Gujarati News

Gujarati News

News of Monday, 28th May 2018

ઉંમર નહિ પરંતુ ખેલાડીની ફિટનેસ ગેમ ચેન્જર :ચેન્નાઈને ઘરડાની સેના ગણનારને ટ્રોફી જીત્યા બાદ ધોનીનો જવાબ

મુંબઇ:ચેન્નાઇ સુપર કિંગ્સની ટીમમાં ઉંમરલાયક ખેલાડીઓ હોવાના કારણે ઘણાએ તેને ઘરડાંઓની ટિમ ગણાવી હતી જોકે છતા પણ આઇપીએલ-11ની ચેમ્પિયન બનવામાં સફળ રહેલી અને તેની કેપ્ટન્સીમાં મહેન્દ્ર સિંહ ઘોનીએ પણ કહ્યું કે ઉંમરની નહી પરંતુ ફિટનેસનું મહત્વ વધારે હોય છે. ચેન્નાઇએ સનરાઇજર્સ હૈદરાબાદને આઠ વિકેટતી પરાજય આપીને સતત ત્રીજી વખત ચેમ્પિયન બની ચુકી છે. 

  અત્રે ઉલ્લેખનીય છે કે અગાઉ ચેન્નાઇની પ્લેઇંગ 11ની જ્યારે જાહેરાત થઇ ત્યારે ઘણા ખેલાડીઓ અને મીડિયા ગૃહો દ્વારા તેને વૃદ્ધોની ફોજ પણ ગણાવવામાં આવી હતી. ઉપરાંત ધોનીએ કેપ્ટન્સી છોડી દીધાને લાંબો સમય પસાર થઇ ચુક્યો હોવાનાં કારણે શું તે ફરીથી સફળ કેપ્ટનની ભુમિકા નિભાવી શકશે વગેરે જેવા સવાલો ઉભા કર્યા હતા. જો કે ધોની પહેલાથી જ કથની કરતા કરણીમાંવધારે માને છે. 

આઇપીએલની ટ્રોફી સ્વિકારતા સમયે પણ તેણે પોતાનાં આલોચકોને આડકતરી રીતે જવાબ આપતા કહ્યું કે ઉંમરથી ક્યારે પણ મેચ જીતાતી નથી. મેચ જીતવા માટે તમારી ફિટનેસ ખુબ જ જરૂરી છે. તેણે કહ્યું કે ઉંમર માત્ર એક આંકડો છે પરંતુ ખેલાડીની ફિટનેસ જ ગેમ ચેન્જર સાબિત થતી હોય છે. 

ધોનીએ કહ્યું કે, રાયડૂ 33 વર્ષનો છે પરંતુ તે વાસ્તવમાં મહત્વનું નથી જો તમે કોઇ કેપ્ટનને પુછશો કે કેવો ખેલાડી ઇચ્છશે તો તે કહેશે ફિટ અને ચપળ ખેલાડી તે ખેલાડીની ઉંમર નહી પુછે. અમે અમારા માઇનસ પોઇન્ટ જાણીએ છીએ. જો વોટ્સન ડાઇવ લગાવવાનો પ્રયાસ કરતો તે ઇજાગ્રસ્ત થયો હોત.એટલા માટે જ અમે તેને આવું કોઇ જ સાહસ નહી કરવા માટે જણાવ્યું હતું.

(1:08 pm IST)
  • ભાજપના સાંસદ શત્રુઘ્નસિંહાએ મોદી સરકારના ચાર વર્ષ પુરા થવા પ્રસંગે પાર્ટીને નિશાને લીધી :શોટગને કહ્યું કે છેલ્લા ચાર વર્ષમાં ભાજપની ઉપલબ્ધી રહી છે માત્ર વાયદા વાયદા અને વધુ વાયદા કરવા : શત્રુઘ્ને ટ્વીટર પર લખ્યું કે મને એવો સવાલ પુછાઈ રહ્યો કછે કે મોદી સરકારની ચાર વર્ષની ઉપલબ્ધી શું છ? તો મારો જવાબ છે કે કામ નહીં પરંતુ માત્ર વાયદો કરવો : શત્રુઘ્નસિંહાએ કહ્યું કે તેની પાર્ટી વાયદા અને વાયદા અને માત્ર વાયદા કરવામાં સૌથી અવ્વલ નંબરની પાર્ટી બની છે. access_time 7:15 am IST

  • તામિલનાડુના તુતીકોરીન જિલ્લામાં વિરોધ પ્રદર્શનમાં હિંસા ભડકતા લગાવેલ કલમ 144 હટાવાઈ :વેદાંતા ગ્રુપની કંપની સ્ટરલાઇનના કોપર યુનિટના વિરોધમાં હિંસા થતા વહીવટી તંત્રે 21મીએ કલમ 144 લાગુ કરી હતી :પોલીસ ગોળીબારમાં 13 લોકોના મોત થયા હતા. access_time 7:16 am IST

  • પેટ્રોલ-ડીઝલ બાદ દિલ્હી-એનસીઆરમાં સીએનજીના ભાવમાં વધારો :દિલ્હીમાં હવે સીએનજી 1,36 રૂપિયા અને એનસીઆરમાં 1,55 રૂપિયા પ્રતિ કિલો મોંઘુ થયું :ઇન્દ્રપ્રસ્થ ગેસ લિમિટેડે સીએનજીના ભાવમાં કર્યો વધારો ;ભાવ વધારો આજ મધરાતથી લાગુ :સીએનજીનો હવે દિલ્હીમાં ભાવ 41,97 રૂપિયા પ્રતિ કિલો અને નોઈડા,ગાજિયાબાદમાં 48,60 રૂપિયા થશે access_time 11:32 pm IST