Gujarati News

Gujarati News

News of Monday, 21st May 2018

મહિલા હોકી : ભારતીય ટીમ રનર્સઅપ બની

દક્ષિણ કોરીયા ૧ ગોલ ફટકારી જીતી ગયુ

ડોંગાઈ સીટી : ગત ચેમ્પિયન ભારતીય મહિલા હોકી ટીમને રવિવારે યોજાયેલી ફાઈનલ મેચમાં સાઉથ કોરીયા સામે ૦-૧થી હારનો સામનો કરવો પડ્યો હતો જેને કારણે પાંચમી મહિલા એશિયન ચેમ્પિયન્સ ટ્રોફીમાં પોતાનું ટાઈટલ બચાવી શકી નહોતી. કોરીયા તરફથી મેચની ૨૪મી મિનિટે યોંગસીલ લીએ ફિલ્ડ ગોલ કર્યો હતો જે નિર્ણાયક સાબિત થયો હતો. સાઉથ કોરીયાએ ત્રીજી વખત આ ટાઈટલ જીત્યુ હતું જયારે ભારતીય ટીમ સતત સારા દેખાવ છતાં બીજી વખત ટાઈટલ જીતવાનુ ચૂકી ગઈ હતી. ભારત અને કોરીયાની ટીમો શનિવારે પણ લીગ મેચમાં ટકરાઈ જયા બંને વચ્ચેની મેચ ૧-૧થી ડ્રો રહી હતી.

પ્રથમ કવાર્ટરમાં સાઉથ કોરીયાએ બોલ પોતાના કબજામાં રાખી ભારતીય ટીમ પર દબાણ બનાવ્યુ હતું પરંતુ ભારતે તેમના પ્રયાસને નિષ્ફળ બનાવ્યા હતા. કોરીયા પાસે ગોલ કરવાની ઘણી તક હતી પરંતુ પ્રથમ ૧૫ મિનિટ સુધી એકેય ગોલ થયો નહોતો. બીજી કવાર્ટરમાં પણ કોરીયાએ આક્રમણ વધાર્યુ હતું અને બે મિનિટની અંદર ત્રણ પેનલ્ટી કોર્નર મેળવ્યા હતા પરંતુ ભારતીય ગોલકીપર સવિતાને કારણે ગોલ થઈ શકયો નહતો. કોરીયાની યોંગસીલ લીએ ગોલ કરી ટીમને ૧-૦ની લીડ અપાવી હતી. તે પછી ત્રીજા અને ચોથા કવાર્ટરમાં એકેય ગોલ ન થતા કોરીયાએ ટાઈટલ જીતી લીધુ હતું.

(3:37 pm IST)
  • રાજકોટ સહીત સૌરાષ્ટ્રવાસીઓને મળશે રાહત: મુંબઈથી આવતી દુરંતો એક્સપ્રેસને રાજકોટ સુધી લંબાવાઈ: અત્યાર સુધી આ ટ્રેન અમદાવાદ સુધી જ આવતી હતી: હવે રાજકોટ સુધી લંબાવાઈ access_time 8:22 pm IST

  • કર્ણાટકમાં ભાજપ કરશે કમબેક ?:કુમારસ્વામીના શપથ પહેલા જ કોંગ્રેસ-જેડીએસ વચ્ચે ડખ્ખો :નાયબ મુખ્યમંત્રી પદ માટે કોંગ્રેસમાં પણ અસંતોષ ભભૂક્યો :બન્ને પક્ષના નેતાઓ વચ્ચેના મતભેદોને કારણે જનાધાર મજબૂત થવાની શકયતા ઓછી:ભાજપને વિશ્વાસ છે કે, કોંગ્રેસ-જેડીએસ ગઠબંધનમાં 'મતભેદો'ને કારણે રાજ્યમાં કમબેક કરી શકે છે: કોંગ્રેસ-જેડીએસ પક્ષના ટોચના નેતાઓ વચ્ચે મતભેદોને કારણે તેમનો જનાધાર મજબૂત નહિ થાય access_time 1:59 pm IST

  • કોંગી ધારાસભ્યે ખોલી પાર્ટીની પોલ :મારી પત્ની અને કોઈ ભાજપ નેતા વચ્ચે વાતચીત થઇ નથી :કોંગ્રેસના ધારાસભ્ય શિવરામ હેબબરે કહ્યું આવી કોઈપણ ઓડીઓ ટેપ નકલી :કોંગ્રસે એક ઓડીઓ ટેપ જાહેર કરીને દાવો કર્યો હતો કે ભાજપે હેબરનું સમર્થન હાંસલ કરવાના બદલામાં તેની પત્નીને 15 કરોડની ઓફર કરી છે access_time 7:35 pm IST