Gujarati News

Gujarati News

News of Tuesday, 22nd May 2018

IPL-2018:રોમાચંક મેચમાં હૈદરાબાદને 2 વિકેટે હરાવી ચેન્નઈ સુપર કિંગ્સ ફાઈનલમાં પહોંચ્યું

નબળી શરૂઆત બાદ ડુપ્લેસીસે વિનિંગ સિક્સ લગાવીને અણનમ 67 રન ફટકાર્યા

 મુંબઈ :ચેન્નઈ સુપર કિંંગ્સે IPL11ની પ્રથમ પ્લેઑફમાં સનરાઈઝર્સ હૈદરાબાદને રોમાંચક રીતે 2 વિકેટે હરાવી ફાઈનલમાં પ્રવેશ કરી લીધો છે હૈદરાબાદે પ્રથમ બેટિંગ 139 રન બનાવ્યા હતા જેના જવાબમાં ચેન્નઈએ 19.1 ઓવરમાં 8 વિકેટ ગુમાવી ટાર્ગેટ હાંસલ કર્યો હતો ચેન્નઈ તરફથી ફાફ ડુ પ્લેસિસે અણનમ 67 રનની મેચ વિનિંગ ઈનિંગ રમી હતી.

     ચેન્નઈ સુપર કિંગ્સે ટૉસ જીતીને હૈદરાબાદને બેટિંગ આપી હતી. લીગ મેચોમાં શાનદાર પ્રદર્શન કરનારા શિખર ધવન દીપક ચહરે તેને પ્રથમ બોલે જ બોલ્ડ કરી CSKના કેપ્ટન ધોનીના નિર્ણયને યોગ્ય સાબિત કર્યો હતો બાદમાં શ્રીવત્સ ગોસ્વામી 12 રન બનાવી આઉટ થયો હતો. હૈદરાબાદને સૌથી મોટો ફટકો ત્યારે પડ્યો જ્યારે IPL11નો સૌથી સફળ બેટ્સમેન કેપ્ટન કેન વિલિયમ્સન(24) આઉટ થયો. બાદમાં મનીષ પાંડે (8), શાકિબ અલ હસન(12) અને યુસુફ પઠાણ (24)ની વિકેટો ઝડપથી પડી જતા હૈદરાબાદનો સ્કોર 6 વિકેટે 88 રન થઈ ગયો હતો. સાતમા ક્રમે રમવા આવેલા કાર્લોસ બ્રેઈથવેટે 29 બોલમાં અણનમ 43 રનની મહત્વની ઈનિંગ રમતા સનરાઈઝર્સે 20 ઓવરના અંતે 7 વિકેટે 139 રન બનાવ્યા હતા.

  બાદમાં 140 રનના ટાર્ગેટનો પીછો કરવા ઉતરેલી CSKની ટીમની શરૂઆત નબળી રહી હતી પ્રથમ ઓવરમાં જ શેન વૉટસન(0) અને ચોથી ઓવરમાં સુરેશ રૈના (22) અને અંબાતી રાયડૂ (0) ઉપરાછાપરી બે બોલમાં આઉટ થતા ચેન્નઈ પરાજયની અણી પર હતી તો કેપ્ટન મહેન્દ્ર સિંહ ધોની (9), ડ્વેન બ્રાવો (7) અને રવિન્દ્ર જાડેજા (3) પણ સસ્તામાં પેવેલિયન ભેગાં થઈ ગયા. એક સમયે ટીમનો સ્કોર 6 વિકેટે 62 રન થઈ ગયો હતો અને રિક્વાયર્ડ રેટ પણ 10 રનની ઉપર નીકળી ગયો હતો. આવામાં ઓપનર ફાફ ડુ પ્લેસિસ એક છેડો સાચવીને બેટિંગ કરી રહ્યો હતો. 92 રનના સ્કોરે ટીમની વધુ એક વિકેટ પડતા CSKનો પરાજય લગભગ નક્કી જણાવા લાગ્યો, પણ ફાફા ડુ પ્લેસિસે શાનદાર 67 રનની અણનમ ઈનિંગ રમી મેચ પલટી નાખી હતી. દસમા ક્રમે બેટિંગમાં આવેલા શાર્દુલ ઠાકુરે 5 બોલમાં 15 રનની નિર્ણાયક ઈનિંગ રમી હતી. ચેન્નઈએ 18 બોલમાં 43 રન કરવાના હતા અને તેની પાસે માત્ર બે જ વિકેટો હતા. આવામાં ડુ પ્લેસિસ અને ઠાકુરે 13 બોલમાં જ 43 રન ઝૂડી કાઢ્યા અને 5 બોલ રહેતા જ ટીમને જીત અપાવી દીધી.

આ જીત સાથે ચેન્નઈએ ફાઈનલમાં પ્રવેશ કરી લીધો છે જ્યારે હારવા છતા સનરાઈઝર્સને એલિમિનેટર-1 તરીકે વધુ એક તક મળશે અને ફાઈનલમાં પહોંચનારી બીજી ટીમ સાથે તેને 25 મેના રોજ રમવા મળશે. આ મેચમાં જે ટીમ જીતશે તે ચેન્નઈ સાથે ફાઈનલમાં ટકરાશે.

(11:57 pm IST)
  • છત્તીસસગઢમાં 'આપ' દરેક બેઠકો પરથી ચૂંટણી લડશે : ૩૧ મીએ ઉમેદવારો ઘોષિત થશે access_time 11:36 am IST

  • સાંજે હિમાચલ પ્રદેશના સિમલામાં ભૂકંપના આંચકો :રિક્ટર સ્કેલ પર 3,6ની તીવ્રતા નોંધાઈ :સાંજે 6-05 કલાકે ભૂકંપના આંચકો અનુભવતા લોકો ઘરની બહાર દોડી ગયા :કોઈ જાનહાનિના અહેવાલ નથી :ગઈકાલે પ્રસિદ્ધ પર્યટન સ્થળ કિન્નોરમાં ભૂકંપનો આંચકો આવ્યો હતો access_time 11:45 pm IST

  • આગામી ત્રણ-ચાર દિવસમાં ચોમાસુ દક્ષિણ-પશ્ચિમ વિસ્તારોમાં દસ્તક દેશે :વાવાઝોડું થંભી ગયું -ઓમાન અને યમન તરફ ફંટાયું :સાયક્લોનનું વલણ પણ બદલાઈ ગયું :ત્રણ-ચાર દિવસ વાવાઝોડાની શક્યતા નથી પરંતુ ગરમીનું જોર યથાવત રહેશે access_time 8:15 pm IST