Gujarati News

મુંબઇ,તા. ૨૭ : સાઉથ ઈન્ડસ્ટ્રીના સુપરસ્ટાર અલ્લુ અર્જુન અને અભિનેત્રી રશ્મિકા મંદાનાની ફિલ્મ 'પુષ્પાઃ ધ રાઈઝ' ૧૭ ડિસેમ્બર ૨૦૨૧ના રોજ સિનેમાઘરોમાં રિલીઝ થઈ હતી. આ ફિલ્મ રિલીઝ થયાને એક મહિનાથી વધુ સમય થઈ ગયો છે. ચાહકોને આ ફિલ્મ જેટલી પસંદ આવી છે તેટલા જ તેના ગીતો પણ પસંદ આવી રહ્યા છે. તેના ડાયલોગ્સ અને ડાન્સ સ્ટેપ્સ સાથે જોડાયેલા ઘણા વીડિયો સોશિયલ મીડિયા પર વાયરલ થઈ રહ્યા છે.

હાલમાં હાર્દિક પંડ્યા અને તેના નાનીનો વીડિયો વાયરલ થઈ રહ્યો છે. જેમાં તે ફિલ્મ પુષ્પાના સોન્ગ 'તેરી ઝલક અશરફી શ્રીવલ્લી'ના ડાન્સ સ્ટેપ્સ કોપી કરી રહ્યા છે.

હાર્દિક પંડ્યાએ અલ્લુ અર્જુનનું શ્રીવલ્લી હૂક સ્ટેપ ટ્રાય કર્યુ છે અને આ વીડિયોમાં તેની પાર્ટનર પણ છે. ક્રિકેટરે તેની નાની સાથે શ્રીવલ્લી હૂક સ્ટેપ કર્યું છે. વીડિયો ખરેખર કયૂટ છે.

હાર્દિક પંડ્યા અને તેના દાદી અલ્લુ અર્જુનની શ્રીવલ્લી પર સુંદર ડાન્સ કરતા જોઈ શકાય છે. બંનેએ દરેક સ્ટેપ્સને ખૂબ સારી રીતે સંકલન કર્યું છે. વીડિયો શેર કરતાં હાર્દિક પંડ્યાએ કેપ્શનમાં લખ્યું- આપણી પોતાની પુષ્પા નાની. આ વીડિયો સોશિયલ મીડિયા પ્લેટફોર્મ ઈન્સ્ટાગ્રામ પર શેર કરવામાં આવ્યો છે. તમે hardikpandya93 નામના પેજ પર આ વીડિયો જોઈ શકો છો. લોકો આ વીડિયોને એટલો પસંદ કરી રહ્યા છે કે તેઓ તેને વારંવાર જોવાનું પસંદ કરે છે, સાથે જ તેમની લાઈકસ અને કમેન્ટ્સ દ્વારા ઘણો પ્રેમ વરસાવે છે.

નેટીઝન્સે આ વીડિયો પર ઘણાં ઈમોટિકોન્સ શેર કર્યા છે. એક યુઝરે લખ્યું- ખૂબ જ સુંદર તમને ખૂબ પ્રેમ. અન્ય એક યુઝરે લખ્યું- અદ્ભુત ડાન્સ, તમે બંને ખૂબ જ કયૂટ છો. ત્રીજા યુઝરે લખ્યું- આ સૌથી સુંદર વીડિયો છે, હાર્દિક. બીજાએ લખ્યું – તમારી દાદી ખરેખર સુંદર છે.