Gujarati News

ઇંગ્લેન્ડના બર્મિંઘમમાં 2022માં થનાર કોમનવેલ્થ ગેમ્સમાં મહિલા ક્રિકેટ ટી20નો સમાવેશ કરાવવા માટે આંતરરાષ્ટ્રીય ક્રિકેટ પરીષદ (આઈસીસી)એ પ્રસ્તાવ રજૂ કર્યો છે. આઈસીસીએ ઇંગ્લેન્ડ ક્રિકેટ બોર્ડને સાથે રાખીને આ આવેદન આપ્યું છે. કોમનવેલ્થ ગેમ્સમાં માત્ર એકવાર 1998 (કુઆલાલમ્પુર)માં પુરૂષ ક્રિકેટની મેચ રમાઇ હતી. ત્યારે દ.આફ્રિકાએ ગોલ્ડ મેડલ જીત્યો હતો.

    આ અંગે આઈસીસીએ કહ્યું કે, 'મુખ્ય હેતું ક્રિકેટ અને ખાસ કરીને મહિલા ક્રિકેટને પ્રોત્સાહન મળે તે માટે એક પહેલ કરવામાં આવી છે. વિશ્વભરમાં મહિલાઓને આ અંગે પ્રેરિત કરવાની વૈશ્વિક રણનીતિ છે.' કોમનવેલ્થમાં 8 ટીમોને બે ગ્રુપમાં વહેચીને બે સ્થળોએ 8 દિવસમાં 16 મહિલા ક્રિકેટ મેચ રમાડવાનો પ્રસ્તાવ મુકવામાં આવ્યો છે.