Gujarati News

Gujarati News

News of Tuesday, 18th June 2019

વિશ્વકપ :અફઘાની સ્પિનર રાશિદ ખાનના નામે નોંધાયો વનડે ઈતિહાસનો સૌથી ખરાબ રેકોર્ડ: 9 ઓવરમાં 110 રન આપ્યા

વનડે વિશ્વકપની એક ઈનિંગમાં સૌથી વધુ રન આપનાર વિશ્વનો પ્રથમ બોલર બની ગયો

 

માનચેસ્ટરઃ વિશ્વકપમાં અનેક નવા રેકોર્ડ બની રહ્યાં છે ત્યારે અફઘાનિસ્તાનના સ્ટાર સ્પિનર રાશિદખાનના નામે વનડે ઇતિહાસનો સૌથી ખરાબ રેકોર્ડ નોંધાયો છે ઈંગ્લેન્ડ વિરુદ્ધ વિશ્વ કપ 2019ની 24મી મેચમાં સ્ટાર સ્પિનર રાશિદ ખાનની ખુબ ધોલાઈ કરવામાં આવી હતી રાશિદ ખાનને વિશ્વનો સૌથી સૌરી રિસ્ટ સ્પિનર ગણવામાં આવે છે અને અફઘાનિસ્તાન ટીમની સૌથી મોટી તાકાત છે પરંતુ ઈંગ્લેન્ડ વિરુદ્ધ તેના પ્રદર્શને માત્ર નિરાશ કર્યાં પરંતુ વનડે વિશ્વકપનો સૌથી ખરાબ રેકોર્ડ પોતાના નામે કરી લીધો છે

 અફઘાનિસ્તાનના સ્પિનર રાશિદ ખાન હવે વનડે વિશ્વકપની એક ઈનિંગમાં સૌથી વધુ રન આપનાર વિશ્વનો પ્રથમ બોલર બની ગયો છે. રાશિદ એટલો ખર્ચાળ સાબિત થયો કે પોતાના સ્પેલની 10 ઓવર પણ ફેંકી શક્યો. તેણે 9 ઓવર બોલિંગ કરી અને તેમાં તેણે 12.22ની ઇકોનોમી રેટથી 110 રન આપ્યા અને તેને એકપણ વિકેટ મળી. વનડે વિશ્વકપમાં કોઈ બોલરે આટલા રન આપ્યા નથી. વિશ્વ કપની એક ઈનિંગમાં આટલા રન આપનાર રાશિદ ખાન પ્રથમ બોલર બની ગયો છે. સાથે વનડે ક્રિકેટના ઈતિહાસમાં કોઈપણ સ્પિનરે પહેલા 100થી વધુ રન આપ્યા નથી.
વનડે ક્રિકેટના ઈતિહાસમાં એક ઈનિંગમાં પોતાના સ્પેલમાં સૌથી વધુ રન આપવાના મામલામાં રાશિદ ખાન ત્રીજા નંબર પર છે. વનડેની એક ઈનિંગમાં પોતાના સ્પેલમાં સૌથી વધુ રન આપવાના મામલામાં માઇકલ લેવિસ સૌથી આગળ છે. તેણે વર્ષ 2006મા જોહનિસબર્ગમાં આફ્રિકા વિરુદ્ધ 10 ઓવરમાં 113 રન આપ્યા હતા. બીજા નંબર પર વહાબ રિયાઝ છે જેણે વર્ષ 2016માં નોટિંઘમમાં ઈંગ્લેન્ડ વિરુદ્ધ 10 ઓવરમાં 110 રન આપ્યા હતા. હવે ત્રીજા સ્થાન પર રાશિદ ખાન આવી ગયો છે.

વનડે ઈતિહાસમાં એક ઈનિંગમાં સૌથી વધુ રન આપનાર બોલર

-113(10) માઇકલ લેવિસ વિરુદ્ધ આફ્રિકા, 2006

-110(10) વહાબ રિયાઝ વિરુદ્ધ ઈંગ્લેન્ડ, 2016

-110(09) રાશિદ ખાન વિરુદ્ધ ઈંગ્લેન્ડ, 2019

(12:11 am IST)
  • રાજકોટ જિલ્લા પંચાયતની સામાન્ય સભામાં નવો વળાંક : ભાજપમાં જોડાયેલા તમામ બાગીઓ ગેરહાજર : કોંગ્રેસના વ્હીપથી બચવા માટે સામાન્ય સભામાં ડોકાયા જ નહિં : કોંગીના ૧૮ જેટલા સભ્યોની હાજરીમાં સભા શરૂ access_time 1:07 pm IST

  • મુખ્યમંત્રી યોગી આદિત્યનાથનું મોટું નિવેદન :કહ્યું જમીનનો વિવાદ રાજ્યમાં અપરાધ માટેનું સૌથી મોટું કારણ :યોગીએ આવા મામલા જલ્દી ઉકેલ લાવવા હાકલ કરી access_time 1:06 am IST

  • એક દેશ-એક ચૂંટણી પર વિપક્ષની બેઠક રદ્દ પીએમની બેઠકમાં સામેલ થશે શરદ પવાર : વિપક્ષનું વલણ એક દેશ-એક ચૂંટણીના મુદ્દા પર નકકી કરવા માટે કોંગ્રેસ સહિત અન્ય વિપક્ષી પાર્ટીઓએ તેના પર બેઠક બોલાવી હતી પરંતુ તે હવે રદ્દ થઇ ગઇ છે જો કે NCP પ્રમુખ શરદ પવારે નિવેદન આપ્યુ છે કે તે વડાપ્રધાન દ્વારા બોલાવામાં આવેલી બેઠકમાં સામેલ થશે access_time 1:07 pm IST