Gujarati News

Gujarati News

News of Wednesday, 20th January 2021

ઓસ્ટ્રેલિયાનો પ્રવાસ ખૂબ જ અઘરો રહ્યો : શાસ્ત્રી

અમે કોવિડ, કવોરન્ટાઈન અને ખેલાડીઓની ઈજા જેવી સમસ્યાઓ સામે ઝઝૂમતા રહ્યા

બ્રિસ્બેન : ટીમ ઈન્ડિયાના હેડ કોચ રવિ શાસ્ત્રી ભારતીય ટીમની ઐતિહાસિક જીત બાદ ભાવુક બની ગયા હતા.

 પોતાની લાગણી વ્યકત કરતાં રવિ શાસ્ત્રીએ કહ્યું કે 'એક અઘરી ટૂરમાંની આ ટૂર હતી. અમે કોવિડ, કવૉરન્ટીન અને અનેક ખેલાડીઓની ઈજા જેવી સમસ્યાઓ સામે ઝઝૂમતા હોવા છતાં રમી રહ્યા હતા. આવી એકસામટી સમસ્યાઓનો અમે ક્યારેય સામનો નથી કર્યો. તમારે વિરાટ કોહલીને શ્રેય આપવું જોઈએ. તે અહીં નથી, ઘરે પાછો જતો રહ્યો છે છતાં તેની પર્સનાલિટી અને તેનું વ્યકિતત્વ હંમેશાં ટીમ સાથે રહે છે. જે પ્રમાણે અજિંક્ય રહાણેએ કપ્તાનપદ સાચવ્યું અને શોભાવ્યું એ ખરેખર અવિશ્વસનીય છે.

છેલ્લી ટેસ્ટ મૅચ સુધી અમારી પાસે કોઈ વિકલ્પ નહોતો. ભારતે ગયા વખતે ઑસ્ટ્રેલિયાને ઑસ્ટ્રેલિયામાં પરાજય આપ્યો હતો અને એ મૅચમાંનો કોઈ પણ બોલર આ છેલ્લી ટેસ્ટ મૅચમાં નહોતો રમ્યો. પોતાનો આત્મવિશ્વાસ જાળવી રાખવો એ પણ મહત્ત્વનું છે.'

(2:48 pm IST)
  • દેશમાં કોરોના થાક્યો :નવા કેસ કરતા સ્વસ્થ થનારની સંખ્યામાં વધારો : એક્ટિવ કેસના આંકમાં સતત ઘટાડો : રાત્રે 11-30 વાગ્યા સુધીમાં કોરોનાના નવા 14,183 કેસ નોંધાયા :કુલ કેસની સંખ્યા 1,06,10,632 થઇ :એક્ટિવ કેસ 1,90,498 થયા: વધુ 17,751 દર્દીઓ સ્વસ્થ થતા કુલ 1,02,62,843 થયા :વધુ 132 લોકોના મોત સાથે કુલ મૃત્યુઆંક 1,52,886 થયા access_time 1:13 am IST

  • આઇપીએલમાં હરભજન ચેન્નાઇ તરફથી રમતો જોવા નહિ મળે : ભજજીએ ટવીટ કરી જાણકારી આપી કે ચેન્નાઇ સાથે મારો કરાર પૂર્ણ થઇ ગયો છે. આ ટીમ માટે રમવુ એક સુખદ અનુભવ હતો. હું એ યાદગાર પણ હમેંશા યાદ રાખીશ ચેન્નાઇ સુપર કીંગ્સનું મેનેજમેન્ટ સ્ટાફ અને ફેન્સનો આભાર access_time 4:03 pm IST

  • અર્નવ ગોસ્વામીએ રાહુલ ગાંધીને ટેલીવીઝન ઉપર ૧૨૧ લાઈવ ડીબેટ માટે ચેલેન્જ કરી રાહુલ ગાંધીએ તેના ઉપર કરેલા આક્ષેપો સાબિત કરી આપે નહિં તો અદાલતમાં તેના અને કોગ્રેસ પક્ષ વિરૂદ્ધ ફરીયાદ દાખલ કરશે access_time 5:35 pm IST