Gujarati News

વેલિંગ્ટનઃ ટીમ ઈન્ડિયાની ન્યુઝીલેન્ડ સામેની પહેલી ટેસ્ટ મેચમાં થયેલા પરાજયને લીધે અનેક દિગ્ગજ પ્લેયરો સવાલ ઉઠાવી રહ્યા છે. ન્યુઝીલેન્ડના ભૂતપૂર્વ ઓલરાઉન્ડર ક્રેગ મેક્મિલને પણ આ વિષયમાં પોતાનો અભિપ્રાય આપ્યો છે. ક્રેગે કહ્યું હતું કે 'ટીમ ઈન્ડિયાએ અહીંની પરિસ્થિતિ સાથે એડ્જસ્ટમેન્ટ નથી કર્યું. એ લોકો જે પ્રમાણે ભારતમાં રમે છે એ પ્રમાણે અહીં રમતા હતા.'

બોલ તમારા ઘૂંટણથી ઉપર બાઉન્સ નથી થઈ રહ્યો ત્યારે પણ કેટલાક શોટ તમે ઈન્ડિયામાં મારી શકો છો, પરંતુ ન્યુઝીલેન્ડમાં એ શકય નથી.

ટેસ્ટમાં નંબર-વન ટીમ ઈન્ડિયાને ચાર જ દિવસમાં હથિયાર હેઠા મૂકી દેતી અને આ રીતે રમતી મેં કયારેય નથી જોઈ. હા, વેલિંગ્ટનમાં જયારે બોલ સ્વિંગ કરવાનો વારો આવે છે ત્યારે ટ્રેન્ટ બોલ્ટ અને ટીમ સાઉથી પોતાનો બેસ્ટ પર્ફોર્મન્સ આપે છે.