Gujarati News

Gujarati News

News of Tuesday, 22nd January 2019

કોહલી કરતાં વધુ ખતરનાક છે રોહિત અને ધવન

આવતી કાલથી ભારત સામે શરૂ થનારી પાંચ વન-ડે પહેલાં ન્યુઝીલેન્ડના બેટ્સમેને ટીમને આપી ચેતવણી કાલે સવારે ૭:૩૦ વાગ્યે (ભારતીય સમય મુજબ) ભારત - ન્યુઝીલેન્ડ વચ્ચે પ્રથમ મુકાબલો

ભારત અને ન્યુ ઝીલેન્ડ વચ્ચે વન-ડે સિરીઝની પહેલી મેચ ૨૩ જાન્યુઆરીથી નેપિયરમાં રમાશે. દરમ્યાન ભારતીય ટીમ પાંચ વન-ડે અને ત્રણ વ્હષ રમશે. આ સિરીઝની શરૂઆત પહેલાં ન્યુ ઝીલેન્ડના અનુભવી બેટ્સમેન રોસ ટેલરનું માનવું છે કે ભારતીય ટીમ સામે ન્યુ ઝીલેન્ડના બોલરોની આકરી પરીક્ષા થશે. ઓસ્ટ્રેલિયાને વન-ડે અને ટેસ્ટ-સિરીઝમાં હરાવ્યા બાદ ભારતીય ટીમ ન્યુ ઝીલેન્ડમાં પણ પોતાના વિજયરથને યથાવત્ રાખવાનો પ્રયત્ન કરશે.

ટેલરે કહ્યું હતું કે કોહલી એક સારો ખેલાડી છે. કદાચ વન-ડેનો સૌથી શ્રેષ્ઠ બેટ્સમેન છે, પરંતુ કોહલી કરતાં પહેલાં રમનાર રોહિત શર્મા અને શિખર ધવનને આઉટ કરવા સરળ નથી. આ બન્ને ઓપનર ઘણા સારા છે. ટીમે માત્ર કોહલીને કઈ રીતે રોકવો એના પર જ નહીં પરંતુ આ ઓપનરોનો સામનો કઈ રીતે કરવો એ વિશે પણ વિચારવું જોઈએ.

ઓસ્ટ્રેલિયા સામેની વન-ડે સિરીઝમાં રોહિતે ૧૮૫ રન બનાવ્યા હતા. તે આ વન-ડે સિરીઝમાં ભારત તરફથી સૌથી વધુ રન બનાવનાર બીજો ખેલાડી રહ્યો હતો. જોકે ધવન આ સિરીઝમાં વધુ પ્રભાવિત કરી શકયો નહોતો. ટેસ્ટ-સિરીઝમાં ઓસ્ટ્રેલિયાની ટીમે વિરાટ કોહલી પર જ ધ્યાન કેન્દ્રિત કર્યું હતું. જોકે ચેતેશ્વર પુજારા જ ઓસ્ટ્રેલિયા માટે માથાનો દુખાવો સાબિત થયો હતો. એથી જ આ ઘટનાનું પુનરાવર્તન ન થાય એ માટે જ રોસ ટેલરે પોતાની ટીમના ખેલાડીઓને ચેતવણી આપી હતી.

(3:41 pm IST)
  • cctv વિડીયો ફૂટેજ : સલામ છે આ ટ્રક દ્રાઈવરની ગૌ ભક્તિને : જૂનાગઢ - મેંદરડા હાઇવે પર ખોડીયારના પાટિયા પાસે એક ગાય રોડ પર જતી હતી અને સામેથી પુરપાટ આવતા એક ટ્રકે એવું કંઈક કર્યું જે ત્યાં લાગેલા એક cctvમાં કેદ થઈ ગયું : આ cctv ફૂટેજ કોઈ બોલિવુડ ફિલ્મના સીનથી ઓછો ઉતરે તેમ નથી : રસ્તે ચાલતી ગાયને બચાવવા, પોતાના જીવના જોખમે, ટ્રક દ્રાઈવરે એટલી જોશથી બ્રેક મારી હતી કે ટ્રક આખો 360 ડિગ્રીએ ફરી ગયો હતો : (વિડીયો - સ્પીડ રિપોર્ટ) access_time 2:02 pm IST

  • પ્રજાસતાક દિવસની 90 મિનિટની પરેડમાં વિવિધ રાજ્યોની 22 ઝાંખીઓ જમાવશે આકર્ષણ : ગણતંત્ર દિવસે આયોજીત સમારોહમાં દક્ષિણ આફ્રિકાના રાષ્ટ્રપતિ રામાફોસા હશે મુખ્ય મહેમાન : દિલ્હીમાં જબરી તૈયારી access_time 1:23 am IST

  • સપા અધ્યક્ષ અખિલેશ યાદવ આઝમગઢથી ચૂંટણી લડશે :બસપાના સુપ્રીમો માયાવતી સહારનપુરથી ચૂંટણી લડવાની વાત નક્કી :બંને દળના નેતા સુરક્ષિત સીટની સાથે આઝમગઢ અને સહારનપુર બંને પસંદ કરી છે જેની અસર દૂર સુધી રહેશે access_time 1:19 am IST