Gujarati News

Gujarati News

News of Tuesday, 24th September 2019

મેચ ફિકસીંગ પર પ્રતિબંધ લાદવો અઘરો છે, કારણ કે લોભની કોઈ દવા નથીઃ ગાવસ્કર

લાલચ એવી વસ્તુ છે જેને ભણતર કે સલાહની જરૂર નથી

નવીદિલ્હીઃ ભારતીય ક્રિકેટ ટીમના ભૂતપૂર્વ પ્લેયર સુનીલ ગાવસકરે મેચ- ફિકિસંગ વિશે વાત કરતાં પોતાના વિચાર પ્રગટ કરતાં  કહ્યું હતું કે 'મેચ- ફિકિસંગ' પર સંપૂર્ણપણે પ્રતિબંધ લગાવવો  અઘરો છે, કારણ કે લોભની કોઈ દવા નથી.

તામિલનાડુ પ્રીમિયર લીગને લઈને ચાલી રહેલા ફિકિસંગના વિવાદને જોડી ગાવસકરે એક મુલાકાતમાં કહ્યું હતું કે 'લાલચુ એવી વસ્તુ છે જેને કોઈ ભણતર કે સલાહની જરૂર નથી હોતી. સમાજ ગમે એટલો સુધરેલો કે વિકસિત હોય, એમાં ક્રિમિનલ્સ તો હોવાના જ. ક્રિકેટ પણ એવું જ છે. કેટલાક લોકો અલગ હોય છે જે લાલચથી ભરેલા હોય છે. જોકે તમને લાલચ બનાવવા માટે ઘણાં પરિબળો કામ કરતાં હોય છે. મારા ખ્યાલથી આ લાલચ પર સંપૂર્ણપણે કન્ટ્રોલ કરવો અશકય છે. હું વિચારી શકું છું કે પ્લેયર એવી પરિસ્થિતિમાં કેવું વિચારી શકે છે. તે લાલચથી દૂર જવા ઈચ્છતો હોય છે, પણ જઈ નથી શકતો, કારણ કે આજની તારીખમાં ટેલિવિઝન દ્વારા દરેક નાની- નાની વાતો પકડી પાડવામાં આવે છે.'

(3:31 pm IST)
  • ઉતકલ એક્સપ્રેસમાં બોમ્બની અફવાથી ખળભળાટ : ડોગ સ્ક્વોડ અને બૉમ્બ સ્ક્વોડ દ્વારા બે કલાક સુધી ટ્રેનમાં સઘન ચેકીંગ : આખી ટ્રેનને ખાલી કરાવાઈ : યાત્રીઓમાં ભયનો માહોલ access_time 1:03 am IST

  • બે દિ'મુંબઇમાં ગાજવીજ રહેશે : મુંબઇ અને પરા વિસ્તારોમાં કાલથી ૨ દિ' ગાજવીજ સાથે વરસાદ પડવા સંભાવનાઃ ચોમાસું સીઝનના છેલ્લા તબકકે પહોંચેલ છે. (પવન બદલાવા લાગ્યા છે) ત્યારે ઇન્ટીરીયર મહારાષ્ટ્ર, પૂણે-નાસિક જીલ્લા માટે મોડી રાત્રીના ગાજવીજ સાથે વરસાદી માહોલ જોવા મળશે. access_time 11:37 am IST

  • કોંગ્રેસના વરિષ્ઠ નેતા જયરામ રમેશે કહ્યું કે હું ખુશ છું કે અમેરિકામાં પીએમ મોદીને નહેરુના યોગદાનની યાદ અપાવાઈ : જયરામ રમેશે કહ્યું કે તેને એ વાતની ખુશી છે કે વડાપ્રધાન મોદીને જવાહરલાલ નહેરુએ આપેલા યોગદાનની અમેરિકામાં યાદ દેવડાવી access_time 1:09 am IST