Gujarati News

Gujarati News

News of Tuesday, 23rd February 2021

વિજય હજારે ટ્રોફીમાં ૩ ટીમના ક્રિકેટર્સ કોરોનાની ઝપેટમાં

ભારતમાં કોરોના કાળમાં પણ ક્રિકેટ શરૂ થઈ ગયું : બિહાર, હિમાચલ, મહારાષ્ટ્ર ટીમના એક-એક ક્રિકેટરને કોરોના થયો છે,ત્રણે ક્રિકેટરોને આઈલોસેશનમાં મોકલાયા

નવી દિલ્હી, તા. ૨૩ : ભારતમાં કોરોનાનુ સંક્રમણ ફરી વધે તેવી સેવાઈ રહેલી દહેશત વચ્ચે ઘર આંગણાના ક્રિકેટમાં પણ કોરોનાની એન્ટ્રી થતા ક્રિકેડ બોર્ડના અધિકારીઓ ચોંકી ઉઠયા છે. ભારતમાં કોરોના કાળ વચ્ચે ક્રિકેટ શરુ થઈ ગયુ છે.એક તરફ ઈંગ્લેન્ડની ટીમ ભારતના પ્રવાસે છે તો બીજી તરફ ઘર આંગણાના ક્રિકેટના ભાગરુપે વિજય હજારે ટ્રોફીનુ આયોજન કરાયુ છે.જેમાં એલિટ ગ્રુપમાં ૩૦ ટીમો અને પ્લેટ ગ્રૂપમાં આઠ ટીમો ભાગ લઈ રહી છે.

ત્રણ દિવસથી ટુર્નામેન્ટ ચાલી રહી છે ત્યારે એક અંગ્રેજી અખબારને ક્રિકેટ બોર્ડના એક અધિકારીને ટાંકીને કહ્યુ છે કે, બિહાર, હિમાચલ પ્રદેશ અને મહારાષ્ટ્રની ટીમના એક-એક ક્રિકેટરને કોરોના થયો છે અને આ ત્રણે ક્રિકેટરોને આઈલોસેશનમાં મોકલી આપવામાં આવ્યા છે.જોકે કોરોનાની એન્ટ્રીથી બીજી ટીમો પમ ચિંતામાં પડી ગઈ છે.

મહારાષ્ટ્ર અને હિમાચલની ટીમ યપુરમાં છે અને બિહારની ટીમ બેંગ્લોરમાં છે.હાલમાં બિહારની ટીમને પણ આઈસેલોશનમાં રહેવાનો આદેશ અપાયો છે.આ ટીમના તમામ ખેલાડીઓનો કોરોના ટેસ્ટ ફરી કરવામાં આવશે.

તમામ ટીમો બાયોબબલમાં હોવા છતા ખેલાડીઓમાં કોરોનાનુ સંક્રમણ લાગ્યુ હોવાના કારણે બોર્ડના અધિકારીઓ પણ ચિંતામાં પડ્યા છે.આ પહેલા સૈયદ મુસ્તાક અલી ટ્રોફી દરમિયાન પણ જમ્મુ કાશમીરના એક ખેલાડીને કોરોના થયો હતો.

(9:24 pm IST)
  • ૨૨ વર્ષની પાયલ પાટીદાર ‘આપ’ પાર્ટીની ટીકીટ ઉપરથી વિજેતા બનીઃ સૌથી નાની વયે વિજય મેળવ્યો : સુરતમાં કેજરીવાલના ‘આપ’ પક્ષના ઉમેદવાર પાયલ પાટીદાર માત્ર ૨૨ વર્ષની ઉંમરે વિજેતા બન્યા છે. ગુજરાતમાં કદાચ તેઓ સૌથી નાની વયના વિજેતા ઉમેદવાર જાહેર થાય તેવી સંભાવના access_time 4:46 pm IST

  • કોંગ્રેસ પ્રમુખ અમિત ચાવડાના કૌટુંબિક ભાઈ પ્રશાંત ચાવડાએ ભગવો ધારણ કર્યો, રાજ્યસભાના પૂર્વ સાંસદ લાલસિંહ વડોદીયાએ આણંદમાં ખેસ પહેરાવી કર્યું સ્વાગત access_time 1:05 am IST

  • ભારત- ઇંગ્લેન્ડ વ્હાઇટ બોલ સિરીઝમાં દિનેશ કાર્તિક બનશે કોમેન્ટેટર : તમિલનાડુના બેટ્સમેન દિનેશ કાર્તિક ભારત – ઈંગ્લેન્ડ વચ્ચે વ્હાઇટ બોલ સિરીઝમાં કોમેન્ટ્રી કરશે : 5 ટી -20 અને ત્રણ ત્રિદિવસીય મેચમાં કોમેન્ટ્રી કરશે જે 12મી માર્ચથી શરૂ થશે access_time 11:08 pm IST