Gujarati News

Gujarati News

News of Monday, 25th March 2019

IPL -2019 :પંજાબનો શાનદાર વિજય :રાજસ્થાનનો 14 રને પરાજય :છેલ્લી બે ઓવરમાં બાજી પલ્ટી ગઈ

જયપુરના સવાઈ માનસિંહ સ્ટેડિયમમાં IPL 2019ની ચોથી મેચમાં કિંગ્સ ઈલેવન પંજાબે રાજસ્થાનને 14 રને પરાજય આપ્યો હતો પંજાબે આપેલા 185 રનના ટાર્ગેટ સામે રાજસ્થાનની ટીમ  20 ઓવરમાં 170 રન  બનાવી શકી હતી. પંજાબ તરફથી અંકિત રાજપૂત, સેમ કરન અને મુજિબ-ઉર-રહમાને 2-2 જ્યારે રવિચંદ્રન અશ્વિને એક વિકેટ ઝડપી. રાજસ્થાન તરફથી જોસ બટલરે 69 રનની ઈનિંગ રમી હતી જોકે ટીમને જીત અપાવી શક્યો નહીં.

   રાજસ્થાને ટૉસ જીત પ્રથમ ફિલ્ડીંગનો નિર્ણય લીધો હતો. ક્રિસ ગેઈલના 47 બોલમાં 8 ચોગ્ગા અને 4 છગ્ગાની મદદથી 79 અને સરફરાઝ ખાનન 29 બોલમાં 6 ચોગ્ગા અને 1 છગ્ગા સાથે અણનમ 46 રનની મદદથી 20 ઓવરમાં 4 વિકેટે 184 રન બનાવ્યા હતા. રાજસ્થાન તરફથી બેન સ્ટોક્સે સૌથી વધુ બે વિકેટ ઝડપી હતી
  રાજસ્થાનની શરૂઆત તોફાની રહી હતી. કેપ્ટન અજિંક્ય રહાણે (27) અને જોસ બટલર (69)એ 78 રનની શાનદાર ઓપનિંગ ભાગીદારી નોંધાવી હતી. રાજસ્થાન 2 ઓવર બાકી રહેતા જીત નજીક હતી પરંતુ બટલરના રનઆઉટ અને બાદમાં મીડલ તથા લોઅર ઓર્ડરના રકાસને લીધે 20 ઓવરના અંતે ટીમ 9 વિકેટે માત્ર 170 રન બનાવી શકી હતી.

 

(1:33 am IST)
  • ગોંડલ નજીક ખીમોરી તળાવ પાસેથી મૃત હાલતમાં નવજાત શીશુ મળ્યું : મૃતક નવજાત શીશુ હાથપગનો ભાગ જનાવરોએ ફાડી ખાધેલ હાલતમાં મળી આવ્યું.:મૃતક નવજાત શીશુને માનવ સેવા ટ્રસ્ટના પ્રમુખ પ્રફુલ્લભાઈ રાજ્યગુરૂ અને કિશોરભાઈ બાવળિયા એ ગોંડલ સરકારી હોસ્પિટલમાં પહોંચાડ્યું : ગોંડલ તાલુકા પોલીસે આ બનાવમાં તપાસ હાથ ધરી access_time 12:18 am IST

  • અમેરિકાએ લગાવ્યો ગંભીર આરોપ :કહ્યું ચીન નથી ઇચ્છતું કે કોઈ તિબ્બત જાય :અમેરિકી વિદેશ વિભાગે કહ્યું કે ગયા વર્ષે ચીને તિબ્બત યાત્રા માટે અમેરિકા દ્વારા મોકલાયેલા નવમાંથી પાંચ પ્રસ્તાવો ઠુકરાવ્યા હતા access_time 1:15 am IST

  • જૂનાગઢ બેઠક માટે હીરાભાઇ સોલંકી ? : જૂનાગઢની બેઠક માટે ભારતીય જનતા પક્ષે હીરાભાઇ સોલંકીના નામ ઉપર મહોર મારી રહ્યાનું જાણવા મળે છે access_time 3:23 pm IST