિકમાં પણ ભાગ લીધો હતો. હોકી ઈન્ડિયાએ 75 વર્ષીય વરિન્દરના નિધન પર શોક વ્યક્ત કરતા કહ્યું કે, બે વખતના ઓલિમ્પિયન ભારતીય હોકીના ગૌરવશાળી ઈતિહાસનો મહત્વનો હિસ્સો છે.વરિન્દર, 'મેજર ધ્યાનચંદ ખેલ રત્ન એવોર્ડ'નો વિજેતા, 1970ના દાયકામાં ભારતની ઘણી ઐતિહાસિક જીતનો અભિન્ન ભાગ રહ્યો છે. તેમની મુખ્ય સિદ્ધિઓમાં મલેશિયામાં 1975ના મેન્સ હોકી વર્લ્ડ કપમાં ગોલ્ડ મેડલનો સમાવેશ થાય છે. વર્લ્ડ કપમાં ભારતનો આ એકમાત્ર ગોલ્ડ મેડલ છે, જેમાં ભારતે પાકિસ્તાનને 2-1થી હરાવ્યું હતું.