Gujarati News

Gujarati News

News of Thursday, 8th November 2018

વિદેશી ખેલાડી ગમતા હોય તો ભારતમાં ના રહેશો :વિરાટ કોહલી

ભારતીય ક્રિકેટ ટીમના કૅપ્ટન વિરાટ કોહલીનો એક વીડિયો સોશિયલ મીડિયા પર શૅર કરાઈ રહ્યો છે. આ વીડિયોમાં તેઓ કહે છે, "જેમને વિદેશી બૅટ્સમૅન ગમે છે, તેમણે ભારતમાં ન રહેવું જોઈએ."

વિરાટ કોહલીનો આ વીડિયો તેમના જન્મદિવસે લૉન્ચ કરાયેલી ઍપ પર અપલોડ કરાયો છે. આ વીડિયોમાં તેઓ ટ્વિટર અને ઇન્સ્ટાગ્રામ પર આવેલા મૅસેજીસ વાંચી રહ્યા છે.

આ દરમિયાન તેમણે એક મૅસેજ વાંચ્યો, જેમાં એક યૂઝરે વિરાટ કોહલીને 'ઓવરરેટેડ' ખેલાડી કહ્યા હતા.

આ યૂઝરે લખ્યું હતું, "તમે ઓવરરેટેડ ખેલાડી છો. વ્યક્તિગત રીતે મને કઈ ખાસ દેખાતું નથી. મને ભારતીય બૅટ્સમૅનની તુલનામાં બ્રિટન અને ઑસ્ટ્રેલિયાના બૅટ્સમૅન ગમે છે."

એના જવાબમાં વિરાટે કહ્યું, "મને લાગે છે તમારે ભારતમાં ન રહેવું જોઈએ, બીજે ક્યાંય રહેવું જોઈએ."

યૂઝરની કૉમેન્ટ પર વિરાટે કહ્યું, "તમે અમારા દેશમાં રહીને અન્ય દેશોને કેમ પસંદ કરો છો? તમે મને પસંદ નથી કરતા, કઈ વાંધો નહીં પણ મને એવું લાગે છે કે તમારે આપણા દેશમાં રહીને બીજા દેશની ચીજો ગમાડવી ન જોઈએ. તમારી પ્રાથમિકતા નક્કી કરો."

(9:30 am IST)
  • ભરૂચઃ નવા વર્ષે જ અકંલેશ્વર ખાતે ચાર અલગ-અલગ સ્થળે સર્જાયેલા ખમખ્વાર અક્સમાતમાં ચાર લોકોના મોત નીપજ્યા હતા. અમદાવાદ-બરોડા એક્સપ્રેસ હાઈ વે પર બે અકસ્માત સર્જાયેલા નવા વર્ષે જ હાઈ વે લોહીથી ખરડાયો હતો. ઘટનાની જાણ થતા અંકલેશ્વર પોલીસ ઘટના સ્થળે પહોંચી હતી. અને વધુ તપાસ હાથ ધરી હતી access_time 8:05 pm IST

  • 23મી ડિસેમ્બરે બાંગ્લાદેશમાં સંસદીય ચૂંટણી ;પહેલીવાર થશે EVMનો ઉપયોગ : મુખ્ય ચૂંટણી આયોગ નૂર-ફૂલ-હૂદાએ ટીવી પર પ્રસારિત સંબોધનમાં કહ્યું કે સમગ્ર બાંગ્લાદેશમાં 11મી સામાન્ય ચૂંટણી 23મી ડિસેમ્બરે થશે :દેશમાં પહેલીવાર મર્યાદિત સ્તર પર ઇલેક્ટ્રોનિક વોટિંગ મશીનનો ઉપયોગ કરાશે access_time 12:56 am IST

  • ભાઈબીજે પેટ્રોલ ડીઝલના ભાવમાં થશે ઘટાડો :પેટ્રોલમાં 15 પૈસાનો લિટરે કરાશે ઘટાડો :ડીઝલ પણ 15 પૈસા થશે સસ્તું ;છેલ્લા કેટલાય દિવસોથી ઇંધણના ભાવમાં ઘટાડો થતો લોકોને રાહત :વૈશ્વિક બજારમાં ક્રૂડના ઘટતા ભાવનો ગ્રાહકને મળતો ફાયદો access_time 10:56 pm IST