Gujarati News

Gujarati News

News of Wednesday, 21st March 2018

ઓલ ઈન્ડિયા ટેનિસ ફેડરેશન આંતરરાષ્ટ્રીય મેન્સ ડબલ્સ જોડી પર ધ્યાન નથી આપતું

નવી દિલ્હી: હાલમાં આંતરરાષ્ટ્રીય ટેનિસમાં મેન્સ ડબલ્સમાં ભારતનો નંબર વન ખેલાડી રોહન બોપન્ના છે. તેણે ડેવિસ કપમાં તેની જોડી પેસ સાથે ન જમાવવા માટે વિનંતિ કરી હોવા છતાં ઓલ ઈન્ડિયા ટેનિસ ફેડરેશને તેના તરફ ધ્યાન આપ્યું નથી. ભારત અને ચીન વચ્ચેની ડેવિસ કપ એશિયા-ઓસેનિયા ગુ્રપ વન ટાઈ માટે એઆઇટીએ એ ડબલ્સ માટે પેસ-બોપન્ના પર પસંદગી ઉતારી છે. જેની આડકતરી ટીકા ભારતના લેજન્ડરી ટેનિસ સ્ટાર વિજય અમૃતરાજે કરી છે. બોપન્ના-પેસની જોડી અંગેના વિવાદમાં ભારતના લેજન્ડરી ખેલાડી વિજય અમૃતરાજે સીધી તો કોઈ કોમેન્ટ કરી નહતી. જોકે તેમણે કહ્યું હતુ કે, ડબલ્સ મેચ ત્યારે જ મહત્વની બને છે જ્યારે બંને ટીમના સિંગલ્સ ખેલાડીઓ બરોબરીના હોય. આમ કરીને અમૃતરાજે ભારતીય મેન્સ સિંગલ્સના હાલના સ્તર અંગે પણ ખુબ જ નારાજગી વ્યક્ત કરી હતી. અમૃતરાજે કહ્યું કે, આ પ્રકારનો મુદ્દો મહત્વનો નથી. સૌથી પહેલા તો સિંગલ્સની ચાર મેચો મહત્વની છે. જો લક્ષ્ય વર્લ્ડ ગુ્રપમાં પ્રવેશીને સારો દેખાવ કરવાનું હોય તો દેશમાં ટોપ-૫૦માં હોય તેવા ખેલાડીઓની જરુર છે. આ સિવાયના તમામ મુદ્દા મહત્વના નથી. વર્ષોથી ભારત માટે ડબલ્સ કેટેગરી અત્યંત મજબુત રહી છે, તે હકીકતને સ્વીકારતાં વિજય અમૃતરાજે ઉમેર્યું કે, એટીપી ટૂરમાં ડબલ્સમાં સાથે ન રમતાં હોય તેવા ખેલાડીઓને ડેવિસ કપમાં જીતવામાં મુશ્કેલી પડતી હોય છે. ભૂતકાળમાં ભારતના મોટાભાગના ખેલાડીઓ ડબલ્સમાં એટીપી ટૂરમાં સાથે રમતાં હતા, જેના કારણે તેઓ ડેવિસ કપ ડબલ્સમાં સારુ પર્ફોમન્સ આપી શકતા

(5:39 pm IST)
  • દિલ્હી અને એનસીઆર ઉપર જોરદાર વાદળા ઘેરાયાઃ વરસાદની અને પવન ફુંકાવાની આજે પુરી સંભાવનાઃ જો કે આવતીકાલ સુધીમાં હવામાન ચોખ્ખુ થઈ જવા આગાહી access_time 12:52 pm IST

  • સિંગર અલકા યાજ્ઞિક આજે પોતાનો 52મો જન્મદિવસ ઉજવી રહી છે. અલકાનો જન્મ કલકત્તાના એક મધ્યમ વર્ગીય પરિવારમાં થયો હતો. અલકાએ પોતાના માતા શુભા યાજ્ઞિક પાસેથી શાસ્ત્રીય સંગીતનો અભ્યાસ કર્યો હતો. અલકાએ 1989માં નીરજ કપૂર સાથે લગ્ન કર્યા, પરંતુ તે પાછલા 25 વર્ષથી પતિથી અલગ રહે છે. બન્ને વચ્ચે કોઈ મતભેદ કે ઝઘડો નથી, પણ પોતાના કામને કારણે તેમણે આ નિર્ણય લીધો છે. access_time 1:49 am IST

  • આજે ગણિતની પરીક્ષા હતી. બીજા સ્ટુડન્ટનીની જેમ અંધજન સ્કૂલના સ્ટુડન્ટ વિઘ્નેશ પાઠકે પણ ગણીતના દાખલા ઉકેલ્યા હતાં. જો કે વિઘ્નેશ બીજા સ્ટુડન્ટ કરતાં જુદો પડે છે કેમ કે એમણે ક્યારેય આંકડાઓ જોયા જ નથી, માત્ર અનુભવ્યા છે. વિઘ્નેશ સંપૂર્ણ અંઘ છે, બ્રેઇલ લીપીથી દાખલાઓ ગણીને બોર્ડની પરીક્ષા આપી હતી. જેથી આવી ઘટના સમગ્ર ગુજરાતમાં પ્રથમવાર બની છે. access_time 1:49 am IST