Gujarati News

Gujarati News

News of Tuesday, 24th November 2020

ભારતીય ખેલાડીઓ સાથે સ્લેજીંગ નહી કરૂ, આંતરરાષ્ટ્રીય ક્રિકેટમાં હવે મારા ગણતરીના દિવસો બાકી

બાયો બબલમાં રહીને ક્રિકેટ રમવુ ઘણુ અઘરૂ, આવતા ૧૨ મહિના મુશ્કેલ ભર્યા, ૨૦૨૩નો વર્લ્ડકપ રમવાની ઈચ્છાઃ ડેવિડ વોર્નર

સિડની :. ઓસ્ટ્રેલિયન ક્રિકેટ ટીમના ઓપનર ડેવિડ વોર્નરનું કહેવું છે કે પોતે ૩૪ વર્ષનો થયો હોવાથી આંતરરાષ્ટ્રીય ક્રિકેટમાં હવે તેના ગણતરીના દિવસો જ બચ્યા છે. તે પોતાની આક્રમક રમત જાળવી રાખશે. જો કે ભારતીય ખેલાડીઓ સાથે સ્લેજિંગમાં ઉતરવાનું ટાળશે.

વોર્નરે કહ્યું કે સ્લેજિંગની વાત છે તો જેમ જેમ સમય આગળ વધતો જાય છે એમ અમે પણ નવું નવું શીખતા જઈએ છીએ. મેદાનમાં કોઈની પણ સાથે માથાકુટમાં ઉતરવું યોગ્ય નથી. પ્રયત્ન કરવો જોઈએ કે સમસ્યાનું સમાધાન થાય અને એને અવગણવી જોઈએ. હું પ્રયાસ કરીશ કે મારા બેટ વડે તેમને જવાબ આપી શકું. બાયો બબલમાં રહીને ક્રિકેટ રમવું ઘણુ અઘરૂ છે. પાછલા ૬ મહિના ઘણા કપરા રહ્યા હતા. બબલમાં રહેવું અને આસપાસ પરિવાર ન હોવાની આદત પડી રહી હતી. દરેક ખેલાડી અલગ અલગ સંજોગમાં રહેતો હતો. કેલેન્ડરને જોઈને તમે કહી શકો કે આવતા ૧૨ મહિના ઘણા મુશ્કેલ હોવાના છે. એક સમય આવશે જ્યારે પરિવાર સાથે સમય વિતાવવા મળશે, પણ હાલમાં એ સમય નથી મળી રહ્યો અને હોટેલમાં ૧૪ દિવસ વિતાવવા પડે છે.

(2:34 pm IST)
  • બેક ટુ બેક ... આવતા મહિને વધુ એક 'બુરેવી' વાવાઝોડાનો ખતરો : 'નિવાર'નામનું વાવાઝોડુ ત્રાટકવાની તૈયારીમાં છે ત્યારે તામિલનાડુના દરિયાકિનારે વધુ એક વાવાઝોડાનો ખતરો મંડાઈ રહ્યો છેઃ 'બુરેવી'નામનું વાવાઝોડુ તા.૩ કે ૪ ડીસેમ્બર આસપાસ ત્રાટકે તેવી સંભાવના હોવાનું વેધરની એક ખાનગી સંસ્થાએ જણાવ્યું છે access_time 2:36 pm IST

  • નામ છુપાવીને લગ્ન કરનારને 10 વર્ષની જેલસજા થશે :' લવ જેહાદ ' મામલે ઉત્તર પ્રદેશ કેબિનેટમાં કડક કાયદો પસાર : વિધર્મી સાથે લગ્ન કરતા પહેલા ડીસ્ટ્રીકટ મેજિસ્ટ્રેટની મંજૂરી લેવી પડશે : બે મહિના પહેલા નોટિસ આપવી ફરજીયાત : મંજૂરી વિના ધર્મ પરિવર્તન કરી લગ્ન કરવા બદલ 6 માસથી 3 વર્ષ સુધીની જેલસજા થઇ શકશે : ઉપરાંત 10 હજાર રૂપિયાનો દંડ થશે : છેલ્લા થોડા દિવસોમાં ફરજીયાત ધર્માન્તર ,લવ જેહાદ ,સહિતના 100 જેટલા કિસ્સા બનતા યોગી સરકાર આકરા પાણીએ access_time 7:59 pm IST

  • પાક.નો બેટસમેન ફખર ઝમાન ન્યુઝીલેન્ડની ટૂરમાંથી આઉટ : લાહોર : પાકિસ્તાનના બેટસમેન ફખર ઝમાનને તાવ આવતા તે ન્યુઝીલેન્ડના પ્રવાસમાંથી બહાર થઇ ગયો છે. ન્યુઝીલેન્ડ અને પાકિસ્તાન વચ્ચે ૧૮ ડીસેમ્બરથી ત્રણ ટી-ર૦ અને બે ટેસ્ટ મેચોની સીરીઝ રમાનાર છે. access_time 2:35 pm IST