Gujarati News

Gujarati News

News of Tuesday, 24th November 2020

ઓસ્ટ્રેલિયા સામે ટેસ્ટ સિરીઝમાં રોહિત શર્મા પોતાનો જલવો બતાવતો જાવા મળશેઃ કાંગારૂ ટીમ સામે વન-ડેમાં સૌથી વધુ સિકસર ફટકારી છે

નવી દિલ્લી: રોહિત શર્મા ઓસ્ટ્રેલિયા સામે ટેસ્ટ સીરિઝમાં પોતાનો જલવો બતાવતો જોવા મળશે. પરંતુ તે વન-ડે અને ટી-20 સીરિઝનો ભાગ નહીં હોય. રોહિત શર્માનો ઓસ્ટ્રેલિયા સામે વન-ડેમાં રેકોર્ડ અત્યંત શાનદાર છે. અને તેના ટીમમાં હોવાની અસર તો ચોક્કસ જોવા મળશે. રોહિત ભલે વન-ડે ક્રિકેટમાં કાંગારુ ટીમ સામે રમતો જોવા નહીં મળે પરંતુ ઓસ્ટ્રેલિયા સામે તેની જમીન પર 50-50 ફોર્મેટમાં સૌથી વધારે સિક્સ ફટકારનાર રોહિત શર્માનો દુનિયાનો નંબર વન બેટ્સમેન છે.

રોહિત શર્માએ ઓસ્ટ્રેલિયા સામે 40 વન-ડે મેચ રમી છે. અને તેમાં તેણે કુલ 76 સિક્સ ફટકારી છે. જેમાં 29 સિક્સ તો ઓસ્ટ્રેલિયાની ધરતી પર ફટકારી છે. 29 સિક્સની સાથે રોહિત કાંગારુ ટીમ સામે તેની ધરતી પર વન-ડેમાં સૌથી વધારે સિક્સ ફટકારનાર બેટ્સમેન છે. ઓસ્ટ્રેલિયાની ધરતી પર વન-ડેમાં સૌથી વધારે સિક્સ ફટકારનાર બેટ્સમેન પાકિસ્તાનનો પૂર્વ ઓલરાઉન્ડર શાહિદ આફ્રિદી છે. આફ્રિદીએ વન-ડેમાં ટીમ સામે કુલ 25 સિક્સ ફટકારી હતી.

રોહિત શર્મા-  29 સિક્સ

શાહિદ આફ્રિદી- 25 સિક્સ

વિવિયન રિચાર્ડ્સ- 21 સિક્સ

ઈયોન મોર્ગન- 17 સિક્સ

માર્ટિન ગપ્ટિલ- 14 સિક્સ

રોહિત શર્માનો ઓસ્ટ્રેલિયા સામે વન-ડે ક્રિકેટમાં શાનદાર રેકોર્ડ છે. તેણે ટીમ સામે રમતાં 40 મેચમા 61.33ની એવરેજથી 2208 રન બનાવ્યા છે. તેણે ટીમ સામે 8 સદી ફટકારી છે અને કુલ 76 સિક્સ ફટકારી છે. કાંગારુ ટીમ સામે સૌથી સિક્સ ફટકારવાના મામલે બીજા નંબરે ભારતનો સચિન તેંડુલકર છે. તેણે 71 મેચમાં 36 સિક્સ ફટકારી છે. જ્યારે ત્રીજા નંબરે એમ.એસ.ધોની છે. જેણે 55 મેચમાં 33 સિક્સ ફટકારી છે. વિરાટ કોહલીએ 40 વન-ડે મેચમાં 20 સિક્સ ફટકારી છે.

(5:44 pm IST)
  • અમદાવાદમાં બગીચાઓ સવારે ૭ થી ૯, સાંજે ૫ થી ૭ જ ખુલ્લા રહેશે : અમદાવાદ શહેરના ઉદ્યાનો અને બગીચાઓ આગામી ઓર્ડર સુધી સવારે 7 થી 9 અને સાંજે 5 થી 7 દરમિયાન જ જાહેર જનતા માટે ખુલ્લા રહેશે. access_time 9:52 pm IST

  • અમદાવાદના રાત્રી કર્ફ્યુને લઇ આવ્યા મોટા સમાચાર : કોરોના સંક્રમણ ને લીધે અમદાવાદમાં 7મી ડિસેમ્બર સુધી રાત્રી કર્ફ્યુ જાહેર : અમદાવાદ પોલીસના જાહેરનામામાં તારીખનો ઉલ્લેખ : પોલીસ કમિશનરે જારી કર્યું છે જાહેરનામું access_time 6:39 pm IST

  • દેશમાં કોરોનાના કેસનો આંકડો 92 લાખને પાર પહોંચ્યો : રાત્રે 11 વાગ્યા સુધીમાં કોરોનાના નવા 38,296 કેસ નોંધાયા:કુલ કેસનો આંકડો 92,16,049 થયો : એક્ટીવ કેસ 4,42,176 થયા: વધુ 33,487 દર્દીઓ સ્વસ્થ થતા કુલ 86,37,126 રિકવર થયા : વધુ 407 લોકોના મોત સાથે કુલ મૃત્યુઆંક 1,34,661 થયો access_time 12:00 am IST