Gujarati News

Gujarati News

News of Wednesday, 21st March 2018

જે યુનિવર્સિટીમાં હું ભણી રહ્યો છું એનો ટોપર છે ધોની

વિશ્વના ગ્રેટ ફિનિશર સાથેની સરખામણીને અયોગ્ય ગણાવતા કાર્તિકે કહ્યું...

દિનેશ કાર્તિક ભલે બાંગ્લાદેશ સામે ટી-૨૦ ટ્રાયેન્ગ્યુલર સીરીઝમાં આઠ બોલમાં નોટઆઉટ ૨૯ રન બનાવીને દેશભરમાં ચર્ચાનો વિષય બન્યો હોય, પરંતુ વિકેટકીપર - બેટ્સમેનનું કહેવુ છે કે જયારે શ્રેષ્ઠ ફિનીશરની વાત આવે છે તો હું જાતને યુનિવર્સિટીનો સ્ટુડન્ટ માનુ છું તો મહેન્દ્રસિંહ ધોની એનો ટોપર છે. ગઈકાલે ચેન્નાઈમાં પત્રકારો સાથે વાતચીત દરમિયાન તેણે કહ્યુ હતું કે જયારે ધોનીની વાત આવે તો હું હજી યુનિવર્સિટીમાં ભણી રહ્યો છું જયારે તે ટોપર છે. તે એક એવો ખેલાડી છે જેનું હું હંમેશા અનુકરણ કરૂ છું. તેની સાથે સરખામણી યોગ્ય નથી.

રસપ્રદ વાત એ છે કે કાર્તિક સપ્ટેમ્બર-૨૦૦૪માં ઈંગ્લેન્ડમાં ચેમ્પિયન્સ ટ્રોફી દરમિયાન આંતરરાષ્ટ્રીય ક્રિકેટમાં પદાર્પણ કર્યુ હતું તો ધોનીએ એના ત્રણ મહિના બાદ ડિસેમ્બરમાં બાંગ્લાદેશ સામેની દ્વિપક્ષી સીરીઝમાં પોતાની પહેલી આંતરરાષ્ટ્રીય મેચ રમી હતી. ત્યારબાદ ૧૪ વર્ષ દરમિયાન ધોની ભારતનો શ્રેષ્ઠ કેપ્ટન બન્યો અને મર્યાદિત ઓવરોનો સફળ ક્રિકેટર બન્યો તો કાર્તિક સંઘર્ષ કરતો રહ્યો. કાર્તિકે કહ્યુ હતુ કે ધોનીની કરીઅર અલગ હતી, મારી કરીઅર અલગ છે. તે ઘણો શરમાળ હતો, આજે તે એવી વ્યકિત છે જે યુવાઓને મદદ માટે સરળતાથી બોલે છે. મારા મતે સરખામણી યોગ્ય નથી. તે યુનિવર્સિટીનો ટોપર છે તો હું હજી ભણી રહ્યો છે, પરંતુ જે સ્થિતિમાં છું એનાથી હું ખુશ છું.

(3:52 pm IST)
  • આધાર કેસમાં દલિલો દરમિયાન એટર્ની જનરલ કે. કે. વેણુગોપાલે સુપ્રીમ કોર્ટમાં કહ્યું હતું કે આધાર યોજના હેઠળ એકત્ર થયેલ તમામ ''ડેટા'' સલામત છે ! આ ''ડેટા''ને એવા બિલ્ડીંગમાં રખાયા છે જેની દિવાલો ૧૦ ફૂટ જાડી છે !! : આધાર કેસમાં અદ્ભૂત-લાજવાબ દલિલ! access_time 4:24 pm IST

  • 'વો કૌન થી'ના રીમેકમાં ઐશ્વર્યા રાય અને શાહિદ, સાધના - મનોજકુમારના રોલમાં : ૧૯૬૪ની સાલની લોકપ્રિય ફિલ્મ ''વો કૌન થી''ની રિમેકમાં સાધનાનો રોલ ઐશ્વર્યા રાય તથા મનોજકુમારનો રોલ શાહીદ કપૂર ભજવશે access_time 3:41 pm IST

  • બોલીવુડમાં જેમના લગ્નની ચર્ચા સૌથી વધુ છે એવા દીપિકા પાદુકોણ અને રણવીર સિંહની એક તસવીરે સોશિયલ મીડિયામાં ધમાલ મચાવી છે. બંના વેડિંગ લૂકનો ફોટો વાઇરલ થયો છે. દીપિકા પાદુકોણના એક ફેન સિદ્ધાંતે સુંદર રીતે ફોટોશોપ કરીને આ તસવીરો તૈયાર કરી છે. આ તસવીરો સાથે અનેક હેશટેગ આપવામાં આવ્યા છે. એક્ટર્સ અથવા તેના પરિવાર તફથી ઓફિશિયલ કન્ફર્મેશન નથી આવ્યું. access_time 1:50 am IST