Gujarati News

Gujarati News

News of Monday, 17th June 2019

વર્લ્ડકપ-2019 :બાંગ્લાદેશે 7 વિકેટે વેસ્ટ ઈન્ડીઝને હરાવ્યું

મેચ જીતવા 322 રનના લક્ષ્યાંકને 41.3 ઓવરમાં ત્રણ વિકેટે હાંસલ કર્યો: લિંટન દાસે 69 બોલમાં અણનમ 94 રન ફટકાર્યા

 

વર્લ્ડકપ 2019ના 23માં મુકાબલામાં આજે વેસ્ટ ઈન્ડિઝ અને બાંગ્લાદેશનો મુકાબલો હતો. વેસ્ટ ઈન્ડિઝે બાંગ્લાદેશને મેચ જીતવા આપેલા 322 રનના લક્ષ્યાંકને બાંગ્લાદેશે 41.3 ઓવરમાં 3 વિકેટ ગુમાવીને હાંસલ કર્યો હતો. જેની સાથે ચાલુ વર્લ્ડકપમાં એક રેકોર્ડ પણ સર્જાયો હતો. વર્તમાન સીઝનમાં પ્રથમ વખત કોઈ ટીમ 300થી વધુ રન ચેઝ કરતી વખતે જીતી હતી. બાંગ્લાદેશ તરફથી શાકિબ અલ હસને 99 બોલમાં અણનમ 24 રન બનાવ્યા હતા. લિંટન દાસે 69 બોલમાં અણનમ 94 રન ફટકાર્યા હતા. તામિમ ઇકબાલ 48 રન બનાવી રન આઉટ થયો હતો.

પહેલા મેચમાં બાંગ્લાદેશે ટોસ જીતીને પ્રથમ બોલિંગ કરવાનો નિર્ણય લીધો હતો. વેસ્ટ ઈન્ડિઝે 50 ઓવરમાં 8 વિકેટના નુકસાન પર 321 રન બનાવ્યા હતા. વેસ્ટ ઈન્ડિઝ તરફથી સાઈ હોપે સર્વાધિક 96 રન બનાવ્યા હતા. લુઈસે 70 રનનું યોગદાન આપ્યું હતું. બાંગ્લાદેશ તરફથી મુસ્તુફિઝુર રહેમાન અને મોહમ્મદ સૈફુદીને 3-3 વિકેટ ઝડપી હતી.

(12:56 am IST)
  • ડોકટરોની સલામતી અંગે સુપ્રિમકોર્ટમાં સુનાવણી : સરકારી હોસ્પિટલોમાં ડોકટરોની સલામતી અંગે સુપ્રિમકોર્ટમાં આજે સુનાવણી હાથ ધરાઇ રહી છે. access_time 1:04 pm IST

  • લોધીકામાં ૦II ઈંચ : સૌરાષ્ટ્રના ૧૨ તાલુકામાં હળવા-ભારે ઝાપટા : રાજકોટ સહિત સૌરાષ્ટ્ર - કચ્છમાં મેઘાવી માહોલ વચ્ચે હળવો - ભારે વરસાદ વરસી રહ્યો છે. આજે સાંજે ૪:૩૦ વાગ્યા સુધીમાં લોધીકામાં અડધો ઈંચ વરસાદ વરસ્યો છે. જયારે ઉમરાળા, વલ્લભીપુર, જામકંડોરણા, ગોંડલ, પડધરી, રાજકોટ, બોટાદ, ઉના, ભેસાણ, જૂનાગઢ, મેંદરડા અને વિસાવદરમાં હળવા - ભારે ઝાપટા વરસ્યા છે. access_time 4:46 pm IST

  • જૂનમાં સામાન્‍યથી ૪૦ ટકા ઓછો વરસાદ પડશે : હવામાનની એજન્‍સી સ્‍કાયમેટે જણાવ્‍યુ છે કે બે થી ત્રણ દિવસમાં ઉત્તર ભારતમાં વરસાદ શરૂ થશે : અત્‍યાર સુધીમાં મધ્‍ય ભારતમાં સૌથી ઓછો વરસાદ નોંધાયો access_time 4:38 pm IST