Gujarati News

Gujarati News

News of Wednesday, 20th January 2021

બોલરોથી બાઉન્સરોનો મારો કરેલો આમ છતાં કાંગારૂઓ સામે દિવાલ બની ઉભો રહેલો ચેતેશ્વર

ઓસ્ટ્રેલીયાના બોલરોને થકવી દીધાઃ રહાણેએ પણ પૂજારાના વખાણ કર્યા

રાજકોટઃ ટીમ ઈન્ડિયાના નવોદીત ખેલાડીઓએ ઓસ્ટ્રેલીયામાં વિજયી વાવટો લહેરાવ્યો છે. ઈજા, સ્લેજીંગ સહિતની બાબતો પર જઈ જીત મેળવી હતી. આ જીતમાં રાજકોટના લોકલબોય ચેતેશ્વર પૂજારાનું જોરદાર યોગદાન રહ્યું હતું.

૩૨૮ રનના જંગી ટાર્ગેટ સામે ભારતને શુભમન ગીલે જોરદાર શરૂઆત કરી હતી. તો ચેતેશ્વરની મેરેથોન ઈનિંગ લાજવાબ હતી. કાંગારૂ બોલરો પણ થાકી ગયા હતા. અંતે હેઝલબૂડ, સ્ટાર્ક, કમીન્સે પૂજારા ઉપર બાઉન્સરોનો મારો શરૂ કરી દીધો હતો. અનેક બોલથી પૂજારાને ઈજાઓ પણ પહોંચી હતી. આમ છતાં તે મેદાન ઉપર અડીખમ રહયો હતો.

ચેતેશ્વર ૫૬ રનની શાનદાર ઈનિંગ રમી હતી ૨૧૧ બોલનો સામનો કરી ૭ ચોગ્ગા ફટકાર્યા હતા. પૂજારાને અનેક બાઉન્સરો હેલ્મેટમાં પણ લાગ્યા હતા. હાથમાં પણ અનેક વખત ઈજાઓ પહોંચી હતી. કાંગારૂ બોલરોનો જબરદસ્ત સામનો કર્યો હતો. પંત ભલે ભારતને વિજય માર્ગ સુધી લઈ ગયો પણ ચેતેશ્વર કાંગારૂઓની સામે દિવાલ બનીને ઉભો રહ્યો હતો.

(3:44 pm IST)
  • દેશમાં કોરોના હાંફી ગયો :નવા કેસ કરતા સ્વસ્થ થનારની સંખ્યામાં વધારો : એક્ટિવ કેસના આંકમાં સતત ઘટાડો : રાત્રે 11-30 વાગ્યા સુધીમાં કોરોનાના નવા 13,566 કેસ નોંધાયા :કુલ કેસની સંખ્યા 1,05,96,228 થઇ :એક્ટિવ કેસ 1,94,247 થયા: વધુ 16,976 દર્દીઓ સ્વસ્થ થતા કુલ 1,02,44,839 થયા :વધુ 154 લોકોના મોત સાથે કુલ મૃત્યુઆંક 1,52,747 થયા access_time 1:03 am IST

  • દિલ્હીના 72 ટકાથી વધુ લોકો ખાનગીને બદલે સરકારી ડિસ્પેન્સરીમાં કરાવે છે સારવાર : રાજધાની દિલ્હીની કુલ વસ્તીના 72.87 ટકા લોકો સરકારી હોસ્પિટલો અને ડિસ્પેંસરીઓમાં પોતાની સારવાર કરાવતા હોવાની જાણકારી દિલ્હી સરકારના સામાજિક આર્થિક સર્વેના બીજા ભાગના અહેવાલમાં સામે આવી: સરકાર તરફથી નવેમ્બર 2018થી નવેમ્બર 2019 વચ્ચે આ સર્વે કરાવવામાં આવ્યો હતો. access_time 12:54 am IST

  • ૩૦ જાન્યુઆરીએ દેશ આખો ૨ મિનિટ માટે થંભી જશે : ગાંધીજીને શ્રદ્ધાંજલી અપાશે : ૩૦ જાન્યુઆરીએ મહાત્મા ગાંધીજીનુ નિધન થયુ હતુ અને દર વર્ષે આ દિવસની શહીદ દિવસ તરીકે ઉજવણી કરવામાં આવે છે. આ વખતે કેન્દ્ર સરકારે તમામ રાજ્યોને આદેશ આપ્યો છે કે, દેશની આઝાદીમાં બલિદાન આપનારાઓની યાદમાં આ દિવસે બે મિનિટનુ મૌન રાખવામાં આવે અને સાથે- સાથે કામકાજ અને અવર- જવર પણ બંધ રાખવામાં આવે. ગૃહ મંત્રાલયના આદેશ પ્રમાણે ૩૦ જાન્યુઆરીએ સવારે ૧૧ વાગ્યે બે મિનિટનુ મૌન પાળવામાં આવશે અને સાથે સાથે કોઈ કામકાજ નહીં થાય તેમજ અવર જવર પણ નહીં કરવામાં આવે. જે જગ્યાઓ પર સાયરનની વ્યવસ્થા છે ત્યાં મૌન પાળવા માટે યાદ દેવડાવવા માટે સાયરન વગાડવામાં આવશે. કેટલીક જગ્યાએ આર્મીની તોપના ફાયરથી તેની યાદ દેવડાવવામાં આવશે. આ જ દિવસે ૧૯૪૮માં ગાંધીજીની નાથુરામ ગોડસેએ હત્યા કરી હતી. access_time 4:14 pm IST