Gujarati News

Gujarati News

News of Friday, 19th October 2018

એશિયન ચેમ્પિયન્સ ટ્રોફીમાં 20 ઓક્ટોમ્બરે ભારતની ટક્કર પાકિસ્તાન સામે

નવી દિલ્હી: એશિયન ગેમ્સમાં કંગાળ દેખાવ બાદ ભારત એશિયન ચેમ્પિયન્સ ટ્રોફીમાં ટાઈટલ જાળવી રાખવાના ઈરાદા સાથે મેદાન પર ઉતરશે. છ દેશોની એશિયન ચેમ્પિયન્સ ટ્રોફીમાં ભારતનો મુકાબલો તેના પરંપરાગત હરિફ પાકિસ્તાન સામે તારીખ ૨૦મી ઓક્ટોબરના રોજ થશે. ડિફેન્ડિંગ ચેમ્પિયન ભારત હાલમાં વર્લ્ડ રેન્કિંગમાં પાંચમા ક્રમે છે અને ભારતીય મેન્સ હોકી ટીમ એશિયાની નંબર વન ટીમ છે. ઓમાનના મસ્કતમાં તારીખ ૨૮મી ઓક્ટોબર સુધી એશિયન ચેમ્પિયન્સ ટ્રોફીનું આયોજન થશે. જકાર્તામાં રમાયેલી એશિયન ગેમ્સમાં ભારતીય મેન્સ હોકી ટીમ ગોલ્ડ મેડલ જીતવા માટે દાવેદાર ગણાતી હતી. જોકે ભારતને સેમિ ફાઈનલમાં મલેશિયા સામે આંચકાજનક હારનો સામનો કરવો પડયો હતો.આ પછી ભારતે પાકિસ્તાનને હરાવીને બ્રોન્ઝ મેડલ જીત્યો હતો. ભારતને એશિયન ગેમ્સમાં આંચકાજનક હાર મળી હતી, જે પછી આ ટુર્નામેન્ટમાં ભારતે ટાઈટલ જાળવી રાખવા માટે કમર કસી છે. ભારત માટે દરેક મેચ ખરાખરીની છે. ટુર્નામેન્ટમાં મલેશિયા, પાકિસ્તાન, જાપાન અને સાઉથ કોરિયા જેવી ટીમો પણ સામેલ છે. 

(6:00 pm IST)
  • છત્તીસગઢ વિધાનસભા ચૂંટણીમાં જનતા કોંગ્રેસ છત્તીસગઢ અને બીએસપી ગઠબંધને 13 ઉમેદવારો જાહેર કર્યા :ગઠબંધન મુજબ જનતા કોંગ્રેસ છત્તીસગઢ 55 સીટો પર અને બીએસપી 35 બેઠકો પર ચૂંટણી લડશે:સીપીઆઇ પણ માયાવતી અને અજિત જોગીના ગઠબંધનમાં જોડાશે ;બે બેઠક પરથી ચૂંટણી જંગમાં ઝુકાવશે access_time 1:25 am IST

  • પેટ્રોલ-ડીઝલના ભાવવધારાના પગલે અમદાવાદમાં કોંગ્રેસની સાયકલ રેલી : અમદાવાદમાં કોંગ્રેસ પ્રદેશ પ્રમુખ અમિતભાઇ ચાવડાની આગેવાનીમાં કાલુપુર રેલ્વે સ્ટેશનથી લાલ દરવાજા સુધી સાયકલ રેલીઃ પેટ્રોલ - ડીઝલના ભાવવધારાના પગલે ૧૫ ફુટ ઉંચા મોંઘવારીનો રાક્ષસ બનાવી વિરોધ દર્શાવ્યોઃ રૂપાલી સિનેમા પાસે પુતળાનું દહન કરાશે access_time 3:54 pm IST

  • દિલ્હીમાં હવાનું પ્રદુષણ 'બહુત ખરાબ ':અધિકારીઓ મુજબ દિલ્હીમાં કેટલાય વિસ્તારોમાં પ્રદુષણની સ્થિતિ 'ગંભીર 'શ્રેણીની નજીક :દિલ્હીના પર્યાવરણ મંત્રી ઇમરાન હુસૈને નિરીક્ષણ માટે છ સદસ્યોની ટીમની રચના કરી :હવામાં વધતું પ્રદુષણ સ્વાસ્થ્ય માટે ગંભીર ખતરો access_time 1:14 am IST