Gujarati News

નવી દિલ્હી : ભારતીય અન્ડર-૧૯ વર્લ્ડકપ વિનીંગ ટીમના કોચ રાહુલ દ્રવિડની ફરી એકવાર દરિયાદિલી સામે આવી છે. ભારતીય ટીમ ચેમ્પિયન થતાં બીસીસીઆઈ દ્વારા કોચ રાહુલ દ્રવિડને ૫૦ લાખ તથા સપોર્ટીંગ સ્ટાફને ૨૦-૨૦ લાખ આપવાનું જાહેર કરાયુ હતું પણ બધાને એક જ ત્રાજવામાં તોલવામાં આવે તેવી રાહુલ દ્રવિડે બોર્ડ સમક્ષ માંગણી કરતા બીસીસીઆઈ પણ નવાઈ પામ્યુ હતું, કોચ દ્રવિડની માંગણી બાદ ભારતીય બોર્ડે પણ દરેકને ૨૫-૨૫ લાખ ઉપરાંત એક વર્ષથી જે સ્ટાફ ટીમ સાથે સંકળાયેલ છે તેને પણ આ રકમ આપવાની જાહેરાત કરી હતી. આ જાહેરાતથી ગયા વર્ષે ઓન ડ્યુટી અવસાન પામેલ રાજેશ સાવંતને પણ ૨૫ લાખ મળશે જે તેના પરીવારને આપવામાં આવશે. આમ દ્રવિડે પોતાનું ૨૫ લાખનું નુકશાન કરાવી તમામ સ્ટાફને એકસરખો ગણાવ્યો હતો.