Gujarati News

રાજસ્થાન રૉયલ્સે પોતાની છેલ્લી લીગ મેચમાં રોયલ ચેલેન્જર્સ બેંગ્લોરને 30 રને હરાવી પ્લેઑફમાં પ્રવેશવાની પોતાની આશાઓ જીવંત રાખી છે. બીજી તરફ હાર સાથે વિરાટ કોહલીની RCB પ્લેઑફમાંથી બહાર ફેંકાઈ ગઈ છે. રાજસ્થાને આપેલા 165 રનના ટાર્ગટે સામે RCB 20 ઓવરમાં 9 વિકેટે માત્ર 145 રન જ બનાવી શકી હતી. આ રીતે તેનો 19 રનથી પરાજય થયો. આ જીત સાથે રાજસ્થાન પોઈન્ટ ટેબલમાં ચોથા સ્થાને આવી ગઈ છે.

અગાઉ રાજસ્થાને ટૉસ જીતીને પ્રથમ બેટિંગ લીધી હતી. રાજસ્થાને જોઝ બટલરની ગેરહાજરીમાં જોફ્રા આર્ચરને ઓપનિંગ મોકલવાનો જુગાર રમ્યો હતો જે ખોટો સાબિત થયો હતો અને તે ખાતુ ખોલાવ્યા વિના જ આઉટ થઈ ગયો હતો. ત્રીજા ક્રમે આવેલા કેપ્ટન અજિંક્ય રહાણે અને ઓપનર રાહુલ ત્રિપાઠીએ બીજી વિકેટ માટે શાનદાર 99 રનની ભાગીદારી નોંધાવી હતી. 101 રનના સ્કોરે રહાણ (33) આઉટ થયો હતો ત્યારે રાજસ્થાનની સ્થિતિ મજબૂત લાગી હતી પણ બીજા જ બોલે સંજુ સેમસન (0) આઉટ થતા તે ભીંસ આવી ગઈ હતી. બીજી તરફ રાહુલ ત્રિપાઠીએ શાનદાર બેટિંગ કરતા 58 બોલમાં 80 રનની ઈનિંગ રમી હતી. ડેથ ઓવર્સ હેનરિક ક્લાસેન (32) અને, ક્રિશ્નપ્પા ગૌતમ (14) ઉપયોગી ઈનિંગ રમતા રાજસ્થાન 20 ઓવરના અંતે 5 વિકેટે 164 રનનો સન્માનજનક સ્કોર બનાવી શકી હતી.

165 રનનો પીછો કરવા ઉતરેલી RCB માટે કોઈપણ ભોગે આ મેચ જીતવી જરૂરી હતી. જોકે, કેપ્ટન વિરાટ કોહલી (4) ત્રીજી ઓવરમાં આઉટ થઈ જતા ટીમને મોટો ફટકો પડ્યો હતો. ત્રીજા સ્થાને આવેલા એબી ડિ વિલિયર્સ (53) અને ઓપનર પાર્થિવ પટેલે (33) બીજી વિકેટ માટે 55 રનની ભાગીદારી નોંધાવી હતી. આ સમયે લાગતું હતું કે, RCB આસાનીથી જીત મેળવી લેશે પણ 75 રનના સ્કોરે પાર્થિવ પટેલના આઉટ થયા બાદ બેંગ્લોરનો રકાસ શરૂ થયો હતો અને 100 રને પહોંચતા સુધીમાં તો 6 વિકેટ ગુમાવી દીધી હતી. આખરે 19.2 ઓવરમાં RCB 134 રન બનાવી ઓલઆઉટ થઈ ગઈ હતી અને તેની પ્લેઑફની આશાઓ ખતમ થઈ ગઈ હતી. રાજસ્થાન માટે ક્રિશ્નપ્પા ગૌતમે સૌથી વધુ 4 વિકેટો ઝડપી હતી. આ જીત સાથે રાજસ્થાનની પ્લેઑફમાં પ્રવેશવાની આશા મજબૂત થઈ ગઈ છે. હવે તેને કોલકાતા, પંજાબ અને મુંબઈની મેચના પરિણામ પર નજર રાખવાની રહેશે.