Gujarati News

નવી દિલ્હી: ગત કેટલાક દિવસોથી #MeToo અભિયાન ચર્ચામાં છે. પહેલા બોલિવૂડ તેની ચપટમાં આવ્યું બાદમાં તેની ચિંગારી મીડિયા સુધી પહોંચી ગઇ. ક્રિકેટ જગત પણ તેનાથી અળગુ રહી શક્યું નહી. #MeTooની લપેટમાં ઘણી પ્રખ્યાત હસ્તિઓના નામ પણ સામે આવી રહ્યા છે અને આ તમામ હસ્તિઓમાં ક્રિકેટરોના નામ પણ શામેલ છે.ભારતના એક માત્ર ક્રિકેટ ખેલાડી અમિત મિશ્રા પર પણ યૌન ઉત્પીડનનો આરોપ લાગી ચૂક્યો છે. વર્ષ 2015માં બેંગ્લોરમાં ટીમ ઇન્ડિયાના આ બોલર પર એક મહિલા મિત્રએ મારપીટ અને ઉત્પીડનનો આરોપ લગાવ્યો હતો, જેના પછી બેંગ્લોર પોલીસે તેની ધરપકડ કરી હતી. પોતાની ફરીયાદમાં મહિલાએ આરોપ લગાવ્યો હતો કે, જ્યારે તે ક્રિકેટરને મળવા તેના રૂમમાં ગઇ ત્યારે મિશ્રાએ તેનું યૌન ઉત્પીડન કર્યું હતું. જોકે, આ મામલામાં અમિત મિશ્રાને તરત જ જામીન મળી ગયા હતાં અને બાદમાં મહિલાએ પોતાની ફરિયાદ પાછી ખેંચી લીધી હતી.મિશ્રાએ ટીમ ઇન્ડિયા માટે ફેબ્રુઆરી 2017માં ઇંગ્લેન્ડ વિરૂદ્ધ પોતાની છેલ્લી આંતરરાષ્ટ્રીય મેચ રમી હતી. જોકે હાલમાં તે આઇપીએલ અને ઘરેલૂ ક્રિકેટમાં સારૂ પ્રદર્શન કરી રહ્યો છે.