Gujarati News

Gujarati News

News of Monday, 21st May 2018

ઉબેર કપ ફાઈનલ ટુર્નામેન્ટમાં ભારતની હાર

નવી દિલ્હી: થાઈલેન્ડમાં શર થયેલી થોમસ અને ઉબેર કપ ફાઈનલ ટુર્નામેન્ટમાં સ્ટાર્સની ગેરહાજરીમાં રમી રહેલા ભારતને પ્રથમ મુકાબલામાં હારનો સામનો કરવો પડયો હતો. ભારતે મેન્સ સિંગલ્સના ટોચના ખેલાડી કિદામ્બી શ્રીકાંતને અને વિમેન્સ સિંગલ્સની ટોચની ખેલાડી પી.વી. સિંધુને આરામ આપ્યો છે. ભારતીય મેન્સ ટીમને ફ્રાન્સે અને વિમેન્સ ટીમને કેનેડાએ -૧ના માર્જિનથી પરાજય આપ્યો હતો. સાથે થોમસ અને ઉબેર કપ ફાઈનલ્સના નોકઆઉટ રાઉન્ડમાં પ્રવેશવાની ભારતની આશા ધુંધળી બની ગઈ છે. થોમસ કપમાં ભારતની મેન્સ ટીમને એચએસ પ્રનોય અને ટોચની ડબલ્સ જોડી એવા મનુ અત્રી અને બી. સુમીથ રેડ્ડીને ફ્રાન્સ જેવી લો રેન્ક ટીમ સામે રમવાનો નિર્ણય ભારે પડયો હતો.હવે થોમસ કપમાં ભારતીય મેન્સ ટીમ સોમવારે ઓસ્ટ્રેલિયા સામે ટકરાશે.ઉબેર કપમાં ભારતની ટોચની સ્ટાર સાયના નેહવાલ કેનેડાની મિશેલ લી સામે પ્રથમ મેચમાં ભારે સંઘર્ષ બાદ ૨૧-૧૫, ૧૬-૨૧, ૧૬-૨૧થી હારી ગઈ હતી. જોકે વિમેન્સ ડબલ્સમાં ભારતના મેઘના જાક્કામ્પુડી અને પૂર્વિશા રામની જોડીએ કેનેડાની મિશેલે થોંગ અને જોસેફીન વુ ને ૨૧-૧૯ ૨૧-૧૫થી હરાવીને અપસેટ સર્જ્યો હતો. જોકે ભારત  ત્યાર બાદની મેચો હારી ગયું  હતુ.

(3:42 pm IST)
  • કોંગી ધારાસભ્યે ખોલી પાર્ટીની પોલ :મારી પત્ની અને કોઈ ભાજપ નેતા વચ્ચે વાતચીત થઇ નથી :કોંગ્રેસના ધારાસભ્ય શિવરામ હેબબરે કહ્યું આવી કોઈપણ ઓડીઓ ટેપ નકલી :કોંગ્રસે એક ઓડીઓ ટેપ જાહેર કરીને દાવો કર્યો હતો કે ભાજપે હેબરનું સમર્થન હાંસલ કરવાના બદલામાં તેની પત્નીને 15 કરોડની ઓફર કરી છે access_time 7:35 pm IST

  • લોકસભામાં ભાજપે પૂર્ણ બહુમતી ગુમાવી : સાથી પક્ષોના ભરોસે સરકારઃ ભાજપની ર૮ર બેઠકો હતી, ર૭૩ રહીઃ કર્ણાટકનું પ્રકરણ ભારે પડયુઃ યેદિયુરપ્પા અને રામુલુએ સંસદ સભ્યપદેથી રાજીનામા આપ્યા હતાઃ જો કે સરકાર પર કોઇ ખતરો નથી access_time 3:08 pm IST

  • લોકશાહી બચાવવા તમામ પક્ષોએ એકજુથ થવું જરૂરી :2019માં ભાજપને હરાવવા આમઆદમી પાર્ટી તમામ વિપક્ષ સાથે મળીને લડશે :આજે બંધારણ ખતરામાં છે અને તેને બચાવવું સમયની માંગ છે :આપના સાંસદ સંજયસિંહએ કહ્યું કે કુમારસ્વામીના શપથ સમારોહમાં આપ પાર્ટી જોડાશે access_time 1:38 am IST