Gujarati News

Gujarati News

News of Saturday, 26th May 2018

શ્રીલંકન બેટ્સમેનના પિતાની ક્રૂર હત્યા

હમણા જ ચૂંટણી જીતેલ : રાજકીય વેરમેટમાં ગોળીએ ફૂંકી માર્યાઃ વેસ્ટ ઈન્ડિઝના પ્રવાસમાંથી ધનંજયએ પોતાનું નામ પાછુ ખેંચ્યુ

કોલંબો : વિદેશ પ્રવાસ પહેલા જ શ્રીલંકાના બેટ્સમેન ધનંજય ડિસિલ્વાના તાના પિતાની અચાનક થયેલી હત્યાના કારણે વેસ્ટ ઈન્ડિસ પ્રવાસથી પોતાનું નામ પાછું ખેંચવું પડ્યું છે. શ્રીલંકાની ટીમને પ્રવાસ પર રવાના થવાનું હતું. દૂબઈ થઈને જનાર ફ્લાઈટમાં માત્ર ૧૨ કલાક જ બચ્યા હતા અને અચાનક ડિસિલ્વાના પિતાના હત્યાની જાણ થઇ  આ સમાચાર મળ્યા બાદ ડિસિલ્વા અને તેમના સાથી ખેલાડીઓ હોસ્પિટલ પણ પહોંચ્યા હતા, પરંતુ હોસ્પિટલમાં તેમના પિતાને મૃત જાહેર કરવામાં આવ્યા હતા.

પોલીસના જણાવ્યા અનુસાર ધનંજયના પિતા રંજન ડિસિલ્વાને ગુરૂવારે સાંજે લગભગ ૮.૩૦ વાગે સાઉથ કોલંબોમાં હુમલાખોરોએ ગોળીઓ મારી દીધી હતી. તેમની હત્યા પાછળ રાજકીય કાવાદાવાઓ માનવામાં આવી રહ્યાં છે. તેમને હાલમાં જ પેટા ચૂંટણીઓમાં જીત મેળવી હતી.

   આ ઘટના પછી પણ શ્રીલંકા ક્રિકેટમાં કોઈ ફેરફારની કોઈ પ્રતિક્રિયા આવી નહતી પરંતુ  એવું માનવામાં આવી રહ્યું છે કે, ટીમમાં કેટલાક ફેરફાર કરવામાં આવી શકે છે.

ધનંજય ડિસિલ્વાએ ભારત વિરૂદ્ઘ દિલ્હી ટેસ્ટમાં ટીમમાં વાપસી કરી હતી. ૨૬ વર્ષના ડિસિલ્વાએ આ ટેસ્ટની બીજી ઈનિંગમાં અણનમ સદી ફટકારીને ટેસ્ટને ડ્રો કરવામાં મહત્વપૂર્ણ ભૂમિકા ભજવી હતી. ૨૬ વર્ષના ધનંજયે કુલ ૧૩ ટેસ્ટ રમી છે.(૩૭.૫)

(10:46 pm IST)
  • મુંબઈની તરતી રેસ્ટોરન્ટ સમુદ્રમાં ડૂબી : મુંબઈના માહિમ ખાતે બાંદરા-વરલી સી લિંક પાસે સમુદ્રમાં તરતી રેસ્ટોરન્ટ ડૂબી જતા 15 લોકો ડૂબ્યા હતા. જો કે સદનસીબે આ તમામ લોકોને બચાવી લેવાયા હતા. એક મોટી શિપને તરતી રેસ્ટોરન્ટમાં ફેરવવામાં આવી હતી. આ આર્ક ડેક બાર રેસ્ટોરન્ટ સમુદ્રના કિનારાથી લગભગ દોઢ કિલોમીટર અંદર હતી. જહાજમાં પાણી ભરાવાથી દુર્ઘટના સર્જાય હતી. પોલીસ દ્વારા આ ઘટનાની વધુ તપાસ હાથ ધરાય છે. access_time 2:09 pm IST

  • આજે CBSE બોર્ડ ધોરણ 12નું પરિણામ જાહેર થશે : પરિણામ સરળતાથી જોઇ શકાય તે માટે ગુગલ સાથે કર્યું CBSEએ જોડાણ : ગુગલ પરથી વિદ્યાર્થીઓ જોઇ શકશે પોતાનું પરિણામ : cbse.examresults.net, cbseresults.nic.in, results.nic.in and results.gov.in વેબસાઈટસ પરથી પરિણામ જાણી શકાશે access_time 6:56 pm IST

  • સુરતની લેડી ડૉન અસ્મિતા ગોહિલ ઉર્ફે ભૂરીએ પોતાનો ગુનો કબૂલ્યો છે અને હવે સુધરવાની વાત કરી છે. ભૂરીએ કહ્યું કે મારા પર જે આરોપ લાગ્યા છે તે સાચા છે. વાઈરલ થયેલો વીડિયો પણ મારો છે. ભૂરીએ પોતાની ભૂલ પણ સ્વીકારી અને કહ્યું કે જેલમાંથી બહાર આવીને હું મારી ભૂલ સુધારવા માગું છું. ભૂરીએ કહ્યું કે હવે મને લાગે છે કે મારે સુધરી જવું જોઈએ. ભૂરીએ આ નિવેદન કોર્ટ બહાર આપ્યું હતું. access_time 1:23 am IST