Gujarati News

ભારતના સ્ટાર શટલરો કિદામ્બી શ્રીકાન્ત અને પી.વી.સિંધુ ચાઈના ઓપન બીડબલ્યુએફ વર્લ્ડ-ટૂર સુપર ટુર્નામેન્ટની કવોર્ટર ફાઈનલમાં હારીને બહાર થઈ ગયા છે. વર્લ્ડ નંબર બે જાપાનના મોમોટાએ વર્લ્ડ નંબર ૮ શ્રીકાન્તને ૨૮ મિનિટમાં હરાવ્યો હતો. કિદામ્બી શ્રીકાન્ત ભારતનો એકમાત્ર ખેલાડી છે જે ચીન ઓપનનું ટાઇટલ જીત્યો છે. ત્યાર બાદ વલ્ડ-નંબર ૩ પી. વી. સિંધુ વર્લ્ડ નંબર ૬ ચીનની ચેન યુઇ સામે બાવન મિનિટના રોમાંચક મુકાબલામાં ૧૧-૨૧, ૨૧-૧૧ અને ૧૫-૨૧થી હારી હતી. આ પહેલાં બન્ને વચ્ચે રમાયેલી છમાંથી ૪ ગેમમાં સિંધુ ૨૦ વર્ષની ચેન યુઇને હરાવી ચૂકી હતી. શ્રીકાન્ત જપાનના મોમોટા સામે જૂનમાં મલેશિયા ઓપનમાં અને જુલાઈમાં ઇન્ડોનિશિયા ઓપનમાં પણ હાર્યો હતો.