Gujarati News

Gujarati News

News of Saturday, 21st April 2018

શેન વોર્ને પ્રશંસકોની માફી માંગી !:રાજસ્થાન રોયલ્સના નિરાશાજનક પ્રદર્શન બાદ ફેન્સને ધીરજ રાખવા પણ અપીલ કરી

આગળની બે મેચમાં જીતીને ચાર જીત અને ત્રણ હારની સાથે ટૂર્નામેન્ટની અડધી સફર કરીશું

મુંબઈ :આઈપીએલમાં બે વર્ષના પ્રતિબંધ બાદ ઘરવાપસી કરેલી ચેન્નાઇ સુપરકિંગ્સ અને રાજસ્થાન આ સિઝનમાં પહેલી વખત ટક્કર થઇ હતી પૂણેના મહારાષ્ટ્ર ક્રિકેટ એશોશિએશનના મેદાન ઉપર રમાયેલી મેચમાં ચેન્નાઇએ રાજસ્થાનને 64 રનના ભારે અંતરથી હરાવ્યું હતું. આમ પોઇન્ટ્સ ટેબલ ઉપર પ્રથમ સ્થાને મેળવ્યું હતું જ્યારે રાજસ્થાન રોયલ્સની પાંચ મેચોમાં આ ત્રીજી હાર છે. રાજસ્થાનની ટીમની આ નિરાશાજનક પ્રદર્શન ટીમના મેંટોર અને ઓસ્ટ્રેલિયાના પૂર્વ લેગ સ્પિનર શેન વોર્ને ફેન્સની માફી માંગતા ધીરજ રાખાવની અપિલ કરી છે.
  10 વર્ષ પહેલા આઈપીએલની પહેલી સિઝનમાં પોતાની કેપ્ટનશિપ હેઠળ રાજસ્થાન રોયલ્સને ચેમ્પિયન બનાવનાર શેન વોર્ન પોતે જ ટીમની આ મોટી હારથી નિરાશ છે. પોતાની નિરાશાને છૂપાવતા સેન વોર્ને રાજસ્થાન રોયલ્સના ફેન્સ માટે ટ્વિટર ઉપર એક સંદેશો મુક્યો છે.

   વોર્ને લખ્યું છે કે, ‘આ મેચમાં રમતના ત્રણે ડિપાર્ટમેટ્સમાં રાજસ્થાન રોયલ્સની ટીમનું ખુબજ ખરાબ પ્રદર્શન કર્યું છે. એટલા માટે હું ફેન્સની માફી માગું છું. ટીમના ખેલાડીઓ સારો પ્રયત્ન કરે છે જેમાં તેમને સફળતા પણ મળશે. એટલા માટે આશા ન છોડો. પાંચમાંથી ત્રણ મેચ હારવી ઠીક નથી. અમે આગળની બે મેચમાં જીતીને ચાર જીત અને ત્રણ હારની સાથે આ ટૂર્નામેન્ટની અડધી સફર કરીશું.

વોર્ને પોતાની ટીમના ફેન્સને વાયદો કર્યો છે. જોકે, શુક્રવારની મેચમાં જે રીતે રાજસ્થાનની ટીમે નિરાશાજનક પ્રદર્શન કર્યું છે. જો એ પ્રકારનું પ્રદર્શન ચાલું રહ્યું તો. વોર્નનો આ વાયદો તૂટી શકે છે.

(6:57 pm IST)
  • દિગ્ગજ નેતા અને પૂર્વ કેન્દ્રીય નાણામંત્રી યશવંત સિન્હાએ ભાજપ છોડ્યું : પટનામાં રાષ્ટ્રમંચ કાર્યક્રમ દરમ્યાન જાહેરાત કરતા કહ્યું ' આજે હું તમામ પ્રાકારની પાર્ટી પોલીટીક્સમાંથી સન્યાસ લઈ રહ્યો છુ અને ભાજપ સાથેના તમામ સંબંધો પર અંત લાવી રહ્યો છુ.' : ભાજપ છોળતા કહ્યું કે દેશની સ્વતંત્રતા પર બહુ મોટો ખતરો મંડરાય રહ્યો છે access_time 2:06 pm IST

  • પ્રધાનમંત્રી નરેન્દ્ર મોદી દ્વારા હાલમાં જ પાકિસ્તાનને કડક ચેતવણી આપતાં પોતાના નિવેદનમાં પાકિસ્તાનને આતંકવાદના પ્રાયોજક ગણાવ્યા હતા. એ બાદ પાકિસ્તાનના વિદેશમંત્રી ખ્વાજા આસિફે નિશાન સાધ્યું છે. એક પછી એક ટ્વિટ કરતા ખ્વાજા આસિફે નિશાન સાધતા વડા પ્રધાન મોદીને અભણ ગણાવ્યા હતા, લ્ક્યું હતું કે PM મોદી વારંવાર કાલ્પનિક ર્સિજકલ સ્ટ્રાઇકનો દાવો કરે છે. access_time 2:20 am IST

  • ચીફ જસ્ટીસ દિપક મિશ્રા સામે મહાભિયોગ નામંજુર થઇ શકે : પ્રસ્તાવમાં પુરાવાઓનો અભાવ : ત્રણ મુખ્ય આરોપોમાં 'આવું હોઇ શકે છે', 'આવુ થયું હશે' જેવા શબ્દોનો ઉલ્લેખ : નિષ્ણાંતો કહે છે, મહાભિયોગમાં આરોપો નિશ્ચિત હોવા જોઇએ, અગર મગર જેવા આરોપોના કારણે પ્રસ્તાવ નામંજુર થશે. access_time 11:19 am IST