Gujarati News

Gujarati News

News of Tuesday, 22nd October 2019

ફ્રેન્ચ ઓપનમાં સિંધુને સાઈના મચાવશે ધમાલ

ડબલ્સમાં અશ્વિન પોજાપ્પા અને અને.સિકકી રેડ્ડીની જોડી

પેરિસઃ ઓગસ્ટ મહિનામાં વર્લ ચેમ્પિયનશિપનું ટાઇટલ જીતનારી બેડમિન્ટન પ્લેયર પી. વી. સિંધુ આજથી શરૂ થઈ રહેલી ફ્રેન્ચ ઓપનમાં પણ ટાઈટલ પોતાના નામે કરવા ઊતરશે અને તેના પર સૌકોઈની નજર રહેશે. સિંધુ ઉપરાંત સાઇના નેહવાલનું પ્રદર્શન પણ જોવા જેવું રહેશે. વર્લ ચેમ્પિયનશિપ વિનર સિંધુ ચાઈના, કોરિયા અને ડેન્માર્ક ઓપનમાં વહેલી બહાર થઈ ગઈ હતી. ૨૦૧૭માં ફ્રેન્ચ ઓપનની સેમી ફાઇનલ સુધી પહોંચનારી જ સિંધુનો મુકાબલો આ વખતે પહેલા રાઉન્ડમાં કેનેડિયન પ્લેયર મિશેલી લી સામે થશે.

છેલ્લા કેટલાક સમયથી ઈજાને કારણે હેરાન થઈ રહેલી સાઇના નેહવાલ હોન્ગકોન્ગની ચેઉંગ ન્ગેન યી સામે મુકાબલો લડી ફ્રેન્ચ ઓપન ટૂર્નામેન્ટમાં પોતાના સફરની શરૂઆત કરશે. સામા પક્ષે પુરૂષોની મેચમાં કિદામ્બી શ્રીકાંત ચાઇનીઝ તાઇપેઈ પ્લેયર ચોઉ ચીન ચેન્ગ સામે રમત રમી પોતાની ટુર્નામેન્ટનું શ્રીગણેશ કરશે. પૂરૂપલ્લી કશ્યપ એનજી કા લોંગ અંગુસ સામે, સમીર વર્મા કેન્ટા નિશીમોટો સામે પોત-પોતાના ઓપનિંગ રાઉન્ડ રમશે.

ડબલ્માં અશ્વિની પોન્નપ્પા અને એન. સિક્કી રે ડીની જોડી કોરિયન પ્લેયર લી સો હી અને શિન સેઉંગ ચેન સામે જયારે સાત્વિકસિરાજ અને ચિરાગ શેટ્ટીની જોડી જેલ્લે માસ અને રોબિન તબેલિંગ સામે ઓપનિંગ રાઉન્ડ રમશે.

(3:22 pm IST)
  • અરબી સમુદ્રના ડીપ્રેશનને લીધે પ.ભારતના સાગરકાંઠે દે ધનાધન પડશે : આવતા ૪૮ કલાકમાં અરબી સમુદ્રનું લો પ્રેસર, ડીપ્રેશનમાં ફેરવાઇ જશે જેને લીધે પશ્ચિમ ભારતના સાગર કાંઠે મુખ્યત્વે રત્નાગીરીથી મેંગ્લોર બેલ્ટ વચ્ચે ભારે વરસાદની આગાહી થઇ છે. access_time 12:54 pm IST

  • મુંબઇમાં આજે રાત્રે અને કાલે સવારે ભારે વર્ષાની શકયતા : મુંબઇમાં ખુશનુમાં હવામાન અને વાદળછાયા આકાશ સાથે વરસાદ પડશે. આજે રાત્રે અને વ્હેલી સવારે મુંબઇમાં ભારે વરસાદ અને તોફાની પવન ફુંકાવાની પણ શકયતા છે. મુંબઇ-૨ત્નાગીરી બેલ્ટમાં મોડી રાત્રે - વ્હેલી સવારે અને કાલે સવારે ભારે વરસાદી વાદળાઓ છવાશે અને તોફાની વરસાદની સંભાવના છે.દરમિયાન મુંબઇમાં ૧ાા થી ૨ ઇંચ વરસાદ પડી ગયો છે. પશ્ચિમના પરાઓમાં મધ્યમ અને પૂર્વીય પરાઓમાં હળવો વરસાદી દોર રહયો છે. રાઇગઢ-થાણે-નવી મુંબઇમાં પણ વરસાદી વાવડ છે. access_time 12:55 pm IST

  • આંધ્રના નેલોરથી કાવેલી વચ્ચે ભારે વરસાદ પડશે : લો પ્રેસર પશ્ચિમને બદલે ઉત્તર તરફ આગળ વધ્યું છે. પરીણામે દક્ષિણ આંધ્ર પ્રદેશમાં નેલોરથી કાવેલી સુધી ભારે વરસાદની આગાહી થઇ છે. ચેન્નાઇમાં હળવાથી મધ્યમ વરસાદની આગાહી થઇ છે. બંગાળના અખાતથી સીસ્ટમ્સ આંધ્રના કાંઠે ભારે વરસાદ લાવશે. access_time 12:54 pm IST