Gujarati News

Gujarati News

News of Friday, 27th March 2020

લોકડાઉન છતાં આઈપીએલની તૈયારી કરી રહ્યો છે બેન સ્ટોકસ

લંડન : દુનિયા લોકડાઉન છે છતાં ઇંગ્લેન્ડ ક્રિકેટ ટીમનો ઓલરાઉન્ડર બેન સ્ટોકસ હાલમાં આઇપીએલની તૈયારી કરી રહ્યો છે. આ વાતની જાણ પણ તેણે પોતે જ કરી છે. કોરેનાને લીધે બીસીસીઆઇએ આઇપીએલ પર ૧૫ એપ્રિલ સુધી પ્રતિબંધ મૂકયો છે.

આ વિશે સ્ટોકસે કહ્યું કે 'આજના સમયમાં મારી આગામી કોમ્પિટેટિવ ક્રિકેટ આઇપીએલ હશે. મને લાગે છે કે મારે નેકસ્ટ ક્રિકેટ આઇપીએલમાં રમવાની છે, પણ સાથે એ હું પણ જાણું છું કે કદાચ એ ન પણ રમાય. મારે મારી જાતને ફિઝિકલી ફિટ રાખવી છે, કેમ કે જો આઇપીએલ રમાય તો હું એ માટે તૈયાર રહું. હું ત્રણ અઠવાડિયાંનો આરામ કરીને ર૦ એપ્રિલે આઇપીએલની મેચ રમાય તો ફિટ ન રહી શકું. મારા ખ્યાલથી એ રમાશે અને જો એ રમાય તો હું પાછળ રહેવા નથી માગતો.'

(3:29 pm IST)
  • મહામારીના સમયમાં સ્થળાંતર ના કરશોઃ ગુન્હો બને છેઃ શિવાનંદ ઝા : ગુજરાતના ડાયરેકટર જનરલ ઓફ પોલીસ શ્રી શિવાનંદ ઝાએ કહયું છે કે હાલની કોરોના મહામારીના સમયે સ્થળાતંર નહિ કરશો, ગુન્હો બને છે. રાજયના સુરત, રાજકોટ સહિતના મોટા શહેરોમાંથી પર પ્રાંતીય લોકો વતન તરફ ભાગવા લાગ્યા છે તે સંજોગોમાં રાજયના પોલીસ વડાની આ જાહેરાત ખુબ મહત્વની છે. આજથી ગુજરાતમાંથી સ્થળાંતર સંપૂર્ણ બંધ છે. access_time 11:32 am IST

  • રાજકોટમાં ૩૨ ડિગ્રી : રાજકોટઃ શહેરમાં ગઈકાલે ઠંડા વાતાવરણ વચ્ચે ૩૦ ડિગ્રી તાપમાન નોંધાયેલઃ જયારે આજે બપોરે ૩ વાગે ૩૨ ડિગ્રી ઉષ્ણતામાન વચ્ચે ૧૪ કિ.મી.ની ઝડપે પવન ફૂંકાઈ રહ્યો છે access_time 4:17 pm IST

  • ઇટાલીમાં એક જ દિવસમાં કોરોનાના 1,000 મૃત્યુ નોંધાયા : ઇટાલીમાં કુલ 86,500 થયા : મૃત્યુઆંક 6000એ પહોંચવા આવ્યો access_time 12:28 am IST