Gujarati News

પંજાબ મેચ હારી ગયુ એ પછી લોકેશ રાહુલ અને હાર્દિક પંડ્યાએ વાનખેડે સ્ટેડિયમમાં પ્રેઝન્ટેશન સમયે એકબીજાની જર્સીની અદલાબદલી કરી હતી અને ખેલદિલીની ભાવના દર્શાવી હતી. સામાન્ય રીતચે ફૂટબોલની મેચો બાદ પ્લેયરો હરીફ ટીમના ખેલાડીઓ સાથે આ રીતે જર્સીની અદલાબદલી કરે છે. ૬૦ બોલમાં ૯૪ રન બનાવનારો લોકેશ રાહુલ પંજાબના પરાજય બાદ હતાશ નજરે પડતો હતો. એ વખતે હાર્દિક પંડ્યા તેની પાસે ગયો હતો. રાહુલે કહ્યુ હતું કે હાર્દિક સાથે મારી સારી દોસ્તી છે. મને જર્સી કલેકટ કરવાનુ ગમે છે. જર્સીની અદલાબદલી કરવા મુદ્દે કોઈ વાત થઈ ન હતી પણ મેચ બાદ વાતચીત વખતે તેણે મારી જર્સીની માંગણી કરી હતી અને મેં તેની જર્સી લીધી હતી. મને લાગે છે કે ફૂટબોલ બાદ ક્રિકેટમાં પણ આવો ટ્રેન્ડ લાવવો જોઈએ.