Gujarati News

Gujarati News

News of Friday, 9th November 2018

વિરાટ કોહલી પર કેમ આટલો ગુસ્સે થયો અભિનેતા સિધ્ધાર્થ?

 

વિરાટ કોહલીએ તેના એક ફેનને એવું કહ્યું કે જો તેને વિદેશી ટીમોના જ પ્લેયર પસંદ હોય અને ભારતીય પ્લેયર પસંદ હોય નહીં તો તેને ભારતમાં રહેવાનો કોઈ અધિકાર નથી. આ મુદ્દે હવે અભિનેતા સિધ્ધાર્થે, વિરાટ કોહલી પર ગુસ્સે થઈને ટ્વિટર પર એક પોસ્ટ લખી છે.

વિરાટે ભવિષ્યમાં બોલતા પહેલાં એક વખત વિચારવું જોઈએ

આ પોસ્ટમાં અભિનેતા સિધ્ધાર્થે લખ્યું કે જો વિરાટ કોહલી કિંગ કોહલી બની રહેવા માગતો હોય તો તેણે હવે પોતાની જાતને એવું વિચારતા કરવી જોઈએ કે મારા આ નિવેદન અંગે દ્રવિડ શું કહેશે? વિરાટે ભવિષ્યમાં બોલતા પહેલાં એક વખત વિચારવું જોઈએ. ભારતીય કેપ્ટન તરફથી કેવા મૂર્ખાઈભર્યા શબ્દો સાંભળવા મળી રહ્યા છે.

રંગ દે બસંતીથી ઓળખાય છે અભિનેતા સિધ્ધાર્થ

અભિનેતા સિધ્ધાર્થની ગણતરી દેશના સારા અભિનેતાઓમાં થાય છે અને તે બોલિવૂડમાં રંગ દે બસંતી, સ્ટ્રાઈકર સહિત દેશની અનેક ભાષાઓની ફિલ્મોમાં કામ કરી ચૂક્યો છે. વિરાટ કોહલીએ તેના ફેનને કહ્યું હતું કે તમે મને પસંદ નથી કરતા તેનાથી મને કોઈ ફરક નથી પડતો. મને નથી લાગતું કે તમારે ભારતમાં રહેવું જોઈએ.

 

(12:24 pm IST)
  • ભાઈબીજે પેટ્રોલ ડીઝલના ભાવમાં થશે ઘટાડો :પેટ્રોલમાં 15 પૈસાનો લિટરે કરાશે ઘટાડો :ડીઝલ પણ 15 પૈસા થશે સસ્તું ;છેલ્લા કેટલાય દિવસોથી ઇંધણના ભાવમાં ઘટાડો થતો લોકોને રાહત :વૈશ્વિક બજારમાં ક્રૂડના ઘટતા ભાવનો ગ્રાહકને મળતો ફાયદો access_time 10:56 pm IST

  • વડોદરાના સીમાડે આવેલ નંદેસરી જી.આઈ.ડી.સી આગ ભભૂકી : નંદેસરી ખાતે આવેલ પાનોલી ઇન્ટરમીડિયેટ પ્રાઇવેટ કંપનીમાં લાગી આગ:વિકરાળ આગને પગલે વાતાવરણમાં ધુમાડાના ગોટા ઉડ્યા:આગ લાગવાનું કોઈ કારણ હજી અકબંધ :ફાયર ફાઈટર ઘટના સ્થળે access_time 11:44 pm IST

  • દિવાળીના તહેવારોમાં સ્ટેચ્યુ ઓફ યુનિટી ખાતે પ્રવાસીઓનો ધસારો : 2 દિવસમાં 70 લાખની આવક આજથી લેસર શો શરૂ નવા વર્ષના પ્રથમ દિવસે 20 હજાર પ્રવાસીઓના આગમનનું અનુમાન. આજે 4 વાગ્યા સુધીમાં 16,036 પ્રવાસીઓ નોંધાયા. પ્રવાસીઓના ઘસારાને ધ્યાને રાખી 5 વાગ્યે ટિકીટ કાઉન્ટર કરાયું બંધ. દિવાળીના દિવસે 11,219 પ્રવાસીઓએ લીધી હતી મુલાકાત. નિગમને છેલ્લા 2 દિવસમાં 70 લાખથી વધુની થઇ આવક. પ્રવાસીઓ માટે બસની સુવિધા પણ પડી ઓછી. સ્ટેચ્યુ ઓફ યુનિટી ખાતે આજથી લેસર શો કરાયો શરૂ. આજે 6.30 થી 8 વાગ્યા સુધી યોજાશે લેસર શો. access_time 6:42 pm IST