Gujarati News

ભારતમાં આજથી શરૂ થઈ રહેલી આઈપીએલ ટુર્નામેન્ટનું પાકિસ્તાનમાં પ્રસારણ કરાશે નહીં એમ પાકિસ્તાન સરકારે ે નિર્ણય લીધો છે. પાકિસ્તાનના માહિતી અને પ્રસારણપ્રધાન ફવાદ ચૌધરીએ આ પ્રકારનો આદેશ આપતાં સ્થાનિક ન્યુઝ-ચેનલને જણાવ્યું હતું કે પાકિસ્તાન આઈપીએલનું પ્રસારણ કરવા મંજૂરી નહીં આપે.

પુલવામા હુમલામાં ૪૦ સીઆરપીએફ જવાનોની શહીદીને પગલે ભારતે ફેબ્રુઆરીમાં પાકિસ્તાન સુપર લીગ ૨૦૧૯નું પ્રસારણ અટકાવ્યું હતું. આ ઉપરાંત સુપર લીગનો પ્રસારણ સોદો કરનારી કંપની ત્પ્ઞ્-રિલાન્યસે પણ ટુર્નામેન્ટમાંથી પોતાની હિસ્સેદારી પાછી ખેંચી લીધી હતી. ચૌધરીએ આ વિશે ટીકા કરતાં જણાવ્યું હતું કે ભારતીય ક્રિકેટર્સે ઓસ્ટ્રેલિયા સામેની રાંચીમાં રમાયેલી ત્રીજી વન-ડે મેચમાં લશ્કરની કેપ પહેરી હતી. અમે ક્રિકેટ અને રાજકારણને અલગ રાખવા પ્રયાસ કર્યો, પરંતુ ભારતીય ક્રિકેટ ટીમ આર્મી કેપ સાથે મેચ રમી હતી. આ કૃત્ય બદલ તેમની સામે કોઈ પગલાં પણ લેવાયાં નહોતાં.