Gujarati News

આવતીકાલથી શરૂ થનારી ત્રણે મેચોની વન-ડે સિરીઝમાં ભારત ઈંગ્લેન્ડને ૩-૦થી હરાવી દે તો આઈસીસી વન-ડે રેન્કીંગમાં નંબર વન સ્થાન પર પહોંચી શકે છે. ઈંગ્લેન્ડ અને ભારત હાલમાં રેન્કીંગમાં પહેલા તથા બીજા ક્રમાંક પર છે. ગુરૂવારથી નોટીંગહેમમાં આ બંને દેશો વચ્ચે પહેલી વન-ડે રમાશે.

દરમિયાન ૧૦ ટીમો વચ્ચે ચાર ખંડમાં લગભગ એક મહિના સુધી વન-ડે રમાશે. ભારતે ટી-૨૦ સિરીઝમાં ઈંગ્લેન્ડને ૨-૧થી હરાવ્યુ હતું. ઈંગ્લેન્ડની ટીમ બીજી મેએ અપડેટ થયેલા આઈસીસી રેન્કીંગ મુજબ પ્રથમ ક્રમાંકે પહોંચી હતી, પરંતુ ભારત આ ક્રમાંક પાછો મેળવવા માટે આતુર છે. એ માટે એણે ઈંગ્લેન્ડને ૩-૦થી હરાવવુ પડશે. બીજી તરફ ઈંગ્લેન્ડ જો ૩-૦થી જીતી જાય તો એ ટોચ પર ૧૦ પોઈન્ટ આગળ વધી જશે.