Gujarati News

ભારતીય ક્રિકેટર હાર્દિક પંડ્યા આજકાલ ક્રિકેટની જગ્યાએ ગર્લફ્રેન્ડ નતાશા સાથે રોમેન્ટિક સમય પસાર કરવા બદલ વધુ ચર્ચામાં છે. ક્રિકેટર હાર્દિક પંડ્યા હંમેશાં તેની સ્ટાઈલ અને મોંઘી બ્રાન્ડ્સના કારણે ચર્ચામાં રહેતો હોય છે. હાર્દિક પંડ્યાને લેવિશ લાઈફસ્ટાઈલ ખૂબ જ પસંદ છે.

ગત દિવસો દરમિયાન મુંબઈ એરપોર્ટ પર જોવા મળેલા હાર્દિક પંડ્યાએ ઉપરથી નીચે સુધી આઈકોનિક લગ્ઝરી ફેશન બ્રાન્ડ્સ કેરી કરી રાખી હતી. તેની બ્લેક કલરની ટીશર્ટ ફ્રેન્ચ લગ્ઝરી ફેશન બ્રાન્ડ balmainની હતી, તેણે ચંકી પોકેટ્સવાળુ બ્લેક ટાઈટ પેન્ટ પહેર્યું હતું.

હાર્દિક પંડ્યાએ બ્લેક કલરના શેડ્સ અને તેની ફેવરિટ ટ્રેડમાર્કવાળી ૧ કરોડ રૂપિયાની Patek Phillipe Nautilusની ઘડિયાળ પહેરી હતી. પણ તેણે જે બૂટ પહેર્યા હતા તે લોકોના આકર્ષણનું કેન્દ્ર બન્યા.

હાર્દિક પંડ્યાએ જે સ્નીકર્સ પહેર્યા હતા તે બ્લેક કલરના હતા અને તેની આગળની બાજુએ સિલ્વર કલરના સ્પાઈકસ હતા. આ સ્નીકર્સ પ્રખ્યાત ફ્રેન્ચ ફેશન ડિઝાઈનર Christian Louboutin દ્વારા ડિઝાઈન કરવામાં આવ્યા હતા. બ્લેક કલરના સ્નીકર્સ કાફસ્કિન લેધરથી બન્યા હતા જે અલગ ફીલિંગ આપી રહ્યા હતા.

જો આ સ્નીકર્સ (બૂટ)ની વાત કરીએ તો Christian Louboutiની ઓફિશિયલ વેબસાઈટ મુજબ આ બૂટની કિંમત ૯૯૫ ડોલર એટલે કે આશરે રૂપિયા ૭૧ હજાર છે. ઈમ્પોર્ટ ડ્યૂટી અને ટેકસની સાથે આ બૂટની કિંમત આશરે રૂપિયા ૧ લાખની આસપાસ થઈ જતી હશે. જો તમારે પણ હાર્દિક પંડ્યા જેવા બૂટ ખરીદવા હોય તો રૂપિયા ૧ લાખ ખર્ચવા પડશેે.