Gujarati News

Gujarati News

News of Friday, 20th November 2020

ધોનીનું ફાર્મહાઉસ ૪૩ એકર જમીન ઉપર ફેલાયેલું છે

ધોનીએ નિવૃત્તિ બાદ ખેતી પર ધ્યાન કેન્દ્રીત કર્યુ :ખેલાડી શાકભાજી અને ફળોની ખેતી કરે છે, ધોની રાંચીમાં હોય ત્યારે અચુક તેના ફાર્મ હાઉસ પર જાય જ છે

નવી દિલ્હી,તા.૨૦: ક્રિકેટથી નિવૃત્તિ લઇને ભારતના જાણીતા ક્રિકેટર અને ભૂતપૂર્વ કેપ્ટન મહેન્દ્ર સિંહ ધોની હવે ખેતી તરફ વળ્યા છે. ધોનીએ પોતાના ફાર્મહાઉસમાં મોટા પ્રમાણમાં જામફળ, પપૈયા અને સ્ટ્રોબેરીની ખેતી કરી છે. આ માટે, તેમણે બેંગ્લોર અને અન્ય દક્ષિણ રાજ્યોમાંથી સુધારેલી ગુણવત્તાના બીજ મંગાવ્યા છે. મહેન્દ્ર સિંહ ધોનીના કૃષિ સલાહકાર રોશન કુમારે જણાવ્યું હતું કે ધોની ખેતીમાં વિશેષ રસ લઈ રહ્યો છે અને તેના ફાર્મહાઉસ પર તેનું ખાસ ફોકસ છે. જ્યારે પણ ધોની રાંચીમાં હોય ત્યારે તે પરિવાર સાથે આ ફાર્મહાઉસમાં આવવાનું ભૂલતો નથી. આ ફાર્મહાઉસમાં ધોની મોટા પાયે શાકભાજીની ખેતી કરી છે.

લગભગ ૨ એકરમાં વટાણાનું વાવેતર થયું છે. કોબી, બટાકા અને ટામેટા સહિતની અન્ય ઘણી શાકભાજી પણ તે અહીં ટપક પદ્ધતિથી ઉગાડે છે. ધોનીના કૃષિ સલાહકાર રોશન કુમારે જણાવ્યું હતું કે આ ફાર્મહાઉસ સ્થિત નેટ હાઉસમાં સીડલિંગ હેઠળ બીજમાંથી છોડ તૈયાર કરવામાં આવે છે. આ પછી છોડ જુદી જુદી જગ્યાએ રોપવામાં આવે છે. અહીં, વટાણાની અદ્યતન જાતનું વાવેતર કરવામાં આવ્યું છે, જે ૬૦ થી ૭૦ દિવસમાં તૈયાર થઈ જશે. ટામેટા પાક પણ ખેતરોમાં ઉગી રહ્યો છે. રોશનના કહેવા પ્રમાણે, ધોનીની પત્ની સાક્ષી પણ ફાર્મહાઉસ પહોંચ્યા પછી ખેતીમાં રસ લે છે. તે શાકભાજી અને ફળો પોતાના હાથથી તોડીને ઘરે લઈ જાય છે. ધોની ખેતીની સાથે ગાયનું પશુપાલન પણ કરે છે. આ ફાર્મહાઉસમાં ૩૦૦ ગાયોને ઉછેરવાની યોજના છે. જ્યારે પણ ધોની ફાર્મહાઉસ આવે છે, ત્યારે તે અહીં હાજર ગાય સાથે સમય વિતાવે છે. કેટલીકવાર તો તે પોતાના હાથથી ગાયના છાણને પણ સાફ કરે છે. ધોનીના ફાર્મહાઉસની શાકભાજી અને ફળો તેના ઘર ઉપરાંત બજારોમાં મોકલવામાં આવે છે. અહીં ફળો અને શાકભાજી ઉપરાંત ડાંગરની પણ ખેતી કરવામાં આવે છે. કાળું જીરા નામના ડાંગર પણ તેણે વાવ્યા છે. આ ડાંગર હવે ધોની ડાંગર તરીકે પ્રખ્યાત થઈ રહ્યો છે. ધોની ખેતી અને ગાય ઉછેર ઉપરાંત મરઘી ઉછેર પર પણ ધ્યાન કેન્દ્રિત કરી રહ્યો છે.

(3:29 pm IST)
  • દેશમાં કોરોનાના નવા કેસ કરતા સ્વસ્થ થનારની સંખ્યામાં એકધારો વધારો :એક્ટિવ કેસમાં સતત ઘટાડો :રાત્રે 11 વાગ્યા સુધીમાં કોરોનાના નવા 40,909 કેસ નોંધાયા :કુલ કેસનો આંકડો 89,99,049 થયો :એક્ટીવ કેસ ઘટીને 4,41,727 થયા:વધુ 41,302 દર્દીઓ સ્વસ્થ થતા કુલ 84,23,162 રિકવર થયા :વધુ 514 લોકોના મોત સાથે કુલ મૃત્યુઆંક 1,32,133 થયો access_time 1:16 am IST

  • અમેરીકાના પ્રમુખપદની ચૂંટણીમાં અંતિમ આંકડાઓ બહાર આવી ગયા : ન્યુઝ ફર્સ્ટના અહેવાલ મુજબ અમેરીકાના પ્રમુખની ચૂંટણીમાં ઉભા રહેલા ડેમોક્રેટ પાર્ટીના જો બાઈડનને ૩૦૬ મત મળ્યા છે જયારે રિપબ્લીકન પાર્ટીના હાલના પ્રમુખ ડોનાલ્ડ ટ્રમ્પને ૨૩૨ મત મળ્યા છે. આમ જો બાઈડન ૭૪ મતથી વિજેતા થયા છે. જો કે સત્તાવાર જાહેરાત થવાની બાકી છે. access_time 11:25 am IST

  • ફેબ્રુઆરીમાં મેડિકલ કર્મચારી અને સિનિયર સિટીઝન માટે તથા એપ્રિલમાં દેશભરની પ્રજા માટે ઓકસફર્ડ કોરોના વેકસીન મળતી થઈ જશે : ભારતમાં ઓકસફર્ડ કોવિડ વેકિસન કોરોના વોરિયર્સ/ હેલ્થ કેર કર્મચારીઓ તથા સિનિયર સિટીઝનોને ૨૦૨૧ના ફેબ્રુઆરી આસપાસ મળતી થઈ જશે. જયારે દેશની સામાન્ય પ્રજા માટે એપ્રિલ સુધીમાં ઓકસફર્ડ કોરોના વેકિસન મળવા લાગશે. તેના બે ડોઝની વધુમાં વધુ કિંમત ૧૦૦૦ રૂપિયા આસપાસ રહેશે તેમ સિરમ ઈન્સ્ટીટયૂટ ઓફ ઇન્ડિયાના સીઈઓ અદર પુનાવાલાએ કહ્યું છે. access_time 12:52 pm IST