Gujarati News

Gujarati News

News of Monday, 21st May 2018

૧૯૯૮માં યોજાયેલો ફૂટબોલ વિશ્વકપ ફિક્સ હોવાનો ફ્રાન્સના પૂર્વ ફૂટબૉલરે કર્યો ખુલાસો

નવી દિલ્હી: રશિયામાં આયોજિત ફિફા વિશ્વકપ શરૃ થવા આડે મહિના કરતાં પણ ઓછો સમય બાકી છે ત્યારે એક ચોંકાવનારી વાત જાહેર થઈ છે. ખુલાસો થયો છે કે ૧૯૯૮માં યોજાયેલો ફૂટબોલ વિશ્વકપ ફિક્સ હતો, જે ફ્રાંસમાં યોજાયો હતો. ભૂતપૂર્વ યુઈએફએ અધ્યક્ષ અને ફ્રાંસના ફૂટબોલર રહી ચૂકેલા મિશેલ પ્લાટિનીએ એક રેડિયો ચેનલને આપેલા ઇન્ટરવ્યૂ દરમિયાન જણાવ્યું કે, "ફ્રાંસ અને બ્રાઝિલની ટીમોનું મેચ શેડયુઅલ અગાઉથી નક્કી થઈ ચૂક્યું હતું." 

 

મિશેલે ખુલાસો કર્યો કે બ્રાઝિલને ગ્રૂપ-એમાં રાખવામાં આવ્યું હતું, જ્યારે ફ્રાંસને ગ્રૂપ-સીમાં સ્થાન અપાયું હતું, પરંતુ બંને ટીમોની જે હરીફ ટીમો હતી તે નબળી હતી. આથી બ્રાઝિલ અને ફ્રાંસે પોતાના ગ્રૂપની ટીમોને આસાનીથી હરાવી દીધી અને ફાઇનલમાં પ્રવેશ મેળવી લીધો. બધાનું સપનું હતું કે ફ્રાંસ અને બ્રાઝિલની ટીમ ફાઇનલમાં પહોંચે. 
મિશેલ પર હાલ .૩૫ મિલિયન ડોલરની છેતરપિંડીનો આરોપ લાગેલો છે. તેના પર આરોપ ૧૯૯૮થી ૨૦૧૫ સુધી ફિફા અધ્યક્ષ રહી ચૂકેલા સેપ બ્લેટરે લગાવ્યો હતો. ત્યાર બાદ મિશેલ પર ચાર વર્ષનો પ્રતિબંધ લગાવી દેવામાં આવ્યો હતો.

(3:41 pm IST)
  • લોકસભામાં ભાજપે પૂર્ણ બહુમતી ગુમાવી : સાથી પક્ષોના ભરોસે સરકારઃ ભાજપની ર૮ર બેઠકો હતી, ર૭૩ રહીઃ કર્ણાટકનું પ્રકરણ ભારે પડયુઃ યેદિયુરપ્પા અને રામુલુએ સંસદ સભ્યપદેથી રાજીનામા આપ્યા હતાઃ જો કે સરકાર પર કોઇ ખતરો નથી access_time 3:08 pm IST

  • પાકિસ્તાનના પંજાબ પ્રાંતની સરકારે રાવલપિંડીમાં સ્થિત કૃષ્ણ મંદિરના નવીનીકરણ અને તે વિસ્તરણ કરવા માટે બે કરોડ રૂપિયાની રકમ ફાળવી છે. આ જાણકારી 20 મેએ મીડિયાની એક રિપોર્ટમાં આપવામાં આવી હતી. રાવલપિંડી અને ઈસ્લામાબાદ શહેરોમાં માત્ર કૃષ્ણ મંદિર જ એકમાત્ર હિન્દુ મંદિર છે જે શ્રદ્ધાળુઓ માટે ખુલ્લું છે. મંદિરમાં રોજ સવાર-સાંજ આરતી કરવામાં આવે છે. access_time 6:19 am IST

  • કર્ણાટકમાં ભાજપ કરશે કમબેક ?:કુમારસ્વામીના શપથ પહેલા જ કોંગ્રેસ-જેડીએસ વચ્ચે ડખ્ખો :નાયબ મુખ્યમંત્રી પદ માટે કોંગ્રેસમાં પણ અસંતોષ ભભૂક્યો :બન્ને પક્ષના નેતાઓ વચ્ચેના મતભેદોને કારણે જનાધાર મજબૂત થવાની શકયતા ઓછી:ભાજપને વિશ્વાસ છે કે, કોંગ્રેસ-જેડીએસ ગઠબંધનમાં 'મતભેદો'ને કારણે રાજ્યમાં કમબેક કરી શકે છે: કોંગ્રેસ-જેડીએસ પક્ષના ટોચના નેતાઓ વચ્ચે મતભેદોને કારણે તેમનો જનાધાર મજબૂત નહિ થાય access_time 1:59 pm IST