Gujarati News

Gujarati News

News of Friday, 20th November 2020

ઑસ્ટ્રેલિયાના પ્રવાસ માટે ભારતીય ક્રિકેટર રોહિત શર્મા એ ફિટનેસ ટ્રેનિંગ શરૂ કરી :ટીમ સાથે જોડાય તે પહેલા 14 દિવસ કવોરોન્ટાઇન રહેશે

બેંગલુરૂઃ ઓસ્ટ્રેલિયાના પ્રવાસ માટે ભારતીય ટેસ્ટ ટીમમાં સામેલ રોહિત શર્માએ ગુરૂવારે અહીં રાષ્ટ્રીય ક્રિકેટ એકેડમીમા પોતાની ફિટનેસ ટ્રેનિંગ શરૂ કરી છે. રોહિત ઓસ્ટ્રેલિયા પ્રવાસ માટે ભારતની સીમિત ઓવરોની ટીમનો ભાગ નથી અને પસંદગીકારોએ મુંબઈ ઈન્ડિયન્સ માટે ફાઇનલ સિવાય બે ઈન્ડિયન પ્રીમિયર લીગ મેચ રમ્યા બાદ તેને સંશોધિત ટેસ્ટ ટીમમાં સામેલ કર્યો હતો

રોહિતે પરંતુ કહ્યુ કે, તે ઠીક છે પરંતુ બીસીસીઆઈને લાગ્યુ કે, તેને આઈપીએલ દરમિયાન થયેલી હેમસ્ટ્રિંગની ઈજામાંથી મુક્ત થવા વધુ સમયની જરૂર છે, જેથી તેની ફિટનેસને લઈને ચર્ચા શરૂ થઈ ગઈ હતી. મુંબઈની ટીમે ફાઇનલમાં શાનદાર જીત હાસિલ કરી જેમાં રોહિતે 68 રનની આક્રમક ઈનિંગ રમી હતી

રોહિતની ફિટનેસ ખુબ મહત્વની બની ગઈ છે, કારણ કે નિયમિત કેપ્ટન વિરાટ કોહલી ઓસ્ટ્રેલિયામાં પ્રથમ ટેસ્ટ બાદ ઉપલબ્ધ હશે નહીં. તે પોતાના બાળકના જન્મ માટે પત્ની અનુષ્કા શર્માની સાથે રહેવા સ્વદેશ પરત ફરશે

બુધવારે સીનિયર ફાસ્ટ બોલર ઈશાંત શર્માએ મુખ્ય પસંદગીકાર સુનીલ જોશી અને એનડીએ પ્રમુખ રાહુલ દ્રવિડની દેખરેખમાં બોલિંગ કરી હતી. તે ઈજા થયા બાદ એનસીએમાં રિહેબિલિટેશનની પ્રક્રિયામાં છે. ઇશાંત અને રોહિત એક સાથે ઓસ્ટ્રેલિયા રવાના થશે અને ટીમ સાથે જોડાયા પહેલા 14 દિવસ ક્વોરેન્ટીનમાં રહેશે. 

(5:11 pm IST)
  • ફેબ્રુઆરીમાં મેડિકલ કર્મચારી અને સિનિયર સિટીઝન માટે તથા એપ્રિલમાં દેશભરની પ્રજા માટે ઓકસફર્ડ કોરોના વેકસીન મળતી થઈ જશે : ભારતમાં ઓકસફર્ડ કોવિડ વેકિસન કોરોના વોરિયર્સ/ હેલ્થ કેર કર્મચારીઓ તથા સિનિયર સિટીઝનોને ૨૦૨૧ના ફેબ્રુઆરી આસપાસ મળતી થઈ જશે. જયારે દેશની સામાન્ય પ્રજા માટે એપ્રિલ સુધીમાં ઓકસફર્ડ કોરોના વેકિસન મળવા લાગશે. તેના બે ડોઝની વધુમાં વધુ કિંમત ૧૦૦૦ રૂપિયા આસપાસ રહેશે તેમ સિરમ ઈન્સ્ટીટયૂટ ઓફ ઇન્ડિયાના સીઈઓ અદર પુનાવાલાએ કહ્યું છે. access_time 12:52 pm IST

  • એક લેબ્રાડોર ડોગ, અને બે માલીક, હવે પોલીસ કરાવશે શ્વાનનો DNA ટેસ્ટ : હોશંગાબાદમાં એક લેબ્રા ડોગ પર બે લોકોએ માલિકી હક્ક બતાવ્યો :મામલો વધુ બિચકાતા પોલીસ મથકે પહોંચ્યો : બંને પક્ષોએ પોતાની તરફેણમાં કેટલાક દસ્તાવેજો પણ રજૂ કરતા પોલીસ પણ ચકરાવે ચડી : હવે પોલીસ કરાવશે શ્વાનનો DNA ટેસ્ટ access_time 12:52 am IST

  • વિશ્વ સુપ્રસિદ્ધ શ્રી અક્ષરધામ મંદિર બંધ રહેશે : અમદાવાદ શહેરમાં હવે કોરોના વાયરસનું સંક્રમણમાં બેફામ વધારો થયો હોય અમદાવાદ શહેરમાં તા.૨૦થી ૨૩ નવેમ્બર સુધી કર્ફયુ જાહેર કરેલ હોય જેના અનુસંધાને સૌની સલામતી જળવાય એ હેતુ સાથે ગાંધીનગરમાં આવેલ સુપ્રસિદ્ધ અક્ષરધામ મંદિર પણ આ દિવસો દરમિયાન બંધ રહેશે access_time 11:25 am IST