Gujarati News

Gujarati News

News of Tuesday, 19th March 2019

આઇસીસી વિવાદ સમાધાન સમિતીમાં કેસ હાર્યા બાદ બીસીસીઆઇને વળતરના રૂપમાં પાકિસ્‍તાન ક્રિકેટ બોર્ડે ૧૧ કરોડ ચૂકવવા પડશે

કરાચીઃ પાકિસ્તાન ક્રિકેટ બોર્ડ (PCB)ના અધ્યક્ષ અહસાન મનીએ સોમવારે દાવો કર્યો કે, પીસીબીએ આઈસીસીની વિવાદ સમાધાન સમિતિમાં કેસ હાર્યા બાદ બીસીસીઆઈને વળતરના રૂપમાં 16 લાખ ડોલર (આશરે 10 કરોડ 98 લાખ 2 હજાર 800 રૂપિયા)ની રકમ આપી છે. મનીએ કહ્યું, અમે વળતરના મામલામાં આશરે 22 લાખ ડોલર ખર્ચ કર્યા, જે અમે ગુમાવી દીધા.

તેમણે કહ્યું કે, આ મામલામાં ભારતને ચુકવવામાં આવેલી રમત સિવાય અન્ય ખર્ચ, કાયદાકિય ફી અને યાત્રા સંબંધિત છે. પીસીબીએ ગત વર્ષે બીસીસીઆઈ વિરુદ્ધ આઈસીસીની વિવાદ સમાધાન સમિતિની સમક્ષ લગભગ 7 કરોડ અમેરિકન ડોલર (આશરે 4 અબજ 80 કરોડ 38 લાખ 72 હજાર 500 રૂપિયા)ના વળતરનો દાવો કરતા મામલો દાખલ કર્યો હતો.

પીસીબીએ બીસીસીઆઈ પર બંન્ને બોર્ડ વચ્ચે સમજુતી પત્રનું સન્માન ન કરવાનો આરોપ લગાવ્યો હતો. આ સમજુતી પ્રમાણે 2015થી 2023 સુધી ભારતે પાકિસ્તાન વિરુદ્ધ 6 દ્વિપક્ષીય સિરીઝ રમવાની હતી, જેને બીસીસીઆઈએ ન માન્યું. ભારતીય ક્રિકેટ બોર્ડે દલીલ આપી હતી કે, તે પાકિસ્તાન વિરુદ્ધ તે માટે રમી રહ્યું નથી કારણ કે સરકારે તેની મંજૂરી આપી નથી.

ભારતે પાકિસ્તાનના તે દાવાને પણ નકારી દીધો, જેમાં તેણે સમજુતી પત્રને કાયદાકિય રૂપથી બંધનકર્તા ગણાવ્યો હતો. બીસીસીઆઈએ કહ્યું કે, તે માત્ર એક પ્રસ્તાવ હતો.

(4:49 pm IST)
  • ઓડિસાના વેદાંત પ્લાન્ટમાં નોકરીની માંગ સાથે હિંસક પ્રદર્શન : કાલાહાંડી વેદાંત પ્લાન્ટમાં નોકરીની માંગ ઉગ્ર બની :એક સુરક્ષાકર્મી સહીત બે લોકોના મોત :સુરક્ષાકર્મી અને પ્રદર્શકારીઓ વચ્ચે ઘર્ષણ :30થી વધુ લોકો ઘાયલ access_time 1:04 am IST

  • ખોડલધામની મહિલા સમિતિમાં કોઈ વિવાદ નથી : શર્મીલાબેન બાંભણીયાએ તો ૩ મહિના પહેલા જ નિવૃતિ જાહેર કરી દીધી હતી : ખોડલધામ ટ્રસ્ટની મહિલા સમિતિમાં વિવાદ થયાના સમાચારો વહેતા થયા છે ત્યારે ખોડલધામ મહિલા સમિતિના જ એક સભ્યએ જણાવેલ કે મહિલા સમિતિમાં કોઈ વિવાદ છે જ નહિં, પ્રમુખ શર્મીલાબેન બાંભણીયાએ તો ૩ મહિના અગાઉ જ સમાધાન પંચમાં નિવૃતિ જાહેર કરી દીધી હતી આમ છતાં તેઓ હાલમાં પણ ટ્રસ્ટની સેવાકીય પ્રવૃતિઓમાં જોડાયેલા છે. તાજેતરમાં ખોડલધામની નવી કન્વીનરની ટીમની જાહેરાત કરવામાં આવી હતી. આમ મહિલા સમિતિમાં કોઇ જ વિવાદ ન હોવાનું સૂત્રોએ જણાવ્યુ હતું. access_time 3:23 pm IST

  • કોંગ્રેસને ઝટકો: જમ્મુ કાશ્મીરની લોકસભાની તમામ બેઠક પર ચૂંટણી લડશે નેશનલ કોન્ફ્રન્સ :કોંગ્રેસ સાથે કોઈ ગઠબંધન નહિ :નેશનલ કોન્ફ્રન્સની સંસદીય બોર્ડની બેઠકમાં લેવાયો નિર્ણંય :રાજ્યની તમામ છ સીટો પર ચૂંટણી લડવા નિર્ણંય કરાયો access_time 12:51 am IST