Gujarati News

Gujarati News

News of Tuesday, 18th June 2019

૧૪ વર્ષ બાદ વર્લ્ડ ચેમ્પિયનશિપની ફાઇનલમાં પ્રવેશી ભારતીય રિકર્વ મેન્સ આર્ચરી ટીમ

નવી દિલ્હી: ભારતીય રિકર્વ મેન્સ આર્ચરી ટીમ ૧૪ વર્ષના લાંબા ગાળા બાદ વર્લ્ડ ચેમ્પિયનશિપની ફાઇનલમાં પ્રવેશી હતી પરંતુ રવિવારે તેનો ગોલ્ડ મેડલના મુકાબલામાં ચીન સામે ૨-૬થી પરાજયનો સામનો કરવો પડયો હતો. આખરે ભારતીય ટીમને સિલ્વર મેડલથી સંતોષ માનવો પડયો હતો. તરુણદીપ રાય, અતાનુ દાસ અને પ્રવીણ જાધવે આ વર્લ્ડ ચેમ્પિયનશિપની ક્વાર્ટરમાં પહોંચવાની સાથે ભારતે આગામી વર્ષે યોજાનારી ટોક્યો ઓલિમ્પિક ગેમ્સ માટે ત્રણ સ્થાનનો ક્વોટા હાંસલ કરી લીધો હતો. ૧૪ વર્ષ પહેલાં પણ ભારતીય ટીમ ૨૦૦૫માં મેડ્રિડ ખાતે યોજાયેલી વિશ્વ તીરંદાજી ચેમ્પિયનશિપની ફાઇનલમાં પ્રવેશ કર્યો હતો. ત્યારે પણ ભારતને સિલ્વર મેળવ્યો હતો. ૨૦૦૫ની ટીમમાં તરુણદીપ, જયંત તાલુકદાર, રોબિન હંસદા તથા ગૌતમસિંહ  સામેલ હતા. ભારતીય ટીમે કેનેડાને ૫-૩થી હરાવીને ક્વાર્ટરમાં પ્રવેશ કર્યો હતો. ત્યારબાદ ક્વાર્ટર ફાઇનલમાં ચાઇનીઝ તાઇપેઇ સામે એકતરફી અંદાજમાં ૬-૦થી વિજય મેળવ્યો હતો. સેમિ.માં યજમાન હોલેન્ડને શૂટઓફમાં ૫-૪થી હરાવીને ગોલ્ડ માટેના મુકાબલામાં પોતાનું સ્થાન નિશ્ચિત કહ્યું હતું પરંતુ ભારતીય ટીમ ફાઇનલમાં ચાઇનીઝ અંતરાયને પાર કરી શક્યું નહોતું.

(5:28 pm IST)
  • હવામાન વિભાગમાં માત્ર ૯ મીમી વરસાદ નોંધાયો : રાજકોટ : શહેરમાં આજે સવારથી હળવા-ભારે ઝાપટા પડી રહ્યા છે ત્યારે રાજકોટ મ્યુનિસિપલ કોર્પોરેશનના આંકડાઓમાં શહેરમાં વિવિધ સ્થળોએ અડધાથી એક ઈંચ જેટલો વરસાદ નોંધાયો છે ત્યારે રાજકોટ સ્થિત હવામાન ખાતામાં માત્ર ૯ મી.મી. વરસાદ નોંધાયો છે. બપોરે ૩ વાગ્યે ૯૨% ભેજ સાથે ૧૮ કિ.મી.ની ઝડપે પવન ફૂંકાય છે. વરસાદી માહોલના પગલે મહત્તમ તાપમાન ગગડ્યુ છે. ૨૭ ડિગ્રી ઉષ્ણતામાન નોંધાયુ છે. access_time 8:49 am IST

  • કેન્દ્ર સરકારે વધુ ૧૫ ઉચ્ચ અધિકારીઓને ઘરે બેસાડી દીધા : કેન્દ્ર સરકારે કેન્દ્રીય અપ્રત્યક્ષ કર તથા કસ્ટમ બોર્ડના ૧૫ ઉચ્ચ અધિકારીઓને ફરજીયાત નિવૃત્ત કરી દીધા છેઃ આ અગાઉ પણ સરકારે આયકર વિભાગના ૧૨ અધિકારીઓને ઘરે બેસાડી દીધા હતાઃ આ બધા અધિકારીઓ ઉપર નિયમોની વિરૂદ્ધ કાર્ય કરવાનો આરોપ હતો access_time 3:54 pm IST

  • સંસદમાં કોંગી નેતાપદે ચૌધરી : લોકસભામાં કોંગ્રેસ પક્ષના નેતા તરીકે અધીર રંજન ચૌધરીનું નામ કોંગ્રેસે જાહેર કર્યુ access_time 4:03 pm IST