Gujarati News

Gujarati News

News of Saturday, 26th May 2018

આઇસીસીએ પાકિસ્તાનના ક્રિકેટરના હાથમાંથી સ્માર્ટ વોચ કઢાવી

નવી દિલ્હી: પાકિસ્તાનના ક્રિકેટ સાથે વિવાદનો ખુબ જ ગાઢ સંબંધ રહ્યો છે અને ઈંગ્લેન્ડ સામે લોર્ડ્ઝમાં શરૃ થયેલી શ્રેણીની પ્રથમ ટેસ્ટમાં પણ પ્રવાસી ક્રિકેટરો વધુ એક વિવાદમાં સપડાયા હતા. ઈંગ્લેન્ડ સામેની ટેસ્ટમાં પાકિસ્તાનના કેટલાક ક્રિકેટરો સ્માર્ટ વોચિસ પહેરીને રમવા માટે ઉતર્યા હતા. આઇસીસીના એન્ટી કરપ્શન યુનિટના ઓફિસરનું તરત આ તરફ ધ્યાન ગયું હતુ અને તેમણે પાકિસ્તાનના ક્રિકેટરોના કાંડા પરથી સ્માર્ટ વોચિસ ઉતરાવી હતી. લોર્ડ્ઝ ટેસ્ટમાં પ્રથમ દિવસે પાકિસ્તાનના અસદ શફીક અને બાબર આઝમ નામના ખેલાડીઓ સ્માર્ટ વોચ પહેરીને મેદાન પર ઉતર્યા હતા. આઇસીસી મેચ ફિક્સિંગ અટકાવવા માટે ક્રિકેટરો તો શું અન્ય મેદાન પરના ઓફિસિઅલ્સના મોબાઈલ ફોન તેમજ અન્ય ઇલેક્ટ્રોનિક્સ  ટ્રાન્સમીટ ડિવાઈસીસ મેચ દરમિયાન જપ્ત કરી લેતી હોય છે. ત્યારે ઈન્ટરનેટ તેમજ મોબાઈલ સાથે વાઈ-ફાઈ કનેક્શન ધરાવતા સ્માર્ટ વોચિસ પહેરવી એ સ્વાભાવિક રીતે જ ગુનો ગણાય. આમ છતાં પાકિસ્તાનના ક્રિકેટરોએ આ તરફ ધ્યાન જ આપ્યું નહતુ. આખરે આઇસીસીના એન્ટી કરપ્શન યુનિટને દરમિયાનગીરી કરવી પડી હતી. દરમિયાનમાં પાકિસ્તાનના એક ક્રિકેટરે લૂલો બચાવ કરતાં કહ્યું હતુ કે, અમે અગાઉ ક્યારેય કોઈ ખેલાડીને સ્માર્ટ વોચિસ પહેરીને ક્રિકેટ મેચ રમતા જોયો તો નથી. જોકે આના પર પ્રતિબંધ ન હોવાના કારણે અમને તેમાં વાંધાજનક ન લાગ્યું. વધુમાં મોબાઈલ સ્વિચઓફ હોવાથી તે માત્ર સમય જોવા માટેની ઘડિયાળ હતી.જોકે આઇસીસીએ તેના ઉપયોગ પર પણ મનાઈ ફરમાવી છે.
 

(4:11 pm IST)
  • મુંબઈની તરતી રેસ્ટોરન્ટ સમુદ્રમાં ડૂબી : મુંબઈના માહિમ ખાતે બાંદરા-વરલી સી લિંક પાસે સમુદ્રમાં તરતી રેસ્ટોરન્ટ ડૂબી જતા 15 લોકો ડૂબ્યા હતા. જો કે સદનસીબે આ તમામ લોકોને બચાવી લેવાયા હતા. એક મોટી શિપને તરતી રેસ્ટોરન્ટમાં ફેરવવામાં આવી હતી. આ આર્ક ડેક બાર રેસ્ટોરન્ટ સમુદ્રના કિનારાથી લગભગ દોઢ કિલોમીટર અંદર હતી. જહાજમાં પાણી ભરાવાથી દુર્ઘટના સર્જાય હતી. પોલીસ દ્વારા આ ઘટનાની વધુ તપાસ હાથ ધરાય છે. access_time 2:09 pm IST

  • કેન્દ્રમાં એનડીએ સરકારનાં ચાર વર્ષ પુર્ણ થવા પ્રસંગે કોંગ્રેસ સહિત મોટા ભાગનાં વિપક્ષી દળો મોદી સરકાર પર હૂમલા કરી રહી છે. બીજી તરફ કર્ણાટકનાં હાલમાં જ મુખ્યમંત્રી બનેલા એચ.ડી કુમાર સ્વામીએ કેન્દ્રની એનડીએ સરકારને શુભકામના પાઠવી છે. જેડીએસ નેતાએ જો કે મોદી સરકારને લોકોની અપેક્ષાઓ પર ખરા ઉતરવા અંગેનાં સવાલ પર કોઇ સ્પષ્ટ જવાબ આપવાનું ટાળ્યું હતું. કુમાર સ્વામીએ કહ્યું કે આ અંગે લોકોએ નક્કી કરવાનું છે. access_time 1:23 am IST

  • સુરતમાં કતલખાને લઈ જવાતા ગાય-વાછરડાને બચાવાયાઃ ગૌરક્ષકો ઉપર હુમલો : માંડવીમાં ગૌરક્ષકોએ એક વાનમાં લઈ જવાતા ગાય વાછરડાઓને છોડાવ્યા : તાપીના વલોડની ગાય વાછરડાને લઈ જવાતા હતા ત્યારે ઝડપી લેતા કસાઈઓએ ગૌરક્ષકો ઉપર હુમલો કર્યો access_time 7:07 pm IST