Gujarati News

Gujarati News

News of Wednesday, 20th January 2021

હું સ્‍તબ્‍ધ છું કે ઓસ્‍ટ્રેલિયા આ સિરીઝ ન જીતી શકી, આ તો ભારતની ‘એ' ટીમ હતી છતાં તેણે મેચ જીતી લીધીઃ ઓસ્‍ટ્રેલિયાના પૂર્વ કેપ્‍ટન રિકી પોન્‍ટિંગ

બ્રિસબેનઃ ઓસ્ટ્રેલિયાના પૂર્વ કેપ્ટન રિકી પોન્ટિંગ સ્પબ્ધ છે અને સમજી શકતા નથી કે ભારતની 'એ ટીમ'એ ઓસ્ટ્રેલિયાને તેની ધરતી પર હરાવી દીધુ છે. પરંતુ તેમણે સ્વીકાર કર્યુ કે, ભારતીય ટીમ જીતની હકદાર હતી. પોન્ટિંગે ક્રિકેટ ડોટ કોમ ડોટ એયૂને કહ્યુ, 'હું સ્તબ્ધ છું કે ઓસ્ટ્રેલિયા આ સિરીઝ ન જીતી શકી. આ તો ભારતની એ ટીમ હતી છતાં તેણે મેચ જીતી લીધી.'

તેણે કહ્યું, 'ભારતીય ટીમ પાંચ કે છ સપ્તાહમાં જે સ્થિતિમાંથી પસાર થઈ છે. કેપ્ટન સ્વદેશ પરત ફરી ગયો અને ખેલાડીઓની ઈજા વચ્ચે તે પૂરી મજબૂત ટીમ ન ઉતારી શક્યુ. ઓસ્ટ્રેલિયા તો પોતાની મજબૂત ટીમની સાથે રમ્યુ હતુ, બસ શરૂઆતમાં ડેવિડ વોર્નર ન રમી શક્યો.'

પોન્ટિંગે કહ્યુ, 'આ ભારતની પસંદ કરાયેલી બીજી ટીમ પણ નહતી કારણ કે તેમાં ભુવનેશ્વર કુમાર કે ઈશાંત શર્મા નહતા. રોહિત પણ અંતિમ બે ટેસ્ટ મેચમાં રમ્યો.' પોન્ટિંગે કહ્યુ, 'તે શાનદાર ક્રિકેટ રમ્યા. ટેસ્ટ મેચમાં તમામ નિર્ણાયક તકનો લાભ ઉઠાવ્યો જે ઓસ્ટ્રેલિયા ન કરી શકી. બંન્ને ટીમોમાં આ ફેર હતો. ભારત આ જીતનું હકદાર હતું.'

ઉલ્લેખનીય છે કે પોન્ટિંગે ભારતના પ્રવાસની શરૂઆતમાં કહ્યુ હતુ કે, કાંગારૂ ટીમ મહેમાનો પર એકતરફી ભારે પડશે અને તેને 4-0થી હરાવીને મોકલશે.

(5:33 pm IST)
  • ભારતે મોકલેલ વેક્સીનનો જથ્થો ભૂટાનમાં આવી પહોંચ્યો access_time 5:09 pm IST

  • ૨૦ જાન્યુઆરીએ બાઇડેન અમેરિકાના રાષ્ટ્રપતિ પદે તથા કમલા હેરિસ ઉપરાષ્ટ્રપતિ પદે શપથ લેશે. અમૃતસરના ચિત્રકાર જગજોતસિંહ રૂબાલે આ બન્ને મહાનુભાવોના ચિત્રો તૈયાર કર્યા હતા. સાથે સાથે તેમણે અમેરિકાના શરૂઆતથી આજ સુધીના રાષ્ટ્રપતિના ચહેરા પણ કળાત્મક રીતે દોર્યા હતા. access_time 10:16 am IST

  • દિલ્હીના 72 ટકાથી વધુ લોકો ખાનગીને બદલે સરકારી ડિસ્પેન્સરીમાં કરાવે છે સારવાર : રાજધાની દિલ્હીની કુલ વસ્તીના 72.87 ટકા લોકો સરકારી હોસ્પિટલો અને ડિસ્પેંસરીઓમાં પોતાની સારવાર કરાવતા હોવાની જાણકારી દિલ્હી સરકારના સામાજિક આર્થિક સર્વેના બીજા ભાગના અહેવાલમાં સામે આવી: સરકાર તરફથી નવેમ્બર 2018થી નવેમ્બર 2019 વચ્ચે આ સર્વે કરાવવામાં આવ્યો હતો. access_time 12:54 am IST