Gujarati News

Gujarati News

News of Monday, 22nd April 2019

વિશ્વકપ માટે અફઘાનિસ્‍તાનની ટીમની જાહેરાતઃ આઇપીએલમાં રમતા રાશિદ ખાન-મોહમ્‍મદ નબી સહિતનો સમાવેશ

કાબુલઃ ફાસ્ટ બોલર હામિસ હસન અને પૂર્વ કેપ્ટન અસગર અફગાનને વિશ્વ કપ માટે સોમવારે જાહેર થયેલી અફગાનિસ્તાન ટીમમાં જગ્યા આપવામાં આવી છે. જેમાં આઈપીએલમાં રમી રહેલા રાશિદ ખાન અને મોહમ્મદ નબી જેવા ખેલાડીઓ પણ સામેલ છે. ગુલબદીન નૈબની આગેવાની વાળી આ ટીમમાં મોહમ્મદ શહઝાદ અને સ્પિનર મુઝીબ ઉર રહમાનને પણ જગ્યા આપવામાં આવી છે.

અફગાનને ગત દિવસોમાં તમામ ફોર્મેટમાંથી કેપ્ટન પદે હટાવી દેવાયો હતો. હસનની ત્રણ વર્ષ બાદ ટીમમાં વાપસી થઈ છે પરંતુ તેની ફિટનેસ હજુ પણ ચિંતાનો વિષય છે. 31 વર્ષના અફગાનિસ્તાનના આ બોલરે 32 એકદિવસીયમાં 56 વિકેટ ઝડપી છે. મુખ્ય પસંદગીકાર દૌલત ખાન અહમદજઈએ કહ્યું, વરિષ્ઠ બોલર હામિદ હસનની ટીમમાં વાપસી અમારા માટે સારા સમાચાર છે. પરંતુ અમે આગામી પ્રેક્ટિસ મેચોમાં તેનું ફોર્મ અને ફિટનેસનો અભ્યાસ કરીશું.

ઇકરમ અલીખિલ, કરીમ જન્નત અને સૈયદ શિરજાદને રિઝર્વ ખેલાડીઓ તરીકે રાખવામાં આવ્યા છે.

ટીમઃ ગુલબદિન નૈબ (કેપ્ટન), નૂલ અલી જાદરાન, હજરતુલ્લાહ જજાઈ, રહમત શાહ, અસગર અફગાન, હશમતુલ્લાહ શાહિદી, નજિબુલ્લાહ જદરાન, સૈમુલ્લાહ શિનવારી, મોહમ્મદ નબી, રાશિદ ખાન, દૌલત જાદરાન, આફતાબ આલમ, હામિદ હસન અને મુઝીબ ઉર રહમાન.

(4:40 pm IST)
  • ક્રુડના ભાવ વધારાની અસરઃ સેન્સેકસ ૩૦૦ પોઇન્ટ ડાઉન : ક્રુડના ભાવ વધારાએ શેર બજારની તેજીને બ્રેક લગાવી ર.૧પ કલાકે સેન્સેકસ ૩૧૦ પોઇન્ટ ઘટીને ૩૮૮૩૦ અને નીફટી ૧૦૮ પોઇન્ટ ઘટીને ૧૧૬૪૪ ઉપર છેઃ ડોલર સામે રૂપિયો ૬૯.પર ઉપર ટ્રેડ કરે છે. access_time 3:53 pm IST

  • ભારતીય વાયુસેનામાં નોકરી આપવાના બહાને 400 લોકો સાથે છેતરપિંડી : બે એન્જીનીયરોની ધરપકડ : નકલી વેબસાઈટ બનાવી લોકો સાથે ઠગાઈ કરતા હતા ; ઝડપાયેલા મહેન્દ્રસિંહ અને વિકાસ સ્વામીએ રાજસ્થાનના ચુરુ પાસેના રાજગઢથી બીસીએ કર્યું હતું access_time 1:10 am IST

  • કોઈપણ સંસદીય બેઠક ઉપર લોકસભાની ચૂંટણીમાં કોઈપણ વિસ્તારના પોલીંગ એજન્ટ તરીકે રહી શકાશેઃ હાઈકોર્ટનો ચુકાદો : કોઈપણ સંસદીય બેઠક ઉપર લોકસભાની ચૂંટણીમાં કોઈપણ વિસ્તારના વ્યકિત પોલીંગ એજન્ટ તરીકે કામ કરી શકશે તેવો હાઈકોર્ટે ચુકાદો આપ્યો છેઃ પોરબંદર પંથકમાંથી હાઈકોર્ટમાં પીટીશન દાખલ કરવામાં આવ્યા બાદ હાઈકોર્ટે ચુકાદો આપ્યો access_time 4:12 pm IST