Gujarati News

Gujarati News

News of Saturday, 20th October 2018

ડબ્લ્યૂટીએ ફાઇનલ્સનો કાલથી પ્રારંભ

નવી દિલ્હી: ટોચની આઠ ખેલાડીઓ વચ્ચે રમાનાર ડબ્લ્યૂટીએ ફાઇનલ્સનો રવિવારથી પ્રારંભ થઈ રહ્યો છે જે માટે શુક્રવારે ડ્રો યોજાયા હતા. આઠ ખેલાડીઓને બે ગ્રૂપમાં વહેંચવામાં આવી છે જેમાં રેડ ગ્રૂપમાં કાર્બેર, નાઓમી ઓસાકા, સ્લોએન સ્ટીફન્સ અને કિકી બર્ટેન્સ સામેલ છે. વ્હાઇટ ગ્રૂપમાં પેટ્રા ક્વિટોવા, કેરોલિના પ્લિસકોવા, કેરોલિન વોઝનિયાકી અને એલિના સ્વિતોલિના સામેલ છે. રોબિન રાઉન્ડ મુજબ યોજાનાર ટૂર્નામેન્ટમાં ગ્રૂપમાં સામેલ ખેલાડીઓ સામે રમશે અને ટોચના બે સ્થાને રહેનાર ખેલાડી સેમિફાઇનલમાં પ્રવેશ મેળવશે. વ્હાઇટ ગ્રૂપમાં ટોચનાં બે સ્થાન માટે ભારે સંઘર્ષ જોવા મળી શકે છે.ટૂર્નામેન્ટની પ્રથમ મેચ વ્હાઇટ ગ્રૂપમાં પેટ્રા ક્વિટોવા અને એલિના સ્વિતોલિના વચ્ચે રમાશે. બીજી મેચ ગ્રૂપમાં સામેલ કેરોલિન વોઝનિયાકી અને કેરોલિના પ્લિસકોવા વચ્ચે યોજાશે. ટૂર્નામેન્ટમાં નંબર વન ખેલાડી સિમોના હાલેપ પીઠના દુઃખાવાને કારણે ખસી ગઈ છે જેને કારણે નવમી ક્રમાંકિત નેધલેન્ડ્સની કિકી બર્ટેન્સને સ્થાન મળ્યું છે. ગત વર્ષે વોઝનિયાકી ચેમ્પિયન બની હતી અને તેની નજર ટાઇટલને જાળવી રાખવા પર રહેશે.રેડ ગ્રૂપ એન્જેલિક કાર્બેર, નાઓમી ઓસાકા, સ્લોએન સ્ટીફન્સ અને કિકી બર્ટેન્સ. વ્હાઇટ ગ્રૂપ પેટ્રા ક્વિટોવા, પ્લિસકોવા, વોઝનિયાકી,એલિના સ્વિતોલિના

(4:48 pm IST)
  • સુરત: શહેરમાં સ્વાઈન ફ્લુમાં વધુ 3 કેસ પોઝિટિવ:સ્વાઈન ફ્લૂના પોઝિટિવ કેસની સંખ્યા 112 થઈ:પનાસના 20 વર્ષીય યુવકનો રિપોર્ટ પોઝિટિવ:વેસુની 30 વર્ષની મહિલાનો રિપોર્ટ પોઝિટિવ:વેસુના 59 વર્ષીય પુરુષનો પોઝિટિવ રિપોર્ટ:22 દર્દીઓ હજુ સારવાર હેઠળ: 1ને ડિસ્ચાર્જ કરાયા access_time 9:44 pm IST

  • કર્ણાટકના પ્રસિદ્ધ લિંગાયત સંત સિદ્ધલિંગ સ્વામીનું ઉત્તર-પશ્ચિમ ક્ષેત્રના ગદાંડમાં નિધન : સિદ્ધલિંગ સ્વામીના તોતાડાર્ય મઠના એક સભ્યે આ માહિતી આપી :મુખ્યમંત્રી કુમારસ્વામીએ સિદ્ધલિંગ સ્વામીના નિધન પર ઊંડા દુઃખની લાગણી વ્યક્ત કરી access_time 12:42 am IST

  • શકિતસિંહ ગોહિલે મુખ્યમંત્રી રૂપાણીને મોકલી લીગલ નોટીસઃ રૂપાણીના નિવેદન અંગે શકિતસિંહે ફટકારી નોટીસઃ બે અઠવાડીયામાં ખુલાસો આપવાનો કર્યો ઉલ્લેખઃ માનહાનિ અને દિવાની કેસ કરવા નોટીસ ફટકારી access_time 3:34 pm IST