Gujarati News

Gujarati News

News of Thursday, 21st June 2018

રશિયામાં પ્રવાસીઓની ભીડ છતાં બિઅર - ઉદ્યોગને બહુ ઓછો ફાયદો

ફેન્સને કારણે થોડાક સમય માટે ભલે બિઅરનું વેચાણ વધ્યુ હોય, પણ સ્થાનિક લોકો વોડકાને જ પસંદ કરે છે

દુનિયાભરના ફૂટબોલ ફેન્સ વર્લ્ડકપ જોવા માટે રશિયા પહોંચી રહ્યા છે. વર્લ્ડકપનો રોમાંચ દિવસે - દિવસે વધતો જઈ રહ્યો છે. બાર, બિઅર - ગાર્ડન્સ અને ક્રાફટ બિઅર પબ્સમાં લોકોની ભીડ વધતી જ જાય છે. જો કે હાલમાં વેચાણમાં જોવા મળેલા ઉછાળાનો બિઅર ઉદ્યોગ પર વધુ પ્રભાવ નથી પડવાનો. છેલ્લા કેટલાક વર્ષોથી બિઅરનું વેચાણ ઘટતુ જ ગયુ છે. આલ્કોહોલના સેવનમાં રશિયા ૧૪માં ક્રમાંક પર છે. વર્લ્ડકપને કારણે ભલે બિઅરનું વેચાણ વધ્યુ હોય, પરંતુ રશિયાની નંબર વન બ્રેન્ડ બાલ્ટીકાના ડિરેકટરના જણાવ્યા પ્રમાણે વધેલી ડિમાન્ડની અસર માત્ર થોડા સમય પૂરતી જ દેખાશે.

જાપાનની બિઅર બનાવટી કંપનીએ ૨૦૧૬માં કરાવેલા સર્વે મુજબ રશિયામાં વોડકા સોશ્યલ લાઈફમાં વધુ ભૂમિકા ભજવે છે જેને કારણે બિઅરના વેચાણમાં રશિયા ૩૨મા ક્રમાંક પર છે. બિઅરના વેચાણ અને જાહેરાત પર મૂકવામાં આવેલા અમુક ચોક્કસ પ્રકારના પ્રતિબંધને કારણે ૨૦૦૦ની સરખામણીમાં રશિયાના ોલકો હવે ઓછી બિઅર પીએ છે. બિઅર પર ઘણો ટેકસ પણ લગાડવામાં આવ્યો છે. ૨૦૧૧ બાદ બિઅરને સોફટ ડ્રિન્કને બદલે આલ્કોહોલ ડ્રિન્ક ગણવામાં આવ્યો હતો. ત્યારબાદ રાત્રે એના વેચાણ પર પ્રતિબંધ મૂકવામાં આવ્યો હતો.

(3:47 pm IST)
  • જી.એસ. મલ્લિક-હસમુખ પટેલ-નિરજા ગોટરૂ અને જે.કે. ભટ્ટને એડીશ્નલ ડી.જી. તરીકે બઢતીઃ જો કે મૂળ જગ્યાએ જ ચાલુ રખાયાઃ નિપૂર્ણા તોરવણે-અનારવાલા અને ડી.બી. વાઘેલાને ડીઆઈજીમાંથી આઈજી પદે મૂળ જગ્યાએ જ બઢતી આપતુ ગૃહ મંત્રાલયઃ સિનીયર કક્ષાના એસપી મનિન્દર પવાર (એસ.પી.-ખેડા), એટીએસના હિમાંશુ શુકલ-સીબીઆઈના રાઘવેન્દ્ર વત્સ, દાહોદના એસપી પ્રેમવીરસિંઘ, કચ્છ પશ્ચિમના એમ.એસ. ભરાડા તથા રાજકોટમાં ડીસીપી તરીકે ફરજ બજાવી ગયેલા હિતેન્દ્ર ચૌધરીને ડીઆઈજીનો સિલેકશન ગ્રેડ અપાયો access_time 12:53 pm IST

  • જમ્મુ-કાશ્મીરમાં રાજ્યપાલ શાસન બાદ ગવર્નર એનએન વ્હોરાએ સર્વપક્ષીય બેઠક બોલાવી :ભાજપ અને પીડીપીની ગઠબંધન સરકાર તૂટી પડ્યાના એક દિવસ બાદ રાજ્યપાલ શાસન લાગુ :ભાજપે ટેકો પાછો ખેંચતા મહેબુબા મુફ્તીની સરકાર અલ્પમતમાં આવતા તેણીએ રાજીનામુ આપ્યું હતું access_time 12:58 am IST

  • ભાજપ દ્વારા લોકસભા ચૂંટણી અને દિલ્હીની રાજકીય સ્થિતિ પર મંથન :સોશ્યલ મીડિયાનો ભરપૂર ઉપયોગ અને દલિત સમુદાયને પાર્ટી સાથે જોડવા દલિત સંપર્કઃ અભિયાન ચલાવો :ભાજપના અધ્યક્ષ અમિતભાઇએ આપ્યો નેતાઓને નિર્દેશ:મોદી સરકારની ઉપ્લબ્ધીઓની જાણકારી લોકો સુધી પહોંચાડવામાં સોશ્યલ મીડિયાનો બખૂબી ઉપયોગ સમજાવ્યો access_time 12:52 am IST