Gujarati News

Gujarati News

News of Friday, 26th February 2021

અમદાવાદ ટેસ્ટમેચ બે દિવસમાં પુરી : છેલ્લા ત્રણ દિવસ માટે ટિકિટ લેનારાઓ પ્રેક્ષકો હવે રિફંડને લઈને ચિંતાતુર

ત્રીજા દિવસની 18 હજાર ટિકિટ ખરીદનારા ક્રિકેટ પ્રેમીને રિફંડ અંગે આજે નિર્ણય લેવાઈ શકે

અમદાવાદ: શહેરના નવનિર્મિત નરેન્દ્ર મોદી સ્ટેડિયમમાં રમાઈ રહેલી ભારત અને ઈંગ્લેન્ડ વચ્ચે રમાયેલી ટેસ્ટ મેચ બે દિવસમાં જ પૂરી થઈ ગઈ છે. આથી છેલ્લા 3 દિવસ ટેસ્ટ ક્રિકેટ નિહાળવા માટે ટિકિટ લેનારા પ્રેક્ષકો રિફંડને લઈને ચિંતિત જણાઈ રહ્યાં છે

આ અંગે પ્રાપ્ત વિગતો મુજબ, ભારત અને ઈંગ્લેન્ડ વચ્ચે અમદાવાદ ખાતે રમાયેલી ત્રીજી ટેસ્ટ મેચ બુધવારે શરૂ થઈ હતી. જેને નિહાળવા માટે શહેરના અનેક ક્રિકેટ પ્રેમીઓએ અગાઉથી ટિકિટો બુક કરાવીને રાખી હતી. જો કે આ ટેસ્ટમાં ભારતીય ટીમનું શાનદાર પ્રદર્શન રહેતા મેચનું પરિણામ બીજા દિવસે જ જાહેર થઈ ગયું છે. એવામાં ક્રિકેટ પ્રેમીઓને એક પ્રશ્ન મૂંઝવી રહ્યો છે કે, છેલ્લા 3 દિવસની મેચ નિહાળવા માટે ટિકિટના ચૂકવેલા નાણાંનું રિફંડ મળશે કે કેમ?

ગુજરાત ક્રિકેટ એસોસિએશનના સુત્રો પાસેથી મળતી માહિતી મુજબ, ટેસ્ટ મેચ માટે ત્રીજા દિવસની 18 હજાર ટિકિટ ખરીદનારા ક્રિકેટ પ્રેમીને રિફંડ અંગે આજે નિર્ણય લેવાઈ શકે છે. જેની અંદાજિત કિંમત 50 લાખ રૂપિયા થવા જાય છે

નિયમ મુજબ એકેય બોલ ના રમાયો હોય, તો જ ટિકિટના પૈસા રિફંડ મળે છે. કેટલાક એસોસિએશન રિફંડ આપવાની જગ્યાએ પ્રેક્ષકોને આગામી મેચની ટિકિટ પણ આપતા હોય છે. જો કે ટેસ્ટ ક્રિકેટની ઓનલાઈન વેચાણ કરતી વેબસાઈટ્સના જણાવ્યા મુજબ, રિફંડ અંગે અમારી ટીમ સાથે ચર્ચા કરી રહ્યાં છે. અમે ઓનલાઈન ટિકિટ ખરીદી પર નિર્ણય લઈશું, તો SMS દ્વારા જાણ કરવામાં આવશે

(1:26 pm IST)
  • રાજયમાં ફાયર સેફટી એકટના અમલમાં હાઇકોર્ટનું કડક વલણ : કોર્ટે કહ્યું.. લોકોના જીવના જોખમે હોસ્પિટલો અને શાળાઓ ધંધો કરી શકશે નહીં: શ્રેય હોસ્પિટલ ફરી શરૂ કરવાની રજૂઆત કોર્ટે ફગાવીઃ અમદાવાદ હોસ્પિટલ અને નર્સિગ એસોસીએશનને હાઇકોર્ટનો નિર્દેશ.. ફાયર સેફટીના નિયમોનું પાલન કરો અથવા હોસ્પિટલ બંધ કરોઃ ફાયર સેફટી વગરની ઇમારતો ફેકટરી શાળાઓ અને હોસ્પિટલો સામે કડક કાર્યવાહી કરવા હાઇકોર્ટનો સરકારનો આદેશ. access_time 3:54 pm IST

  • દેશમાં કોરોનાના સતત વધતા કેસ :એક્ટિવ કેસની સંખ્યામાં પણ વધારો : રાત્રે 11 વાગ્યા સુધીમાં કોરોનાના નવા 16,019 કેસ નોંધાયા :કુલ કેસની સંખ્યા 1,10,79,094 થઇ :એક્ટિવ કેસ 1,56,413 થયા: વધુ 12,361 દર્દીઓ સ્વસ્થ થતા કુલ 1,07,61,139 થયા :વધુ 109 લોકોના મોત સાથે કુલ મૃત્યુઆંક 1,56,970 થયા access_time 1:03 am IST

  • ભારતીય ટીમના બોલર યુસુફ પઠાણે ક્રિકેટના તમામ ફોર્મેટમાંથી લીધી નિવૃતિ : આજે યુસુફે ઍકાઍક જાહેરાત કરતાં જણાવેલ કે તેઓઍ ક્રિકેટના તમામ ફોર્મેટમાંથી નિવૃતિ લઈ લીધી છે : યુસુફ પઠાણે તેમની કારકિર્દીમાં ૫૭ વન ડે અને ૨૨ આંતરરાષ્ટ્રીય ક્રિકેટ મેચ રમી છે : તેઓની કારકિર્દીમાં અનેક સિમાચિન્હરૂપ ઈનિંગ્સનો સમાવેશ થાય છે : યુસુફઍ ઍક ફાંકડા ફટકાબાજ તરીકે પણ લોકચાહના મેળવેલ access_time 5:23 pm IST