Gujarati News

Gujarati News

News of Tuesday, 22nd May 2018

IPL-11: 56 મેચમાં 817 સિક્સ ફટકારાય: બન્યો નવો રેકોર્ડ

નવી દિલ્હી: ટ્વેન્ટી૨૦ ફોર્મેટ એટલે ચોગ્ગા-છગ્ગાની રમઝટ અને તેમાં બોલરો હાવી થતાં હોય તેવું ભાગ્યે જ જોવા મળે છે. આઇપીએલ-૧૧માં આ વખતે લીગ રાઉન્ડની ૫૬ મેચ સુધીમાં ૮૧૭ સિક્સ જોવા મળી છે. આઇપીએલની એક જ સિઝનમાં સૌથી વધુ સિક્સનો આ નવો રેકોર્ડ છે. અગાઉ એક સિઝનમાં સૌથી વધુ સિક્સનો રેકોર્ડ ૨૦૧૧માં બન્યો હતો જ્યારે ૭૫ મેચમાં ૬૩૧ સિક્સ જોવા મળી હતી. આ વખતે એક મેચમાં સરેરાશ ૧૪ સિક્સ બંને ટીમોએ ફટકારી છે તેમ કહી શકાય. એક જ સિઝનમાં ૮૦૦થી વધુ સિક્સ ફટકારાઇ હોય તેવું પણ આ વખતે પ્રથમ વાર બન્યું છે. આ વખતે દિલ્હી ડેરડેવિલ્સના રિષભ પંતે સૌથી વધુ ૩૭ સિક્સ ફટકારેલી છે. ટીમની વાત કરવામાં આવે તો ચેન્નાઇ સુપર કિંગ્સે ૧૪ ઇનિંગ્સમાં સૌથી વધુ ૧૩૦  જ્યારે રાજસ્થાન રોયલ્સે સૌથી ઓછી ૭૨ સિક્સ ફટકારી છે. આઇપીએલના ઈતિહાસમાં ક્રિસ ગેઇલે સૌથી વધુ ૧૧૨ મેચમાં ૨૯૨ સિક્સ ફટકારેલી છે. આ યાદીમાં એબી ડી વિલિયર્સ ૧૪૧ મેચમાં ૧૮૭ સિક્સ સાથે બીજા અને એમએસ ધોની ૧૭૩ મેચમાં ૧૮૬ સિક્સ સાથે ત્રીજા સ્થાને છે.   
 

(4:59 pm IST)
  • રાત્રે 9.30 કલાકે રાજકોટમાં મહર્ષિ અરવિંદ ટાઉનશીપમાં પાણીનો ટાંકો ફાટ્યો :ટાઉનશીપના સાતમા માળે આવેલ પાંચ હજાર લિટરનો ટાંકો અચાનક ફાટી ગયો :પોપટપરા મુખ્યમંત્રી આવાસ યોજનામાં વધુ એક પાણીનો ટાંકો ફાટતા લોકોમાં કચવાટ ;વધુ વિગત મેળવાઈ રહી છે access_time 9:57 pm IST

  • જામનગરમાં PI અને PSIની બદલીઓ કરતા જિલ્લા પોલીસ વડા : પાંચ PI અને બે PSIની બદલીઓ કરવામાં આવી : સીટી બી ડિવિઝનના પીઆઇ રવિરાજસિંહ જાડેજાને અમદાવાદ શહેર બદલી કરાઇ : સીટી એ ડિવિઝનના પીઆઇ કે આર સક્સેનાની એસીબીમાં બદલી કરવામાં આવી : સિટી બી ડિવિઝનમાં નવા પીઆઇ તરીકે કે પી જોષીની નિમણૂક : સીટી સી ડિવિઝનના પીઆઇની ખાલી જગ્યા પર યુ સી માર્કન્ડે મુકાયા : સિટી એ ડિવિઝનમાં પીઆઇ તરીકે એમ એમ રાઠોડની નિમણુંક કરાઇ : જ્યારે બે પીએસઆઇની જિલ્લામાં આંતરિક બદલીઓ કરવામાં આવી : જાહેર હિત અને વહીવટી હિત ખાતર બદલીઓ કરતા જિલ્લા પોલીસ વડા પ્રદીપ સેજુળ access_time 2:04 am IST

  • લોકશાહી બચાવવા તમામ પક્ષોએ એકજુથ થવું જરૂરી :2019માં ભાજપને હરાવવા આમઆદમી પાર્ટી તમામ વિપક્ષ સાથે મળીને લડશે :આજે બંધારણ ખતરામાં છે અને તેને બચાવવું સમયની માંગ છે :આપના સાંસદ સંજયસિંહએ કહ્યું કે કુમારસ્વામીના શપથ સમારોહમાં આપ પાર્ટી જોડાશે access_time 1:38 am IST