Gujarati News

Gujarati News

News of Wednesday, 24th April 2019

૬૪ વર્ષના ડોકટર પાસે સચિનની સ્પેશ્યલ સિરિયલ નંબર વાળી નોટોનું છે કલેકશન

વર્લ્ડમાં સચિનના લાખો નહીં, કરોડો ફેન્સ છે જે સચિન માટે કંઈ પણ કરી છૂટવા તૈયાર છે. યુપીનો સુધીરકુમાર ગૌતમ જે ૨૦૦૭થી દરેક મેચમાં શરીર પર ભારતનો તિરંગો અને તેન્ડુલકર પેઇન્ટ કરીને સ્ટેડિયમમાં ટીમ-ઇન્ડિયાનો ઉત્સાહ વધારવા જાય છે. આવા જ એક ડાઇ-હાર્ટ ફોલોઅર છે સાંતાક્રુઝમાં રહેતા ૬૪ વર્ષના હોમિયોપથી ડોકટર જવાહર શાહ. તેમણે સ્પેશ્યલ કરન્સી નોટનું કલેકશન કર્યું છે. તેમણે સચિનના યાદગાર સિદ્ઘિ મેળવવાના દિવસની તારીખોવાળી જૂની અને નવી કરન્સી નોટો કલેકટ કરી છે. ધારો કે સચિને ૧૫ નવેમ્બર ૧૯૮૯માં ટેસ્ટ-ડેબ્યુ કર્યું હતું તો જવાહરભાઈએ ૧૫૧૧૧૯૮૯ સિરિયલ નંબરવાળી નોટ કલેકટ કરી હતી. આવી ઢગલાબંધ સ્પેશ્યલ નંબરવાળી નોટ તેમણે કલેકટ કરીને એક મોટી બુક બનાવી છે અને આ બુકમાં તેઓ સચિનના ઓટોગ્રાફ લઈને ઓકશન કરવા માગે છે અને એની સંપૂર્ણ રકમ તેઓ જોઈ ન શકતા લોકોના ભલા માટે વાપરવા માગે છે. તેઓ જૈનોના મહારાજસાહેબોની સારવાર ફ્રી કરે છે. તેમણે કહ્યું કે સચિન બીજા પ્લેયરો કરતાં ઘણો વિવેકી છે. તે કયારેય કોઈ વિવાદમાં નથી પડતો. તેણે કયારેય કોઈ વિશે ખોટી ટીકા નથી કરી. તેના રેકોર્ડ્સ તો કાલે કોહલી કે બીજું કોઈ તોડી નાખશે, પણ તેના જેવું ચરિત્ર બીજા કોઈ ખેલાડીમાં નહીં મળે.

(4:04 pm IST)
  • યુપી- રાજસ્થાનમાં આંધી- તોફાન- ધુળનું વાવાઝોડુ ફુંકાશેઃ ૩૦ થી ૫૦ કિ.મી.ની ઝડપે પવન ફૂંકાશેઃ તામીલનાડુ- શ્રીલંકાના પૂર્વીય તટો પર ૪૮ કલાકમાં ચક્રાવતી તોફાન ત્રાટકશે :અરબી સમુદ્ર તથા દક્ષીણ- પશ્ચિમ બંગાળાની ખાડી અને દક્ષીણ પૂર્વ શ્રીલંકા ઉપર ભૂમધ્ય લો પ્રેશર કાલે સર્જાઈ શકે છેઃ જે ૩૬ કલાકમાં ડિપ્રેશનમાં ફરે તેવી શકયતા છેઃ હિમાચલ, જમ્મુ- કાશ્મીર, બિહાર, ગંગીય પશ્ચિમ બંગાળ, ઓડીશા, છત્તીસગઢ અને દક્ષીણી આંતરીક કર્ણાટકમાં અલગ- અલગ જગ્યાએ ૩૦ થી ૪૦ કિ.મી. પવનની ગતી સાથે આંધી- તોફાન અને વિજળી પડી શકે છેઃ હવામાન ખાતુ access_time 3:48 pm IST

  • આલેલે!!! : ટ્રમ્પના ફોલોઅર ઘટી ગયા!! : શ્રી નરેન્દ્રભાઈ મોદીનો ફોલોઅર સોશ્યલ મીડિયાના દરેક પ્લેટફોર્મ ઉપર રોકેટ ગતિએ વધી રહ્યા છે ત્યારે શ્રી ડોનાલ્ડ ટ્રમ્પના ટ્વીટર ઉપર ફોલોઅર ઘટી જતા ચિંતિત બનેલા ટ્રમ્પે ટ્વીટરના સીઈઓ જેક ડોરસેની મુલાકાત લઈ ચર્ચા કરી હતી access_time 3:59 pm IST

  • અરવિંદ કેજરીવાલ સહિત આપના ૩ નેતા વિરૂદ્ધ માનહાની કેસમાં નોન બેરેબલ વોરન્ટ ઈસ્યુ access_time 5:18 pm IST