Gujarati News

Gujarati News

News of Monday, 28th May 2018

ભારત-ઓસ્‍ટ્રેલિયા વચ્‍ચેની ટેસ્ટ મેચ ફિક્સિંગ પ્રકરણમાં બીસીસીઆઇ આઇસીસીને તપાસમાં સહયોગ આપશે

મુંબઇઃ સમાચાર ચેનલ અલ જજીરાની ડોક્યૂમેન્ટ્રીમાં ભારત અને ઓસ્ટ્રેલિયા વચ્ચે રાંચીમાં માર્ચ-2017માં રમાયેલી ટેસ્ટ મેચ પર સવાલ ઉઠ્યા છે. તેમાં જણાવવામાં આવ્યું કે, એક ઓસ્ટ્રેલિયન બેટ્સમેન એક નક્કી કરેલા સમય સુધી ધીમી બેટિંગ કરીને મેચ ફિક્સિંગ કરી હતી, જેને ભારતમાં કાયદાકિય ગુનો માનવામાં આવે છે. ડોક્યૂમેન્ટ્રીમાં ભારતમાં રહેનાર અનીલ મુવ્વર બે બેટ્સમેનોના નામ લઈ રહ્યો છે. બંન્ને ખેલાડીઓના નામ ડોક્યૂમેન્ટ્રીમાંથી કટ કરવામાં આવ્યા છે. ચેનલે કહ્યું કે, જે બે ખેલાડીઓના નામ આમાં આવ્યા છે, તેણે જવાબ આપવાનો ઈન્કાર કરી દીધો છે. 

અલ જજીરાએ કહ્યું કે, મુનવ્વરે તે ટેસ્ટમાં જે ગતીથી રન બનાવવાની વાત કરી હતી તે યોગ્ય સાબિત થઈ છે. ચેનલ પ્રમાણે બેટ્સમેનને ધીમી ગતીથી રન બનાવવાનું કહેવામાં આવ્યું હતું. આ સાથે ભારત અને શ્રીલંકા વચ્ચે ગોલમાં રમાયેલી ટેસ્ટ મેચ પર પણ સવાલ ઉઠાવ્યા છે. ડોક્યૂમેન્ટ્રીમાં ગોલના પિચ ક્યૂરેટરે પિચ સાથે છેડછાડની વાતનો સ્વીકાર કરતા દેખાડ્યું છે. 

બીજા સ્ટિંગ ઓપરેશનમાં આરોપ લગાવવામાં આવ્યો કે, ટેસ્ટ રમનાર મોટા દેશો ભારત અને ઓસ્ટ્રેલિયાનો ટેસ્ટ મેચ ફિક્સિંગ કરનારા પ્રભાવિત મેચોની યાદીમાં સામેલ હોઈ શકે છે, પરંતુ બંન્ને દેશોના ક્રિકેટ બોર્ડે કોઈ કાર્યવાહી કરતા પહેલા આઈસીસીની હાલની તપાસ પૂર્ણ થવા સુધી રાહ જોવાનો નિર્ણય કર્યો છે. આ સ્ટિંગ અલ જજીરા ચેનલે કર્યું છે અને જે મેચો પર સવાલ કર્યો છે, તેમાં ભારત અને શ્રીલંકા વચ્ચે ગાલેમાં 26 થી 29 જુલાઈ 2017ની ટેસ્ટ મેચ, ભારત અને ઓસ્ટ્રેલિયા વચ્ચે રાંચીમાં 16 થી 20 માર્ચ 2017 સુધીની મેચ અને ભારત ઈંગ્લેન્ડ વચ્ચે ચેન્નઈમાં 16 થી 20 ડિસેમ્બર સુધી રમાયેલી ટેસ્ટ સામેલ છે. 

ગાલે અને ચેન્નઈમાં રમાયેલી મેચમાં ભારતે જીત મેળવી હતી, જ્યારે રાંચીની મેચ ડ્રો રહી હતી. આરોપ છે કે, ફિક્સિંગ કરનારના કહેવા પર પિચ (ભારત-શ્રીલંકા)માં ફેરફારની આશંકા છે. અન્ય બે મેચોમાં ઓસ્ટ્રેલિયા અને ઈંગ્લેન્ડના કેટલાક ખેલાડીઓ પર સ્પોટ ફિક્સિંગમાં સામેલ થવાનો આરોપ છે. આ પ્રકારની ઘટનામાં કોઈ ભારતીય ખેલાડીનું નામ સામે આવ્યું નથી. 

(6:47 pm IST)
  • પેટ્રોલ-ડીઝલ બાદ દિલ્હી-એનસીઆરમાં સીએનજીના ભાવમાં વધારો :દિલ્હીમાં હવે સીએનજી 1,36 રૂપિયા અને એનસીઆરમાં 1,55 રૂપિયા પ્રતિ કિલો મોંઘુ થયું :ઇન્દ્રપ્રસ્થ ગેસ લિમિટેડે સીએનજીના ભાવમાં કર્યો વધારો ;ભાવ વધારો આજ મધરાતથી લાગુ :સીએનજીનો હવે દિલ્હીમાં ભાવ 41,97 રૂપિયા પ્રતિ કિલો અને નોઈડા,ગાજિયાબાદમાં 48,60 રૂપિયા થશે access_time 11:32 pm IST

  • ભૂકંપની અફવાથી બિહારના રેલવે સ્ટેશને ભાગદોડમાં 56 લોકો ઘાયલ :બિહારના નાલંદાના બિહારશરીફ રેલવે સ્ટેશને એક વિદ્યાર્થીએ ભૂકંપની અફવા ફેલાવતા ભાગદોડ મચી :સ્ટેશન પર આઈટીઆઈ પરીક્ષામાં સામેલ થવા અલગ અલગ જિલ્લામાંથી વિદ્યાર્થીઓ મોટી સંખ્યામાં રેલવે સ્તએહ્સને હતા ત્યારે મોડીરાત્રે 2 વાગ્યે કેટલાક અવાજો આવતા સુતેલા છાત્રોને ભૂકંપ ભૂકંપ એવું જોરશોરથી કહેતા લોકો ભાગવા લાગ્યા હતા. access_time 11:45 pm IST

  • કર્ણાટકમાં કોંગ્રેસ પાર્ટીના નવા ચૂંટાયેલા વિધાનસભ્ય એસ. એન. ગૌડાનું રોડ અકસ્માતમાં મૃત્ય : ગોવાથી બાગલકોટ જતા હતા ત્યારે એમની કારને નડ્યો ગંભીર અકસ્માત access_time 9:00 am IST