Gujarati News

Gujarati News

News of Monday, 27th May 2019

અગાઉ કરતાં વધુ રનભૂખ્યો બન્યો છું : હાશિમ આમલા

મુંબઈ : રમતમાંથી બાકાત રહેવાના સમયમાં હું રન અને સફળતા માટે વધુ ભૂખ્યો બન્યો છું એવું પોતાના આગામી ત્રીજા વર્લ્ડ કપમાં રમનાર સાઉથ આફ્રિકાના બેટ્સમેન હાશિમ અમલાએ કહ્યું હતું. કુલ ૧૮,૦૦૦થી વધુ આંતરરાષ્ટ્રીય રન કરનાર અમલા એક સમયે સાઉથ આફ્રિકાની ટીમનો મુખ્ય બેટ્સમેન હતો, પણ ફોર્મ ગુમાવી દેતાં તે ટીમમાંથી સ્થાન ગુમાવી બેઠો હતો.

આ વર્ષે તે શ્રીલંકા સામે વન-ડે શ્રેણીમાં રમ્યો નહોતો અને ઓપનિંગ બેટ્સમેન તરીકે ટીમમાં તેનું સ્થાન એઇડન માર્કરમ અને વાઇસ-કેપ્ટન કિવન્ટન ડીકોકે લીધું હતું. અમલા ઇન્ડિયન પ્રીમિયર લીગ (આઇપીએલ)માં પણ ગેરહાજર હતો. જોકે તેનું કહેવું છે કે લાંબી બાકાતીએ મારી રમતમાં સુધારો કર્યો છે. હું હવે પહેલાં કરતાં વધુ રન અને સફળતા માટે ભૂખ્યો બન્યો છું, એમ તેણે કહ્યું હતું. અમલાનો આ ત્રીજો વર્લ્ડ કપ હશે અને ઇંગ્લેન્ડમાં તેનો દેખાવ હંમેશાં સારો રહ્યો છે.

(3:48 pm IST)
  • છીંદવાડાની ભાવના માઉન્ટ એવરેસ્ટ સર કરનારી મધ્યપ્રદેશની પ્રથમ મહિલા બની :ભાવના દેહરીયાએ વિશ્વની સૌથી ઊંચા માઉન્ટ એવરેસ્ટ પર ચડવાવાળી મધ્યપ્રદેશની પહેલી મહિલા બની access_time 1:21 am IST

  • દેખાવો સર્જાતા કાશ્મીરના નૌહટ્ટામાં પ્રતિબંધો લદાયા : શ્રીનગર : આતંકી કમાન્ડર ઝાકીર મુસા ઠાર મરાયા પછી બે દિવસ અશાંતિ રહેલ. આ પછી પ્રતિબંધો ઉઠાવી લેવાયેલ. દરમિયાન ફરી મોટાપાયે દેખાવો શરૂ થતાં શ્રીનગરના જૂના વિસ્તાર નૌહટ્ટામાં પ્રતિબંધો લદાયા છે. હાઈ સ્પીડ મોબાઈલ - ઈન્ટરનેટ સેવા સતત બંધ છે access_time 11:44 am IST

  • સુરતમાં કોંગ્રેસના નેતા હાર્દિક પટેલ કરશે ધરણા પ્રદર્શન : સરથાણા જકાતનાકા વિસ્તારમાં હાર્દિકની થઈ અટકાયત : તેની ગાડી પોલીસ દ્વારા ઘેરવામાં આવી access_time 1:16 pm IST